" တို့မျက်နှာပေါက်ထွက်တော့မယ်..... အဲလောက်ထိမကြည့်နဲ့..... "
တင်ဆက်ခြင်းအပိုင်းကို လက်တွေ့သင်ပေးနေတဲ့သူမကို စောစောကတည်းကကြည့်နေ၍ စနောက်လိုတဲ့သဘောနဲ့မေးလိုက်တော့ သိသိသာသာနီရဲတက်လာတဲ့မျက်နှာနှင့်
" ဟို... မဟုတ်... မ... မမကိုကြည့်တာမဟုတ်..... ဒီ တိုင်း..... "
စကားကိုအထစ်ထစ်အငေါ့ငေါ့ဖြင့် တွေဝေစဉ်းစားကာပြောနေသော သျှားထက်မှူးဆိုသူကလေးငယ်ကို ဆူးပြုံးပြုံးကြီးကြည့်နေလိုက်၏။ တော်ရုံပြုံးခဲသော ပြုံးရင်လည်းစိတ်လိုလက်ရမပြုံးတတ်သောဆူးက အခုထိုကလေးငယ်အပြုအမူကြောင့် သဘောတကျကိုပြုံးနေမိသည်။ နှုတ်ခမ်းထောင့်စွန်းက လွတ်လပ်စွာအပြုံးတစ်ပွင့်ဖြစ်တည်နေတာ အချိန်အတော်ကြာသွားသည်။
" ရပါတယ်..... တို့စိတ်ထဲမရှိပါဘူး အရှေ့ကိုပဲအာရုံစိုက်ရအောင် "
ထိုသို့ပြောပြီး သူမတို့ရှေ့မှာကာရံထားတဲ့မှန်၏တစ်ဖက်ခြမ်းမှ အသံလွှင့်တင်ဆက်နေသူတစ်ဦးကို ထိုကလေးငယ်တင်ဆက်ခြင်းပညာရအောင် အာရုံစိုက်ကြည့်စေလိုက်၏။
အနေအထိုင်အပြောအဆို လေယူလေသိမ်းမှအစ အသံနေအသံထားတွေကိုလေ့လာစေသည်။ ဒါမှသာသူတိုးတက်လာမှာ အဲလိုမှမဟုတ်ရင် အစီအစဉ်ရောသူရောချောင်ထဲရောက်သွားလိမ့်မည်။ နေရာတစ်ခု အလုပ်တစ်ခုမှာ ပြိုင်ဆိုင်မှုဆိုတာ အနည်းနဲ့အများတော့ရှိတတ်သည်။ ဒါကလည်းသဘာဝပဲလေ ဖြစ်ရိုးဖြစ်စဉ်တစ်ခုလို ခေါက်ရိုးကျိုးနေတဲ့လူ့လောကဆိုတော့ လောဘအတွက်ပြိုင်ဆိုင်မှုတွေကလည်း ရှိမြဲရှိနေပြီးသား။ ဒါကိုမှသူခံနိုင်ရည်မရှိရင် gameမစခင် outသွားလိမ့်မည်။
" သေချာလိုက်ကြည့် ! တို့မျက်နှာကြည့်လို့မင်းမတိုးတက်လာဘူး..... ပြိုင်ဆိုင်မှုထဲမင်းတိုးဝင်ဖို့..... "
ပြောလက်စရပ်ကာ သျှားကိုခေါင်းအနည်းငယ်စောင်းကာ လက်ပိုက်ကြည့်လိုက်၏။ ပြီးတော့ လေတိုးသံသာသာအသံလေးဖြင့်
" အဆင်သင့်ဖြစ်နေမှရမယ် "
" လူတွေမင်းကိုပြောကြလိမ့်မယ်..... တို့လိုလူကိုစပွန်ဆာရသွားတယ်ဆိုပြီး..... မင်းဘယ်လိုသိမ်းသွင်းလိုက်လဲမေးငေါ့ကြလိမ့်မယ်..... "
