#عند_عروة لي شاد لورقة فايدو و فعينيه هدف واحد بلي شمس ليه بعد مدة وقف عروة قدام غابة من شجر تحاجة مكتبان..شك فلول واش GPS غلطات مي عاود تاكد و لقا راسو فنفس لبلاصة..هبط من لوطو و سدها و هو تمشى كايقلب بعينيه تم غادي وسط لغابة لي زوينة نوعا ما ماشي مخيفة بقا غادي لمدة و هو يبانليه بحال شي حيط من الخشب توجه لجيهتو و هو غادي و صوت لبكة كايتسمع قرب و هو يبانليه بيت مربع من خشب و ليه باب بان ليه لباب شبه مفتوح و هو يفتحو بشوية باش بتأكد وهي تبان ليه شمس گالسة مربعة رجليها و شادا كتاب و كاتبكي
عروة (رتاح نوعا ما):شمس
شمس (سمعات سميتها و هزات راسها وهي تصدم و غوتات حيت حسات بحالا حط رجلو فعلامها بوحدها):شكادير هنا خرج خرج متحطش رجليك متحطهااااااش(هاد لغوتة كانت كفيلة باش تزعزع لغابة)
عروة (ضرو قلبو مين شافها كاتبكي و لا هدفو غير احاول اهدنها):صافي صافي انا وقفت مغندخلش هانتي شوفي الا بغيتي خرجي عندي ندويو
شمس (دورات عينيها و تمات جايا عندو خارجة )
عروة(حبسها فايدو ): لوحي عليك شي حاجة كاين لبرد(كانت لابسة شورط حد لفخاض و دوني صافي)
شمس (خنزرات فيه و قربات لعندو حتى لوجهو مابقا كايفصل بيناتهم والو ): نتا ماشي م ا ش ي شغلك ف ي ا (دفعاتو خرج ..غير خرجو وهو يتحرك واحد لبرد لي ضرب فشعرها و هي تحل ايديها و شافت فسما )
الله (شافت فيه )شنو باغي لاش جاي
عروة :جيت نطلب منك سماحة(شافها هزات حاجبها ليسري و ربعات ايديها) اه بغيت نعتاذر انا ديك لمرة سمعتك كادوي مع عز و گاليك كانبغيك و قلتي ليه حتا انا كانبغيك(زير على يديه) و مسمعتش لكمالة دلهدرة و مشيت فحالي مين خرجت مالقيتش تيلي و رجعت هي فين نتي گلتي نتي غابشوية عليك تانتا..هاد لهدرة كانت نقطة لي فيضات اعصابي والله أنا گلت ديك لهدرة..سمحيليا عافاك
شمس (حلات عقدة ايديها): فراسك يمكن عندك صح هدرتك وعاتني و فكراتني فشكون انا بصح اش غاتسنا لا نتا لا غيرك من وحدة خلات عائلتها و مشات
عروة: انا مقصدتش هاكاك راه فديك لوقيتة كنت معصب
شمس (علات عينيها فعينيه):في لحضات الغضب يتكلم القلب و اللاوعي و تتكلم الحقيقة المخفاة...(قربات حداه)واش يسحابليك فهادوك سنين كنت مرتاحة..عرفتي علاش مشيت واش عرفتي بنت صغيرة ام هي لي كانت فحياتي كلشي مقابل راسو وولادو حتى بابا (ضحكات)سي معتز العموري مكنتش كنشوفو و فليل مين كان كايجي كنت كانسمعو كايتغاوت هو و نجمتي (قاست قلبها)مين كنت صغيرة كنت كانگلس فركنة تحت فراشي و كانبكي و كانقول علاش معنديش اب بحال سهيلة و اسيل كانو ديما معاهم و انا غير نجمتي صافي...بابا مكانش كيحملني كان ديما كايخسر عليا جوج كلمات "سيري لبيتك" عرفتي علاش (غوتات و عينيها دازو بدموع) عرفتي علاش (ضحكات فعز دموعها)حيث كان باغي دري لي يحمل سميتو كان باغي اسميه (ضحكات بجهد)فخر العمر هههه ماسماهش فخر العمر جات شمس الليل ههه انا كانت سميتي غير شمس و هو زاد ليل هاد سمية غريبة و متعاكسة (عروة مصدوم من هدرتها بغا يشد ايديها وهي تبعد)عرفتي انا علاش مكانبغيش نشوفو حيث هو سباب موت نجمتي (شاف فيها عروة بعدم فهم)ههه هو خانها مع سيكريتيرة ديالو و وصلوها تصاور ديالهم و هي تصدمت و (سكتات )و نتاحراااات (نهارت للبكا طاحت على ركابيها كاتبكي...