شمس : انا مين ماتت نجمتي مشيت لفرانسا قريت تما..كنت ساكنة فلانتيرنا مهم دوزتها صعيبة شوية تعلمت بزااف دلحوايج كنت كانمشي لمغرب و نرجع مي مكانجيش عند لعائلة (شافيها)علاش حيث مكان عندي ليمن نجي كنت كانجي غير على قبل بابا خالد مهم قريت من بعد لباك ثلاث سنوات و كنت كانخدم فنفس لوقت كنت كانرسم تصاميم و كانبيعهم و قدرت نشري دار و ندير مشروع من بعد جيت لهنا بطلب من لحاجة و صافي و مؤخرا جيت فتحت ريسطو هنا و نتا بنتي فحياتي صافي ونتا اجمل حاجة فيها(على هاد لجملة حسات براسها تحت منو و هو مكالي بيديه باش مايلوحش عليها ثقلو )
عروة(عينيه ضاحكين مابقا ليهم والو و يبتاسمو ) : شنو قلتي
شمس(تزنگات) : نتا اجمل حاجة فحيات(سكتات من بعد محط شفايفو على شفايفها و كايتفنن بشوية خايف لايضرها بحال بيبي صغيور و هي جامدة هادشي جديد عليها...شوية حبس)الا زدت شوية مغنقدرش نتحكم فراسي (دوز ايدو على حناكها حميمرين)نوضي احبيبة نمشيو راه كايتسناو فيك راه اسيل و سعد جاو
شمس : مغنقدرش نمشي
عروة (شد بايديها و تنهد حاس براسو مغيشدش راسو عليها):حبيبة هادي هي سنة الحياة و معندك متبدلي دابا غير يالاه...نوضي
شمس (شافت مزيان فسقف و ضحكات ):الا منضتيش عليا دابا مغنقدروش نمشيو هه
عروة : اخليلي هاد ضحيكة (ناض و مد ليها ايديه تشدها و ناضت طلع و نزل فهادشي لي لابسة وخنزر) بدلي هاد لحوايج دابا و ماتبقايش تلبسي بحال هادشي
شمس (دخلات نفس و خرجاتها ):عروة صافي (شافتو غايبدا يدوي)صافي صافي غير خرج انا غانبدل
عروة : انا برا كانتسنا
خرج و مشات لواحد ساك جبدات منو سروال دجين مقطع طالع و بيل سميطات بالاسود و كويرة فنفس لون و سبرديلة بيضة و طلقات شعرها و ضارت نضاضرها و هزات تيلي و ساكادو و سوارت سكوتر لي كان مورا لكوخ و لكاسك و خرجات عندو غير شافها و هو يحرك راسو بلا حول..قرب عندها سد ليها لكويرة
شمس(شدات باب لكوخ): انا غانمشي فسكوتر
عروة(خنزر):لا يالاه معايا
شمس(كادوي بحالا كاتنخصص بحال دراري صغار) : وا عروة منقدرش نخليه هنا
عروة(ضحكاتو وخربق ليها شعرها) :واصافي ابرهوشتي يالاه ولكن بقاي حدايا
شمس(كشرات): انا ماشي برهوشة(غمزاتو و دارت لكاسك و زادت طلعات وهو ركب فلوطو ديالو و زادو مكسيريين فلول طريق كانت خاوية مع طريق غابة بعيدة شوية و بدات طريق كاتعمر و ناس فينما دازت كايبقاو حالين فمهم مع داك سكوتر دلكاوازاكي حمر و لبنت لي سايگاه و شعر طاير مع لبرد و هادشي مخفاش على عروة لي ولاو عينيه حمرين و كسيرا تابعها ...شوية قرب حداها و هبط زاج و غوت):نققصيي سرررعة و بقاااي حدااااياااا ماشي وقت نفرشخ شي ولد كلبة
شمس(غوتات):تتتتبببعنيييييي(وكسيرات و هو بقا كايدعي على هاد سرعة لي لقيلا وصلاتها 130 وفطريق عامرة و هو يتبعها كايضوبل فطوموبيلات كاين لي كايعاير فيهم و كاين لي كايضحك على هاد لهبال و كاين لي عجبوه و عمرو شاف بحال هادشي...من بعد مدة وصلو لدار البناني و نزلو و مفلتاتش شمس من توبيخات عروة )