စကားကိုခဏဖြတ်လိုက်ပြန်သည်။
အံ့သြရိပ်တွေဖြတ်ပြေးနေတဲ့ သျှားမျက်နှာကိုအဓိပ္ပါယ်ရှိစွာကြည့်ကာ မှန်တစ်ဖက်ခြမ်းကိုပြန်လှည့်သွား၏။
" မင်းရုပ်ရည်နဲ့လား..... မင်းကိုယ်နဲ့လား..... ဒါမှမဟုတ် ဒီ့ထက်ယုတ်ညံ့တဲ့စကားလုံးတွေနဲ့လား..... အရေးကြီးတာ အဲဒါတွေကိုမင်းလျစ်လျူ ရှု့နိုင်ရမယ်..... မင်းဘဝအတွက်တွေးရင် အဲလိုတိုက်ခိုက်လာမှာတွေကိုမfeelနေသင့်ဘူး..... ကြိုးစားပြလိုက် မင်းကဘာလဲဆိုတာသိသွားအောင်..... "
" မမ..... ဘာလို့ အဲလိုတွေ..... ပြော "
တည်ငြိမ်နေတဲ့မျက်နှာနဲ့ အေးဆေးစွာပြောနေသောသူမကို သျှားမဝံ့မရဲလေးမေးလိုက်တော့ တခဏမျှမျက်မှောင်ကုပ်သွား၏။ ပြီးတော့ ချက်ချင်းတည်ငြိမ်တဲ့အသွင်ပြန်ဖြစ်သွားကာ လေးနက်တဲ့ဟန်ဖြင့် သျှားဘက်ကို သူမတစ်ကိုယ်လုံးလှည့်လာပြီး အဓိပ္ပါယ်ဖော်ရခက်သောအကြည့်ဖြင့်
" နောက်ပိုင်းမင်းသိလာလိမ့်မယ်..... လူတိုင်းကမျက်နှာဖုံးတပ်ထားတယ်ဆိုတာကို..... အဲလိုကြုံလာရင်မင်းတည်ငြိမ်တတ်ဖို့ပေါ့ "
ထို့နေ့က ထိုစကားတွေကိုပြောသွားသော မမstingတစ်ယောက် သူ့ကိုနှုတ်ပင်မဆက်ပဲအိမ်ပြန်သွားခဲ့သည်။ သူလည်း ထိုနေ့တစ်နေ့လုံး မမstingရဲ့စကားတွေကို နားထဲအထပ်ထပ်ကြားရင်း စိတ်ရှုပ်ထွေးစွာအိမ်ပြန်လာခဲ့မိသည်။
အိမ်ပြန်လမ်းတစ်လျှောက်လုံး အတွေးများစွာနဲ့ဖြစ်နေ၏။ ကားကိုပင်ဖြောင့်အောင်မမောင်းနိုင်ခဲ့။ တိုက်မိလုခင်ဖြစ်တာလည်း အိမ်ပြန်လမ်းတစ်လျှောက်လုံးပေ။ သူမမှာဘာများဖြစ်ခဲ့လို့ ထိုမျှတည်ငြိမ်နေရသနည်း။ မျက်ဝန်းတွေကလည်း တစ်ခုခုဝမ်းနည်းနေသလိုမျိုး ပိတ်လှောင်ထားတဲ့ခံစားချက်တွေ ဖွင့်ဟချင်ပေမယ်မျိုသိပ်ထားရသလိုမျိုးဖြစ်နေသည်။
ကျွီ.....
အရှေ့ကကားကိုမမြင်ပဲဝင်ဆောင့်မိတော့မလိုဖြစ်သွား၏။ တော်သေးတာက ဘရိတ်အုပ်မြန်သွား၍သာ မဟုတ်ရင်စကားများနေရဦးမည်။ ဟူး တစ်နေ့လုံးဘာဖြစ်နေတာလဲ ခေါင်းထဲလည်းဒီအတွေးတွေချည်းသာ။
.....................................................