نزل عروة لمستواها و عنقها مقادر يقول حتى كلمة اش غايقول معندو تا كلمة تواسيها عاد فهمها علاش دايرا بحال هكا و مكتعمرش مع باها حس بتأنيب ضمير و قلبو ضرو بزاااف...بعد مدة تهذنات بحضنو )
عروة (همس فوذنها):واش تقدري تسمحي ليا اشمس
شمس(هزات فيه عويناتها لفازگين و تبسمات قلبها بغا يسامحو و مافيها لي يتعاند) :ماشي مشكل مسامحاك
عروة(تبسم):واخا ندخلو لداخل لبرد عليك
شمس (بقات كاتشوف بعد مدة حركات راسها بايجاب و عروة حملها بين ايديه كيلكميشا مكتبانش و دخلو و حطها فوق واحد ناموسية ديال واحد و گلس حداها و بقا كايدوز ليها على شعرها )
عروة : انا كانبغيك بزاااف بزاااف كانحماق عليك و الله نتي هي حياتي و قلبي و عينيا كانبغيك عطيني فرصة عافاك
شمس (قلبها ضرب حساتو كايدوي بصدق و غمضت عينيها هاربة من واقع):انا مانقدرش
عروة (تقلق مي مابغاش يبين): نسولك سؤال و عارفك غاتجاوبني بصراحة(شمس حلات عينيها وشافت فيه)واش كاتبغيني اه و لالا الاقلتي لا غانخليك على راحتك
شمس (فداخلها صراع بين قلبها لي كايدق بسميتو و عقلها لي كايقوليها رجال بحال بحال و قررات تعتارف هي من طبعها صريحة فكلشي):اه انا كانبغيك (عروة ضحك بلا وهواو و ابتسامة ترسمات فوجهو تابانو غمازات لي اول مرة تلاحضهم)ولكن كانخاف كانخاف نبدا شي علاقة و تكون نهايتها(سكتات من بعد محط ايدو على فمها)عطي لحبنا فرصة نكونو بجوج و متخافيش ان شاء الله معمرو غاتكون عندو نهاية ابدا بشرط انك تبقاي تبغيني حياتك كاملة (سكت كايتسنا جوابها)
شمس(هبطات راسها حشمانة و هزات راسها بايجاب كدليل على انها موافقة): ولكن بغيت علاقتنا تبقا بيناتنا لواحد لمدة
عروة (خنزر و كرز على ايديه):علاش بسلامة مالنا دراري صغار كانقراو فليسي
شمس (ضحكها):ههه لا غير ممستعداش دابا اسيقو لخبار...عافاك مترفضش ليا هاد طلب
عروة (مين شاف ابتسامتها نسى دنيا و مافيها ):واخا لي بغيتي(دور عينيه فلغرفة و لا نقولو فلكوخ) علاش كاتسدي على راسك فهاد نهار و اش جابك لهاد لبلاصة
شمس(مغمضة عينيها و حاطة راسها على صدر عروة) : هاد لبلاصة فيها گاع دكريات نجمتي منقدرش نتخلى عليها
عروة : عاودي ليا كلشي على راسك
شمس : انا مين ماتت نجمتي مشيت لفرانسا قريت تما..كنت ساكنة فلانتيرنا مهم دوزتها صعيبة شوية تعلمت بزااف دلحوايج كنت كانمشي لمغرب و نرجع مي مكانجيش عند لعائلة (شافيها)علاش حيث مكان عندي ليمن نجي كنت كانجي غير على قبل بابا خالد مهم قريت من بعد لباك ثلاث سنوات و كنت كانخدم فنفس لوقت كنت كانرسم تصاميم و كانبيعهم و قدرت نشري دار و ندير مشروع من بعد جيت لهنا بطلب من لحاجة وصافي
أنت تقرأ
☀️🌪عاصفة شمس🌪☀️
Lãng mạnعندما تشرق شمس تعلن عن صباح جديد و هدوء لكن شمسنا هي شمس تعلن عن عاصفة 👈🏻👈🏻عاصفة شمس 👉🏻👉🏻
