اخذت لكلينس وتمسح بدموعي وتعدل بمكياجي
ماما.كافي حبيبتي اتحملي شوية ويرحون
يارا.ايي
راحت ماما
تقرب مني وشاورني
حازم.ليش خايفة مني وتبجين ترى بطلت اكل لحوم بشر
يارا.......
حازم.بسيطة يارا لتجاوبين
بقو كاعدين ربع ساعة وكامو
راحو صعدت بدلت ملابسي وسبحت
نزلت نضفت لبيت وبيت خالتي موجودين ام غضب
بس خالتي وهيفاء
رحت نمت ع رجل ماما
ماما.هاا حبيبتي شلون صرتي
يارا.تمام
ضلن خالتي وماما يسولفن وبالي مو يمهن
سمت خالتي تكول لماما
خالتي.ولله ياخية اني هم شالع كلبي غضب
يريد يسافر لتركيا يستقر هناك
ماما.ياااا خية شجاه ابنج هاذ اتخبل عليكم
خالتي.اييي ولله خبلني كل يومية مسويلة مشكلة
تعبني هل لولد ولله صارت
حسرة بكلبي فديوم اشوفة يضحك هاي حاط لجكارة نهار كلة بايدة ويحرك بروحة
دموعي نزلت بسرعة سمعت يريد يسافر
يعني بعد مااشوفة
صعدت للغرفة وبدة روتيني ليومي
احبس روحي بالغرفة واشغل اغاني وابجي
مرت لايام وحازم يريد يسوي لعرس
بسبوع واحد
فديوم كاعدين اني وبابا وماما
مسويتلهم عصرية فطائر وجاي
دك موبايل بابا عمي خابرة
سمعت بس بابا كال
بابا.لااااا منو سوة هيج بيه زين ماشاف لي
خطفوه يلة خوية دقايق واني يمك
كام بابا يريد يطلع
ماما.جاسر وين رايح شكووو خوفتني منو هاذ لخابرك
بابا.جماعة خاطفين حازم ومعذبيه بالكتل وشامريه
بالباب
وجهي صار اصفر عرفت منو ورا كتلت حازم
ماما.دنتضر لعد خل اجي وياك عيب منهم
بابا.يلة بسرعة
كامت ماما لبست عباية وراحو بقيت بس اني بالبيت
صعدت للغرفة فتحت نت
وجان يوصل فيديو ع لماسنجر من غضب
فتحتة واشوف شباب ٣ يكتلون بحازم حاطيه بغرفة
ورابطين ايديه منا ومنا ويضربون
بيه بواير
مال كهرباء
يمة من شفتة متت من لخوف وروحي ماعت
من كد ماعذبوه
غضب.هسة خلص حسابي وياكم
سديت لفيديو
وكمت ابجي من لخوف
شوية وسمعت اهلي اجو نزلت
جوة
يارا.هااا ماما شلونه حازم
ماما.ياااا يمة لتشوفين شمسوين بيه وجهة مينشاف
من لضرب وجسمة ازرك صاير
يارا.زين يمة ماعرف منو هيج مسوي بيه
ماما.لااا همة شاكين بواحد صديقة قبل فترة متعاركين اثنيناتهم
يارا.اهاااا
ارتاحيت من ماعرفو غضب ورا كتلتة
اجلو لعرس اسبوعين ع مايصير زين
لمهم بدو يحضرون للعرس ولملابس مالتي مال عرس
ماما راحت
واشترتلي حتى مارحت وياهة للسوك
بدة لعرس يتقرب واني كل ما يقرب لعرس اختنك
اكثر بيوم لحنة ماما اخذتني للصالون اجرتلي بدلة ماروني وتسريحة ومكياج
ورجعنة للبيت
للعصر واجوي
اهلة كعدو شوية وانكلعو
وثاني يوم لعرسهم رحت للصالون مكياج وتسريحة رجعت للبيت ودموعي ابد ماوكفت عبالك
راح ياخذوني
للموت مو راح يزفوني
