انفتحت لباب طلعت ماما
شافتنة وجان تحط لشال ع وجهة وتبجي
رحت حضنتهة وابجي
خالتي.يلة يمة تاخرنة وانتي هم خية لتشيلين هم
بنتج بنتي لتخلين بالج يمهة اصلا ولله اخليهة بعيوني
جرتني من ايدي خالتي وصعدتني بالسيارة
واني عيني ابد مانزلتهة من امي
اباوع عليهة واكفة وتبجي
ورافعة راسهة للمسة
وتحجي وتبجي
حركت لسيارة طلعت راسي من لجامة
واباوع وعليهة وابجي
لحد ماصارت بعيدة كلش وكمت مااشوفهة
طببت راسي حضنت خالتي وابجي
وصلنة للمطار نزلنة
ضلينة كاعدين ننتضر
راحت خالتي اشترتلي لفة مال همبركر
وعصير
ماقبلت اكل بس اصرت علية لا اكل
اكلت منهة شوية وذبيتهة
ضلينة كاعدين شوية
وكالو راح تحرك لطيارة
توجهنة للطيارة
حجزنة مقاعد وكعدنة
ضليت اباوع
من لشباك
شوية وجان طير لطيارة
ضليت اباوع ع بغداد
ماشفت منج غير بس لضيم
درت وجهي
فتحت موبايلي
وكسرت لسيم كرت
مالتي
وحذفت كل لبرامج
قفلت لموبايل
وضميتة
وبعد مرور اربع ساعات وصلنة تركيا
نزلنة من لمطار خالتي
دكت ع ابنهة
وتوصفلة لمكان لي احنة كاعدين بيه
سدتة منة شوية
طبعا خالتي زوجهة مات بحرب ايران
وجانت تحب رجلهة كلش
اخذتة ع حب
وهواي اتقدمولهة ورفضتهم
جان شايلة فكرة اني تاخذ واحد ورا
مامات زوجهة عاشت لابنهة
لحد ماكبر ابنهة اخذت وسافرت لتركيا علمود دراسته ة طبعا هوة دكتور جراحة
من تخرج ابنهة هواي حجو بيت جدي وياهة
حتى ترجع تعيش بغداد بس جانت رافضة
لان تعودت ع تركيا
لمهم شوية وجان يجي
ابنهة حسن
شكلة حلو هوة حنطاوي وطويل جسمة متروس
عيونة عسلية
وشعرة اشقر
اجة باس امة من راسهة وسلم عليهة
باوع علية ومدلي ايدة
حسن.شلونج بنت خالتي
يارا.حمدلله وانتة
حسن.حمدلله بخير شخبارج مشتاقيلج
يارا.تشتاقلك لعافية
لمهم طلعنة من لمطار
ورحنة لشقة مالتهم
بيهة ٣ غرف غرفة لي ولخالتي ولحسن
وهول ومطبخ وصحيات
وبلكونة
صايرة ع لحديقة كلش حلوة
بس جوهم بارد حيل
اخذت غراضي صفطتهن
بالكنتور مالتي
ورتبت غراضي
طلعت صورتي اني وغصب
نزلت دموعي
ضليت كاعدة اباوع ع لصور وابجي
مر لايام وخالتي
ماخلت مكان ماطلعتني حتى طلعني من لحالة لي
بيهة بس مالي واهس بكلشي
رغم جمال تركيا
بس هاذة كلة مو بعيني
جنت مشتاقة لاهلي حيل
وبنفس لوقت مشتاقة لغضب
تعبت نفسيتي وحالتي
كامت تسوء يوم عن يوم
وفوك لحالة لبيهة اني
كامت تلعب نفسي من كلشي
من لعطر ولاكل
واي شي اشوفة كدامي تعلب تفسي واكوم اتقيى
لحد مافديوم خالتي جانت تسوي تشرب لحم وتمن
اني اشتميت ريحة لحم لو احس معدتي تريد تطلع
نفسي كامت تكلب رحت للحمام
كمت اتقيى خالتي من شافتني هيج
دكت رجل لا تاخذني لدكتورة
اني هم ماكلت لا
رحت بدلت واخذتني
سوتلي تحليل دم
شوية وطلعت
لتحاليل
اخذتهة خالتي حجت ولبنية كلشي ماافتهمت
تحجي بالتركي وخالتي هم تحجي بالتركي وياهة
اندارت خالتي علية
حاطة ايدهة ع حلكهة وتضحك
