ورا يومين خابرونة وانطونة موافقتهم
بسبوع واحد
اخذو مشية زلم وراحو خطبوهة
سوهة هية مشية زلم وهية عقد سيد وسو حفلة
بيومهة شفت لفرحة بعيون حازم
يضحك ويركص ومامصدك
طبعا اذا اخذهة ع حب شلون
ميفرح
خابرتني
ماما عصبية وتصيح علية
ماما.ولج يارااااااا شعندج بعد كاعدة يمهم تخدميهم
ليش متجين يمنة نطلكج
يارا.لايمة اني كتلة روح اخطب اني
مااخلف وهوة يريد خلفة
ماما.بنيتي ولج لتضلين فطيرة عوفي خلي يولي
فضلهة عليج وخلاج علج بحلوك لعالم ع كولتن مابيهة خير وراح اتزوج عليهة عوفي وتعاي
يارا.يمة اني قابلة بعد شعلية بالعالم
سدتة بوجهي
عفتهة ورحت نمت
مرت لايام وحازم يجهز لعرسة جاب غرفة
ودائما اشوفة يخابرهة
يضل كاعد وياهة للصبح
من اشوفة هيج يسوي وياهة هيج
ماادري ليش مااحس بالغيرة
ابد ولا اهتملة
بحيث اني نايمة بصفة
وهوة فاتح خط وياهة
ويكوللهة حياتي واحبج
ومن هاي لسوالف
بيوم لعرس طبعا ماسولهة حنة
بس هية سوت يم اهلهة
بيناتهم هوة ماسوة
ثاني يوم لعرس بدل من لصبح
ولبيت هوسة ناس طابة وناس طالعة
بيومهة مارحت وياهم للعرس واصلا
اني لعروس مشايفتهة لان بكل
مناسبة ماروح لاهية شايفتني
ولا اني شايفتهة راحت لزفة نزلت
قفلت لباب وصعدت
طبيت سبحت
لبست دشداشة قصيرة
ربع ردن
طلعت من لحمام دانشف بشعري بالمنشفة
وجان اشوف غضب نايم
ع لجرباية ويباوعلي ويهز برجلة
يارا.غضضضضضب شدسوي هنا
غضب.اجيت اشوفج
كام وكف وتقرب علية
غضب.شتنتضرين بعد لحمزة يطلع من كبرة
يلة تطلكين
يحجي بعصبية ولازمني من ايدي ويهز بية
غضب.ولججججج مليت واني انتضرج كااافي عاد
عوفي ولله من باجر اخذج
يارا.بياااا عذر اطلك كووولي
غضب.ولج يارا اتزوج عليج عوفي ولله اني اخذج
يارا.واذا اكولك اني كتلة روح اخطب
غضب.شنوو ليش
يارا.اني مااخلف وهوة يدور خلفة كتلة روح ازوج
غضب.يارا احبج حسي بية
يارا.ولك عبالك محااااااسة واني داموت باليوم الف موتة بحيث وصلت بيه من يتقربلي اتخايلك انتة
دفعني حيل ع لحايط
ودار وجهة
غضب. وهسة كوليلي شسوي
يارا.اتزوج وروح عيش حياتك
غضب. عبالج سهلة مووو اروح اعيش حياتي
ويا وحدة غيرج تعبتيني يارا تعبتيني حيل مو شوية
كبرتيني عمر فوك عمري
يحجي وياي اباوع علية ودموعي تنزل
غضب.كافي لتبجين بعد مااتقربلج
ديري بالج ع نفسج واذا تحتاجين شي
كوليلي
يارا.ايي محتاجة
غضب.شنو
يارا.احضنك
حجيتهة ورحت علية حضنتة حيل
شالني وحضني حيل
وعصرني حيل حسيت عضامي
تريد اطك
ضلينة دقيقتين متحاضنين واشتم بعطرة
لي ممزوج ريحة لجكاير وعطرة
انسطرت ودخت
يارا.يلة روح هسة همة جايين
غضب.باي
يارا.باي
راح فتح لباب وطلع
سديت لباب وراه
نص ساعة جان اسمع صوت
موسيقى وهورنات
فتحو لباب وطبو
سمعت لهوسة
دموعي نزلت نزلت مو علية لان اتزوج
لا لان حرمني من غضب وتاليتهة
مل مني وكام يدور بنات
شوية وزفوهم للغرفة
اني رحت نمت
كعدت ثاني يوم لصبح ع صوت
هلاهل عمتي
بدلت ملابسي وحطيت
مكياج فتحت شعري ونزلت
شفت لبنية شكلهة حلو
بيضة وعدهة غمازة بخدهة
وشعرهة ميشتة وعيونهة
كبار وسود واكفة يم عمتي وحازم
اتقربت يمهم
يارا.الف الف مبروك حبيبتي
فاطمة.الله يبارك بيج حياتي
يارا.تسلمين كلبي
يارا.مبروك حازم منك لمال ومنهة العيال
جرني من ايدي وحضني وباسني من راسي
حازم.لله يبارك بيك حبيبتي
عمتي.يلة يارا روحي سويلهم اكل
يارا.يدللون
فاطمة.اني اجي وياج
عمتي.لا انتي اكعدي هية تسوي اكل
فاطمة.لا خالة اني هم اريد اتعرف ع يارا
يارا.تعاي حبيبتي
رحنة اني وياهة للمطبخ
طلعت لكيمر والكاهي ولعسل
حطيتة بالصينية
ونسولف سوالف عادية
تسئلني واني اجاوبهة ع كد السؤال
اخذت لصينية
ورحنة بلاستقبال
تريكنة
غسلت لمواعين نضفت لبيت
وسويت غدة وهية وياية وياية
خطية تريد تاخذ ع لبيت
كملت تنضيف صعدت فوك سبحت ونزلت
ومرت لايام
نفس لروتين حازم تعاملة وياي مثل قبل
بس ينام يم فاطمة بعدهة لان عروس
اما عمتي ف كامت تتغير شوية شوية
ع فاطمة بالبداية جانت زينة وياهة بعدين
كامت تحجي وياهة بتنتر
واكفة بالمطبخ وجان تجي توكف يمي
فاطمة.يارا هاي عمتي شبيهة ليش هيج تحجي وياي بتنتر
يارا. حبيبتي مو بس وياج اني هم حالي من حالج احمدي ربج تحجي وياج بتنتر اني
شوفتني نجوم لضهر شوفي هاذة لشك لبراسي
هية شكت راسي بالكلاص
فاطمة.صدووك هاي اكيد بيهة شي
يارا.ههههه اسكتي ولج لتسمعج معليج بيهة
فاطمة.اوووي واذا ماسمعت
عمتي.منوووو هاي لاذا ماسمعت
فاطمة.هاااا خالة صديقتي غلطت عليهة ويارا تكول عيب لتسمعج واني حجيت هيج
عمتي.يللللة بلة كلام زايد صبن غدة
فاطمة. حاضر
صبينة غدة وفرشت لسفرة
تغدينة وفاطمة غسلت مواعين
اني صعدت فوك نمت
يتبع.........