اجوي اهل لعريس كعدو شوية ولزم ايدي وكمنة
طلعنة صعدنة بالسيارة
وطلعت لسيارة من لكراج وجان اشوف
غضب واكف يم سيارتة ويدخن جكاير
وجهة احمر صاير ضعفان
ولحيتة طولانة
من شفتة كمت اشهك بالبجي
يارا.رجعني حازم ماريدك اريد ارجع يم اهلي
حازم.اششش كافي اهدي مااسويلج شي ولله لتخافين
مشت لسيارة وفتت من يم غضب رفعت لبركع
ودموعي عشرة عشرة
اجتي عيني بعينة طفرت دمعة من عينة
دار وجهة ومسح وجهة بايدة
شمر لجكارة بالكاع وصعد بالسيارة
وراح
من يومهة بعد ماشفت غضب
وصلنة للبيت صعدت بالغرفة طب هوة
للغرفة
كمت اخذت ملابسي
وكتلة اطلع برة اريد ابدل وهوة طلع
بدلت ملابسي فتحت لبدلة ولتسريحة
اخذت كلينس وحطيت
مزيل مكياج ومسحت مكياجي
طبيت سبحت وطلعت
شفتة كاعد
حازم.تعاي تعشي
يارا.مااشتهي اريد انام نعسانة
رحت نمت ع لجرباية لصبح ساعة ب٧
حسيتة بدة يتقربلي يبوس بركبتي
ويبوس بوجهي
دموعي تنزل
اختنكت واريد اتنفس
اتحملتة كوة لحد صرت مرتة فعليا
باسني من راسي
حازم.مبروك صرتي مرتي وحبيبتي
كمت لفيت نفسي
بالجرجف وطبيت للحمام
احس شي ثكيل ع كلبي اريد اصرخ
واريح كلبي دموع ماضلت بعيني
سبحت وطلعت اباوع ع عيوني
مورمة وحمر
ورحت نمت
كعدت ساعة ب ٩ نزلت
نزلت وعمتي كامت تهلهل
صبحت عليهم
وشوية واجتي ماما
جايبة ريوك وياهة
كعدنة اتركينة
وراحو غسلت مواعين لريوك
وصعدت مرت لايام
حازم زين وياية
بس اني مااطيقة
باردة وياه كلش
يعني علاقتي بيه ع كد لسؤال
مجرد ياخذ حقة مني
وانطي ضهري وانام
كمت مااطيق نفسي مو عاد اطيقة
حتى حب مانع حمل كمت
اشرب ماريد شي يربطني بيه
من كد ماكرهتة
عمتي بدت شوية شوية تتغير
علية ذب شغل لبيت كلة علية
كل هاذة وماحجيت اكول هية مرة جبيرة
زوجت ابنهة حتى
ترتاح من شغل لبيت
صار تنضيف لبيت
ولطبخ كلة علية
معاملتهة وياية
اتغيرت ع اقل شي تصيح
علية وتتنتر واذا
اريد اروح لاهلي هية اول
من يعارض تخليني كل
٣ اشهر اروح لاهلي
ولازم اروح من لصبح
ارجع لعصر ميصير
ابقة يمهم لليل لو ابات
اما غضب
اووووف يغضب حاولت
انساه بس ماكدرت
سمعت بيه مسافر لتركيا
مقيم هناك بيومهة
ضليت كاعدة للصبح
ابجي حتى حازم انتبه علية بس
كتلة بطني توجعني
وسكت مر ع زواجي سنة ونص
واني بعدني اخذ
حب مانع حمل عمتي كامت
تعيرني نهار كلة تصيحلي
لعاكر شكد اكره كلمتهة هاي
من اتكولهة
حازم شوية شوية
كام يبتعد مني
مو مثل بداية زواجنة
جان من يتقربلي متلهف علية
هسة كام ياخذ حاجتة ويدير وجهة
اني هم مااهتملة
تفكيري جان كلة يم غضب شلون
عايش هسة نساني
ايي اكيد نساني قابل
يفكر بمرة متزوجة
هسة هوة بحالي
وهذني بنات تركيا
وحدة احلى من الثانية
تعبت من لتفكير
يتبع....
