يارا.صدك خالة وينهة اريد اشوفهة فدوة
خالتي.هسة شوية ويجيبوهة
طب حسن
حسن.حمدلله ع لسلامة
يارا.الله يسلمك
شوية وطبت لدكتورة
جابت بنيتي حبيبتي
كمت كعدت انطتنياهة
اباوع ع شكلهة
حواجبهة وخشمهة ع غضب
هم نفس لحواجب
مطبوكات
بيضة كلش
عيونهة كبار
شعرهة خفيف اشقر
وحلكهة منفوخ وصغير
يمة كزكزت ع منضرهة
حضنتهة حيل وكمت ابجي
من لفرحة
اخذتهة خالتي مني
خالتي.يارا شتسميهة
يارا.داليا
خالتي.حلو
اخذهة حسن من خالتي كبر باذانهة وسماهة داليا
حسن.يمة هاي بنيتي صارت
ضحكت
خالتي.ايي ويارا مرتك
رفع راسة صفن بوجهي ثواني
وجان ينزل راسة
حط داليا بحضني وطلع
استغربت موقفة
لمهم مهتميت
خالتي.يلة يارا لازم ترضعيهة حتى تنام
يارا.مااعرف
خالتي. اني اعلمج
اجتي ضلت تعلمني شلون ارضعهة وفعلا رضعتهة ونامت
ورا كم ساعة حسن
سوالي ورقة خروج
ورجعنة للبيت
نزل حسن للسوبر
راح اشترة حفاضات وحليب وممة ولعاب مال اطفال
واني فرحانة بنتي
يمة اباوع عليهة اكول معقولة هسة
هاي بنتي واني راح اربيهة واكبرهة
ضليت حاضنتهة
نزلت دموعي من اذكرت غضب
مرت لايام
وبنتي صار عمرهة شهرين
وخالتي وحسن
ابد ممقصرين وياية
حسن اول مايجي من لشغل
يجي لغرفتي يطب ياخذ
داليا ويضل يلعب وياهة تعلق حيل بيهة
وهية هم من تشوفة
تضل تضحكلة
وهاذة متخبل عليهة
فديوم بليل
نومت داليا وطلعت ملابس
حتى اطب اسبح طلعت من لغرفة نزلت
للحمام
جان اسمع خالتي
خالتي.يمة حسن شبيك ضايج قابل هسة هية راجعة لبغداد
حسن.يمة اول وتالي رجلهة راح يعرف
بيهة جايبة بنية واكيد راح يرجعهة
خالتي.كافي يمة لتضل تاكل بروحك وتفكر خليهة ع لله وهية تنحل
حسن.يمة اني تعبان حيل قبل ماتجي يارا جنت مرتاح وماافكر اكول اخاف ع ساعة اهلهة يعرفون بيهة هنا وترجع واني احس روحي صارت بروحهة هية وبنتهة
خالتي.الله يساعدك وليدي طلعهة من راسك دوس ع كلبك ليوم ولاينجوي باجر
حسن.هه ليش يمة هية بايدي اطلعهة من كلبي
خالتي.يمة لعد تضل تحرك بنفسك هيج احسن
وانتة كلش زين تعرف بيهة بعدهة تحب ابن خالتك