شمس : واصافي راه مكنقدرش نصوگ بشوية (شافتو غايدوي وهي تقاطعو) عافاك اعروة انا جيت لهنا على قبلك اما منجيش
عروة (قرب منها و جرها من خصرها تادربات فصدرو و قرب منها طبع قبلة جنب فمها ):يالاه ندخلو راني صابر بزز و محتارم قرارك
شمس(ضحكات و باستو فحنكو...دخلو من بعد ما حلات ليهم لخدامة لباب و لقاوهم مجموعين كايعاودو على تسافيرة و معاهم لمياء لي گاتليك جات تشوف اسيل و سعد ) : سلام عليكم
الكل(من غير اسيل و عز ):و عليكم السلام
نعمة(فرحات مين شافتهم بجوج ) : على سلامتك ابنتي و ولدي عروة
شمس : الله اسلم (شافت فسعد و اسيل)على سلامتكم
سعد(كايشوف فاسيل لي مشافتش فيها):الله اسلمك انسيبتي
شمس (ضحكات فوجهو و شافت فاسيل و ضحكات فخاطررها و شافت فسهيلة لي غير شافت فيها فهماتها و ناضت من حداها و جات بلاصتها شمس...قربات حداها و دوات بهمس ):مالك عاوتاني
اسيل (شافت فيها رغم اي حاجة كاتحماق عليها و هي مولات لعقل غير شافت عويناتها و هي تلاح فحضنها كاتبكي معرفاتش علاش مي بغات تبكي فحضنها تصدمو كاملين مي شمس عارفاها علاش كاتبكي)
سعد(تصدم):اسيل مالك احبيبة
اسيل (كاتنخصص و نسات راسها):ليوم ذكرى وفاة خالتي نجمة
شمس(غمضات عينيها مافيها لي يسمع شي حاجة و فتحاتهم شافت نيشان فعروة لي غمزها بمعنى تهدني): دابا مالك كاتبكي
نعمة : عادي ابنتي هادي هي سنة الحياة
لمياء :زدتي فيه مالك كاتبكي هاهي بنتها و مابكاتش على قبلها (محسات شمس تاناضت ليها و جراتها من شعرها.. عائلة لبناني تصدمو من تصرفها الا عائلة دلعموري عارفين تقدر تستحمل كلشي الا مها خط احمر و هي تجاوزات گاع لحدود )
شمس(عينيها حمارو جراتها من شعرها و هزاتها و قفاتها ):اخر حاجة دوي عليها هي ماما سمعتي الا كنتي نتي برهوشة و مامربياش انا ماشي بحالك سمعتي
عروة (جا عندها ):شمس طلقيها شمس
لمياء : شفتي هاد لهيماجية مامربياش...حسن مك مين مامتت و ماشافتش بنتها كيدايرا كاتفلا على دراري و تغريهم (🚑🚑صافي قفارت 🚑🚑كلشي تصدم من هدرة لمياء و هي تهز شمس ايديها و عطاتها لوجه )
شمس(كرزات ليها على شعرها و عينيها حمارو حمارو): على قبل هاد ناس لي حدايا غانطلقك اما كانقسم فمي بالله لي خلقني بربي كنتي غاتباتي فلقبر...(دفعاتها )حيدي من قدامي (تمات غادة )
حاجة (كاتبكي و كاتحس بصدرها مضيق ):شمس عافاااك بقاي(ضارت و مشات عندها گلسات حداها و عنقاتها )
كمال(مخنزر): لمياء نوضي فحالك
لمياء(تصدمات من كلامو):عمي انا مدرت والو هي لي مامربياش
شمس(يالاه بغات تنوض ليها و هي تشدها حنان و عروة خنزر فيها)
عز العرب : عندها لحق مقالت والو... شمس لي زادت فيه
أنت تقرأ
☀️🌪عاصفة شمس🌪☀️
Romanceعندما تشرق شمس تعلن عن صباح جديد و هدوء لكن شمسنا هي شمس تعلن عن عاصفة 👈🏻👈🏻عاصفة شمس 👉🏻👉🏻