စိတ်ညစ်ခြင်းကိုဖြေဖျောက်ဖို့ရာအကောင်းဆုံးက ပြင်းရှရှနဲ့မူးယစ်စေမယ့်ဒီအယ်ကိုဟောတွေသာရှိသည်။ ကိုယ့်ကိုကိုယ်ဟန်ဆောင်ကောင်းသူလို့ထင်ခဲ့တာ တကယ်တမ်းအစပြန်ဖော်မိတော့ မခံစားနိုင်အောင်ဖြစ်ရသည်။ စိတ်ကိုပဲလှည့်စားလို့ရခဲ့တာဖြစ်မည်။ ရင်ဘတ်ထဲကခုန်နေတဲ့နှလုံးသားတစ်စုံကတော့ တဆစ်ဆစ်နဲ့နာကျင်လို့နေသည်။
သောက်လေ သောက်လေ မမူးနိုင်ပဲပိုနာကျင်လာသလိုပါလား။ ပါးပြင်ကစီးကျနေတာဘာတွေလဲ မရင်းနှီးခဲ့တာကြာတဲ့မျက်ရည်ဆိုတာတွေလား။ လေပူတစ်ချက်မှုတ်ထုတ်လိုက်တော့ နာကျင်ခြင်းတွေကဆေးလိပ်ငွေ့နဲ့အတူ အငွေ့ပျံသွားခဲ့သည်။ ဖြတ်ထားတာကြာတဲ့အရာကို သူမပြန်သောက်နေခဲ့မိတာပဲ။
ထိုစဉ်..... ရုတ်တရပ်ထမြည်လာတဲ့ဖုန်းကြောင့် ဆေးလိပ်ကိုပြာခွက်ထဲထိုးချေလိုက်ပြီး ခေါ်ဆိုတဲ့နံပါတ်ကိုကြည့်မိတော့ စိမ်းသက်သက်နံပါတ်ဖြစ်နေ၏။ ကိုင်သင့်မကိုင်သင့်စဉ်းစားရင်း လက်ကအလိုလိုအစိမ်းရောင်ကိုဆွဲမိလျက်ဖြစ်နေသည်။
" Hello..... "
တစ်ဖက်မှထွက်ပေါ်လာတဲ့အသံလေး.....
ထိုအသံကိုသူမရင်းနှီးနေသည်။ ဘယ်လောက်ပဲအရက်သုံးခွက်ဝင်ပြီးပါစေ ဒီအသံကိုတော့မှတ်မိနေသည်။
" သျှား ထက် မှူး..... "
တစ်လုံးချင်းခေါ်လိုက်တဲ့အသံကအာလေးလျှာလေးနိုင်စွာ ဒါပေမယ့်သူမမမူးသေးပါလေ။
" မမ..... မမအသံတစ်မျိုးလေးပဲ နေမကောင်းလို့လား "
စိတ်ပူစွာမေးလာသံကို သူမပြုံးလိုက်၏။
သူမလို ချေမိုးလွန်းတယ်လို့ အများကဆိုကြတဲ့သူကို ကလေးငယ်ကစိတ်ပူနေတော့ နှုတ်ခမ်းကအလိုလိုပြုံးမိလျက်သား။
" မမ မမနေမကောင်းနေတာလား..... ဟုတ်လားမမ "
တကယ်ကိုစိတ်ပူနေတဲ့လေသံမို့ သူမအသံကိုထိန်းကာပြန်ဖြေဖို့ပြင်လိုက်၏။
" မဟုတ်ဘူး..... တို့နေကောင်းပါတယ်..... နည်းနည်းလေးသောက်နေလို့..... အင်း မူးနေတာပေါ့လေ "
အဆီအငေါမတည့်စွာပြောလိုက်သောစကား၌ စိတ်ရှုပ်ထွေးခြင်းများလည်းရောပါလို့နေတာကို တစ်ဖက်မှနားထောင်နေသောသျှားတစ်ယောက်သိလိုက်လေ၏။
" ဟုတ်မမ..... ဒါဆိုကြာကြာမနေနဲ့နော် ညဘက်ကအန္တရာယ်များတယ် "
သျှားရဲ့စကား၌ ဆူးမျက်ခုံးတို့ပင့်သွားရ၏။
" တို့အပြင်မှာမှန်းဘယ်လိုသိလဲ "
