☀️🌪عاصفة شمس🌪☀️

🔥عاصفة شمس 🔥جزء 9

يوسف : والله مكدبتي ... مهم راني لقيت ليك داكشي لي بغيتي و لموطور ليبغيتي راه دخل لمغرب
شمس (فرحات):هههه اخيراا ...مهم غانوصل لايفران و نسيفط ليك فلوس تانجي ونجي ناخدو من عندك ...ياك بعدا نوع 75
يوسف : واه متخافيش..هادا راه غاطيري بيه
شمس : ههه يالاه
عمر: على سلامة دخل لكاوازاكي
شمس : ههه اخيرا بعدا..كنت غانمشي ليه تال لفرانسا
عز : امتا غاتمشي لفرانسا
شمس : باقي معرفتش تايخرج لماستر
عز: و شغاديري من بعد لماستر
شمس (شافت فيه من لمرايا ): تايوصل وقتها و نقرر ديك ساعه ...نوقفو فهاد باحة الإستراحة
عز العرب : اه وقفي راك مفاطراش
دخلات شمس لباحة و تبعاتها لوطو دسعد و خرجات شدات فروي و دخلو گلسو فلقهوة فطابلة كبيرة عائلية
نادل : اش تطلبوا
خداو داكشي لي بغاو و شمس خدات غير قهوة كحلة
اسيل : شمس طلبي شي حاجة تاكليها راك مواكلة والو
شمس : نو عادي غابصحتكم (هزات تيلي ديالها و جرات روي و بقات كتمشا ودوزات نمرة يوسف ): الو ..لقيتي ليا داكشي
يوسف : اه..مهم راه الموقع مزيان
شمس : واخا...على حسابك
يوسف: صافي واخا ...شكون معاك
شمس : اسيل و سهيلة و عروة و عز العرب و عمر و سعد و ابتسام
يوسف : شكون هاد ابتسام و سعد
شمس : من بعد و نعاود ليك...يالاه قطع بغيت نعيط لواحد نمرة(قطعات)
شمس : الو غيث
غيث الدين (ولد عمتها ):فين اشموسة...شحال هادي معيطتي..اش كاين
شمس : تكايس على راسك ونتا متنفستيش..مهم بغيتك تمشي لفرانسا لريسطو تاعي...و شوف واش كلشي هو هاداك ودي معاك مرتك و ولدك و مين تكون تما شوف ليا داك لمحاسب
غيث الدين: صافي مشات..كنا نيت باغين نسافرو ...قالتي لوليدة سافرتو هاد صباح
شمس : اه ...يالاه نخليك دابا ..كيعيطوا ليا(قطعات ورجعات عندهم )
عمر : شمس كولي شي حاجة ... متخافيش انا نخلص عليك
شمس : الله اعطينا وجهك اخويا ...يالاه الا ساليتو نمشيو
عز العرب(دخل اخلص لقا كلشي مخلص ):شكون خلص ..دخلت نخلص لقيت كلشي مخلص
عروة : انا..يالاه..(قرب حدا شمس ودوا )شمس خليني نصوگ عليك رتاحي
شمس (تحسسات من قربوا ليها ):وا واخا
عروة (بتاسم):اخليلي لي كيسمع لهدرة
شمس (طلعات حاجبها):شنو
عروة : قتليك اخليلي لي كيسمع لهدرة
شمس (تزنگات مي واخا هاكاك  خرجات سنطيحة ):يالاه نمشيو
فداك لوقت اسيل و سهيلة كانو كيتغامزو عليهم
عز العرب : احم يالاه
طلعات شمس حدا عروة لقدام و هي معنقة روي لي عزيزة عليه شمس كيرتاح معاها..اما عز العرب و عمر ركبوا لور..بقات شمس كدوي مع عمر تاداها نعاس و روي تاهو نعس و عروة دار عندها و لقاها نعسات و معنقها روي بقا كيشوف فداك لوجه لملائكي و شافها معنزة حيد ليها لكاسكيطة : عمر تكي شوية لكرسي شمس نعسات
‎عمر (تفاجئ باهتمامو ):واخا ... ناري نعاسها تقيل
