(كلشي تصدم من هدرتو الا شمس لي كانت مرفوعة كلام ديك شيخة غيبها...ندمات علاش جات و لكن غاتگلس غير على قبل جداتها )
كمال(مرضاش قدام ناس من هدرة بنت خوه): لمياء دويييت
لمياء (بدات كاتبكي...دموع تماسيح):على قبل هادي كاتجري عليا...دابا تبان على حقيقتها وتندمو..هادي غير بنت زنقة مكتسوى والو
حاجة : اييه حدك تما سمعتي...سي كمال اش هادشي كانسمعو
كمال(ناض شدها من ايديها و هو ينوض عز )
عز: هاهي معايا (مع لمياء): زيدي
حنان : سمحولينا دابا يالاه جاو سعد و اسيل نمشيو دابا
نعمة (بقا فيها لحال):خليوكم معانا
حاجة : لا مرة خرا ان شاء الله يالاه (شافت فامين و محمد )
امين : نخليوكم دابا...شكرا
ناضو خرجو وشمس مكايناش شافها عروة هكاك عرفها غادير شي حاجة...يالاه بغا يعيط ليها وهي تركب فسكوتر و زادت مكاين لا كاسك لا والو كسيرات كلشي شاف فيها بحزن عارفين نقطة ضعفها هي نجمة....لحاجة بدات كاتبكي حلفات لابغات تسكت ليهم كلمة وحدة كاتردد ففمها هي شمس الليل
#عند_شمس لي غادا فسكوتر و كاتبكي عينيه مبغاوش احبسو بلبكا حمارو بزاااف لوطو لي شافتها ضوبلها معاقلاش...شوية وقفات قدام مقبرة لي مدفونة فيها مها و كاتمشا بخطوات ثقال حتى كايبان ليها شي حد واقف عاطيها بظهر و هاز ايديه لسما و كايدعي قربات ليه و هي تعرفو شكون...وقفات حداه و بقات كاتشوف فلقبر نطقات بصوت مغنغن : سير من هنا
معتز (شاف فيها و مسح دموعو):مانقدرش
شمس(متحركاتش):گلت سير فحالك من هنا
معتز(طاحت دمعة من عينيه مسحها بلخف وزاد و هي بتاسمات بغل...طاحت على طولتها حدا لقبر و بقات كاتبكي بجهد كانت ديك لوقيتة شمس بدات كاتغرب وهي بقات كاتردد حاجة وحدة ففمها):علاش علاش هئ هئ خليتيني علاش وليتي جبانة خوافة علاش ماقدرتيش تقاومي على قبلي علاش حرام عليك هئ هئ ( بقات حداها لمدة 10 دقائق حتى حسات براسها قادت توقف و ناضت من بعد ماباست تراب قبرها...تمات خارجا و هو يبان ليها واقف كرزات على ايديها و كتنعل نهار لي ولدها فيه..تمات غادا متجاهلاه مابغاتش تغلط فيه...وقفها صوت حنين اول مرة تسمعو ):شمس
شمس(باقا فنفس لوضعية )
معتز (جاي كايقرب منها ) : سمعيلي ابنتي غير مرة وحدة
شمس(ضارت عندو و عينيها حمرين لي شاف فيهم اگول غايطيحو قد ماهيا مخنزة):شنو بغيتي اش غاتگولي بلي نتا سباب انتحارها (تصدم من هضرتها هو سنين و هو مخبي عليها بلي هي نتاحراااات صدقات عارفا )ههههههه سحابليك معارفاش...عارفا و بتفاصيل مزااال..فواحد ليلة تخاصمتي مع نجمتي و خرجتي مابتيش فدار و هي وصلوها تصاور نتا و قحيبة ديالك (ضحكات)شنو بدلتي مراتك بسكريتيرة ماتسواش تال ظفر صغيرة درجليها هههه بقيتي فيا وهي شنو دارت (غوتات)نتاحراااات (ضرباتو لصدرو) اه هي جبانة و خوافة و ماقدراتش تقاوم حيث كاتبغي سيادتك و نتا ماتستاهلش
معتز(بهدوء و كل كلمة قالتها كتحرقو): انا مخنتهاش و الله كانقسم ليك وباش تيقي..اجي معايا (جرها من يدها و خشاها فلوطو و حتى هي محولاتش تمنعوا...ركب حداها و كسيرا بعد مدة وقف قدام واحد دار فحي شعبي و لعيالات واقفين كايبرگو و دراري كايلعبو و لغوات...بقات شمس كاضور عينيها )
معتز : نزلي (هبطات شمس شدها من ايديها و تاجه بيها لواحد دار جات فتحتية و دق فيها بعد جوج دقات فتحات مرة تكون فربعينيات شعرها تتخلو شيب و لكن باقي شادة فراسها عينيها قهويين و بشرتها سمرة شافت فمعتز و تصدمات )
....(بصوت عالي عليه صدمة ): س سي معتز
معتز(مكايشوفش فوجها ):نقدرو ندويو معاك خمسة دقائق من وقتك اختي
...: اه ويلي مرحبا
دخلوكانت دار متكونة من جوج بيوت و كوزينة و حمام گلساتهم فبيت كان مفرش بفراش تقليدي باين قديم شوية...دورات شمس عينيها على لبيت بانت ليها صباغة مقشرة و سقف شاد راسو غا بزز ...رجعات نظرها لمرة لي كاتشوف فيها...شافت فمعتز بمعنى لاش جايبني لهنا
معتز(جامع ايديه بجوج كايلعب بصباعو):هادي هادي هي سكريتيرة لي كانت(شافت فيه )
شمس :هههه جايبني لهنا ياكما بغيتي نخطبها ليك
...: انا سميتي نورة ابنتي انا كنت خدامة عند سي معتز لمدة 3 سنين واحد نهار كنت كانتغدا فواحد لقهوة و هو يجي عندي واحد راجل خدام عند منافس ديال سي معتز عرض ليا مبلغ كبير ديال فلوس مقابل ليلة ندي معايا سي معتز لشي اوطيل و نتصورو كان بيني و بينو شي حاجة و داكشي لي وقع واحد نهار كان سكران و جا لشركة و انا ستاغليت لفرصة و تصورنا و مشيت فحالي من تما تصرفت بحالا موقع والو و سي معتز معقلش اصلا من بعد بداو كايهددوه بدوك تصاور على قبل واحد مناقصة و سي معتز مابغاش انساحب انا كنت هربت فديك لوقيتة من بعد رجعت و لقاني و للاسف ديك ساعة كانت ماتت لا لا نجمة...سمحيليا بزااف انا هاد سنين كاملة و انا كانتعذب بتأنيب ضمير (مخلاتهاش شمس تكمل هدرتها دارت ليها بايديها سطووب ✋ و ناضت لبسات سبرديلتها و زادت تبعها معتز و لكن مشات كاتجري كاتحاول تبعد ما امكن...شيرات لطاكسي و نعتات ليه لمقبرة ...متسوقاتش
أنت تقرأ
☀️🌪عاصفة شمس🌪☀️
Romanceعندما تشرق شمس تعلن عن صباح جديد و هدوء لكن شمسنا هي شمس تعلن عن عاصفة 👈🏻👈🏻عاصفة شمس 👉🏻👉🏻
