علي الجانب الاخر في نفس التوقيت الحادث وكل ذلك كان الحاچ عبد الرازق وعائلتة انتهوا من تحضير الزواج وتم عقد قرآن احمد وخديچة وكانت خديچة الزوجه الصالحة الي احمد كان بيدور عليها ولكن رغم ذلك كانت فيه جزء من الفرحه ناقص وهي فرحة رجوع وردة..........
وفي صباح اليوم التالي.....
سارة :وردة ياوردة
وردة:نعم
سارة:كل دا نوم يا كسوله
وردة:هههه معلش بقا
سارة:طب قومي يلا انا حضرت الفطار
وردة:تعباكي معايا والله
سارة:طب يلا قومي يا ست وبلاش دراما انا مبحبش الكئابه
وردة:هههه حاضر
وبعد تناول الافطار........
سارة:الحمد لله
وردة:الحمدلله تعرفي بقالي قد ايه مكلتش اكل حلو كدا من ساعة مخرجت من بيتنا
سارة:ان شاء الله ترجعيله تاني بس انتي قولي يا رب
وردة بحزن:مستحيل انا عارفه دماغهم كويس
سارة طبطبت علي وردة وقالت:يابنتي الظوفر عمره مايطلع من اللحم ولا عمر الدم يبقي مياه استهدي بالله كدا وواصبري ربنا بيخبر صبرك والله اذا احب عبدا ابتلاه
وردة شعرت بلارتياح حين سمعت كلمات سارة وقالت:شكرا علي وقفتك جمبي وانقاذك ليا شكرا علي كل حاجه
سارة ابتسمت وقالت:بلعكس انتي الي لازم اشكرك
وردة باستغراب :ازاي!!
سارة:هتانسيني فوحدتي دي مش هبقي وحيده كدا
وردة باحراج:هو انا ممكن اسالك سؤال
سارة مبتسمه وتقول:اتفضلي
وردة:هو انتي فين جوزك او مامتك او اخواتك انا شايفاكي لوحدك
سارة مبتسمه وتقول:بصي اسمعي بقا يا ستي انا بنوته عاديه خالص خلصت الجامعة وبعد مخلصت اتعرفت علي واحد شغال مدرس فلمدرسه الي كنت بشتغل فيها وبعدين حبينا بعض جه اتقدملي زي اي حد عادي جدا وبعدين اتجوزنا وبعد ما اتجوزنا عرفت انه نصاب وكمان بيعصي الله باعماله دي وشخص مش كويس خالص المهم انا كنت حامل لسه فلشهر السادس وولدت فلسابع وبعد ولادتي بنتي كانت فلحضانه لاني ولدت بدري وبعدين رجعت البيت وبنتي قعدت اسبوع واحد في البيت والصفرا رجعتلها تاني فودتها المستشفي وبعدين بقا يا ستي رحت اسال تاني يوم واوديلهم حاجات كانوا طالبنها قالولي ان انا بنتي ماتت فلاول طبعا اتقهرت وحزنت جدا بعدين بفترة قولت ان لله وان إليه راجعون وبعدها بشهر امي توفاها الله كانت خبطتين فلراس توجع الكلام دا من 9سنين ولحد دلوقتي الموضوع ماثر فيا بس اللهم لك الحمد .
وردة بكت من كلام سارة وحضنتها وسارة دمعت غصب عنها...... وقاطعهم اللحظة رنات تليفون سارة...
سارة:السلام عليكم
مدام حنان:وعليكم السلام ورحمة الله و بركاته اذيك يا استاذة سارة
سارة:الحمدلله حضرتك عامله ايه.
مدام حنان:الحمدلله انا لقيتك اخرتي قولت ارن عليكي
سارة:انا اسفه بس حصل ظروف انا لقيت لحضرتك مدرسة العربي لي ملك
مدام حنان:ماشي هاتيها وتعالي
سارة:حاضر
مدام حنان:سلام
سارة:سلام .
..........
وردة:انا عطلتك صح؟
سارة:لا ابدا يلا خشي البسي بقا بسرعه عشان منتاخرش
وردة:حاضر ...بس ممكن اسالك سؤال
سارة:اتفضلي
وردة:انا لاحظت انك منتقبه
سارة مبتسمه :الحمدلله
وردة:هو انتي بتحسي بي ايه وانتي لابسه النقاب
سارة ابتسمت وقالت:بحس اني حورية وبحس براحه نفسيه جدا وبحس بسترة ربنا ليا بحس ان انا بنفذ كلام ربنا وكلام رسولنا الكريم بحس اني بتشبة بي السيدة عائشة والسيدة خديچه والمؤمنات الصالحات بجد احساس ميتوصفش
وردة:الله يابختك باحساسك انا نفسي اوي البسه
سارة:وايه موقفك عن القرار دا ماتلبسيه
وردة:بجد !
سارة:اه طبعا وهننزل بعد ماتدي ملك الحصه بتاعتها وبعدين ننزل نشتري ليا وليكي لبس
وردة:شكرا جدا ليكي واوعدك اول ما اخد مرتب هردهملك
سارة:ههه طب يلا يا ست ام مرتب هخش البس واجي البسلك النقاب والخمار واقولك بيتلبسوا ازاي
وردة فرحت جدا وانتظرت سارة حتي تخرج من غرفتها..............
وخرجت سارة من غرفتها وانتهت من تلبيس وردة الخمار والنقاب.......
سارة:شكلك ما شاء الله جميل
وردة:الله انا فرحانه اوي
سارة :ربنا يزيدك فرح يلا عشان منتاخرش بقا
وردة:يلا
وركبت وردة وسارة عربية سارة وذهبوا الي فيلة مدام حنان .........
أنت تقرأ
نقطة تحول
Romanceلا شك بأنّ العلاقة الزوجيّة هي أسمى وأرقى العلاقات في هذا الكون على الإطلاق، فهي علاقة مشاركة ومحبة ومودة ورحمة تجمع بين طرفين وتربطهما معاً في كل أمور حياتهما، إلا أنّ نجاح هذه العلاقة لا يتكلل إلا بالاختيار الصحيح للزوج أو الزوجة،