‎عروة: ونتا باش عرفتيها..(خنز فيه )
‎عمر : راها بحال ختي اصلا قريبا ليا ...عادي
‎بقات شمس ناعسا و روي متكي عليها و عروة مرة مرة كيشوف فيها و بقاو هاكاك تاوصلوا لايفران قدام واحد لفيلا صغيرة و غاوقفات لوطو و هو يبدا روي كيلحس فايد شمس زعما باش تفيق : روي(مغمضة عينيها)بعد بففف
‎عروة (بقا كيشوف فيها كيفاش تاتفيق ):شمس نوضي راه وصلنا
‎شمس(كتحك فعينيها):وايلي ههه نعست بزااف
‎عروة(شاف ديباردور هبط شوية و بان صدرها..قرب ليها و قال فودنها): طلعي ديباردور ...ومتبقايش تلبسي بحال هادشي
‎شمس(خنزرات فيه): يمكن ماشي شغلك
‎هبطات هي وروي لقاتهم كاملين مجموعين قدام باب لفيلا
‎اسيل : زوينة هاد دار
‎سعد : اه احبيبة ديال عروة
‎ابتسام : سعد حتارم مشاعيرنا راه حنا سيلي
‎سعد : غبري من قدامي قبل مانوريك سيلي شحال كتسوا
‎شمس(بدا كايجيها لبرد):آلاخوان راه جاني لبرد مغندخلوش اعروة
‎عروة(خنزر فيها ):اوا ضروري اجيك لبرد راك ملبسا والو
‎شمس(طلعات حاجبها):ديها فراسك دابا غادي دخلنا ولا نمشي نشد اوطيل
‎عروة :من بعد ونتفاهموا على هاد ديها فراسك و ماشي شغلك (حل لباب)يالاه دخلوا
‎نوصف ليكم لفيلا : كتكون من جوج طبقات هي صفيرة مي ستيل ديالها واعر ...مهم كدخل مع الباب كتبان ليك شميني فوق منها ديكورات كايبانو قدام شوية  و حداها گليسا بلمخاد و سلة ديال كتوبا و كوزنية مفتوحة مجهزة بالآلات الالكترونية و مفتوحة على گليسة بلفوطويات و طبيلة متوسطة و كاين شرجم كبير  بزاج كايطل على جردة ديال دار لي كانت  مزوقة بورود بالألوان لأنو باقي ماكاينش ثلج و حدا شرجم كاين كورسي كبير من لكراسة لي كايتزعللو و طبيلة صغيرة قدامو و كاين حدا لباب حمام مجهز بلون ازرق برخام أما طابق الثاني ففيه جوج لغرف مفروشة لنوم و معاها دريسينغ و حمام بدوش ديالو فلون الأسود يعاني دار كاتغلب عليها الألوان غامقة
‎اسيل (كاتشوف فدار و كادوي): دابا كيغانديرو للنعاس
‎سعد : غاتنعسي حدايا احبيبة
‎عز العرب : ههه تحمستي
‎اسيل : راه غاكيضحك
‎سعد (قرب ليها):عقلي على غير كيضحك
‎ابتسام : عدنا جوج بيوتا و حنا 8
‎شمس تكات على لحيط و كتشوف فيهم
‎عمر : كل 4 فبيت
‎الكل: ههههه
‎سهيلة : حنا لبنات كل 2 فبيت ونتوما دراري نعسوا فصالا
‎سعد : نسيبتي ههه كضحكي شحال ظريفة
‎اسيل : عندها صح ..شبانليك اشمس
‎شمس : معنديش مشكل
‎عروة : صافي ادراري حنا نعسوا لتحت و لبنات فلبيوت دنعاس
‎عز العرب: صافي
‎اسيل : انا و ابتسام فهاد لبيت
‎شمس : ممم مزيان باش تفاهمي مع لوستك
‎سهيلة : انا فيا جوع
‎اسيل : نطلبوا شي حاجة من على برا
‎سعد : تبارك الله على لمرا لي غنتزوج بيها
‎سهيلة : عرفتو بلا منضيعو لوقت من احسن نمشيو ندوشو و نخرجو
‎شمس : يالاه ..مي خاسنا نطلعوا لي فاليز
‎عروة : انا غانطلعهم
‎عمر : انا غانمشي معاك