" ရှင် "
" အဲဒါက မမသောက်နေတယ်ဆိုလို့ မှန်းကြည့်လိုက်ရုံပါ "
မှန်းကြည့်တာဆိုတဲ့အဖြေမှာ သူမနှုတ်ခမ်းလေးလွန့်သွားသည်။ လူတွေကထင်ရာကိုမှန်းတတ်ကြတာအကျင့်တစ်ခုပဲ။ ကလေးငယ်ရဲ့မှန်းကြည့်တာဆိုတဲ့စကားမှာ ဘာရယ်မဟုတ်စိတ်ကလှောင်ပြုံးမိသွားသည်။
" မှန်းကြည့်တာ ?? သိပ်လွယ်ကူတဲ့အသုံးအနှုန်းပဲ..... "
" ရှင်..... မမဘာကိုပြောတာလဲရှင့် သျှားစကားမှားသွားလို့လား..... "
" No..... မင်းမှန်ပါတယ်..... တို့ကိုအရေးတကြီးပြောစရာမရှိရင် ဖုန်းချလို့ရမလား..... "
စိမ်းသက်သက်စကားနဲ့ပြောမိသွားလား ဆူးမသိတော့ဘူး။ ခုချိန်မှာစိတ်ရှုပ်နေတာပဲသိတယ်။ ကလေးငယ်ကိုအကြောင်းမရှိရစ်သလိုဖြစ်သွားလည်း မတတ်နိုင်တော့ဘူး။ အခုချိန်မှာအတိတ်ကအကြောင်းအရာတွေက ရူးလောက်အောင်ထိုးနှက်နေတော့ တစ်စုံတစ်ယောက်ကိုနာကျင်စေမှာကိုသတိမမူနိုင်တော့ပါ။ ကိုယ်တိုင်ကအရက်ကိုအဖော်ပြုနေရပြီလေ။
ဆူးရဲ့ခက်ထန်သလိုစကားတွေကြောင့် ကလေးငယ်ဖုန်းချသွားခဲ့လေပြီ။ ဆူးလည်းဘာရယ်မဟုတ် သူစိတ်ပူတဲ့စကားတွေကိုပြန်ကြားတော့ ဘားကောင်တာပေါ်ကကားသော့ကိုယူပြီး အိမ်ပြန်ဖို့ဆိုင်ထဲကထွက်လာမိသည်။ သူမကိုစိတ်ပူပေးတဲ့သူဆိုလို့ အခုချိန်မှာသူတစ်ယောက်သာရှိသည်။
ကားပေါ်ရောက်တော့ ခေါင်းနည်းနည်းရှင်းစပြုနေပြီ။ ထိုတော့မှ ခုနကသူ့ကိုပြောခဲ့မိတဲ့စကားတွေအတွက် စိတ်ထဲအားနာသွားရသည်။ သူကတော့ စိတ်ပူ၍ပြောသောစကားပေမယ့် သူမရဲ့စိတ်မကြည်ချိန်နဲ့တိုက်ဆိုင်နေတော့ မုန်တိုင်းအဖျားခတ်ခံလိုက်ရပြီလေ။
ငါပြောလိုက်တာလွန်များသွားလား.....
မသိတော့ဘူး အဆိပ်ဆူး..... နင်ဘာလို့လျှောက်တွေးနေရတာလဲ.....
ဒါနင့်ပုံစံမဟုတ်ဘူးလေ.....
" အားးး "
စိတ်ညစ်ညစ်နဲ့တွေးနေတုန်း ခေါင်းထဲထိုးကိုက်လာ၍ လက်မနဲ့လက်ညိုးဖြင့် မျက်ရိုးကိုနှိပ်လိုက်ရ၏။ သောက်များသွား၍ထင် ခေါင်းထဲကမူးနောက်နောက်နဲ့ ရိပ်တိတ်တိတ်ဖြစ်နေသည်။ တခဏမျှသက်သာအောင်နေနေလိုက်ပြီးမှ ပြန်ဖို့အတွက်ကားစက်နှိုးလိုက်သည်။ ခေါင်းကလည်းသိပ်မကြည်ချင် သူမအတွက်သုံးခွက်ဆိုတာ ရေချိန်လွန်တဲ့ထိတော့မဟုတ်သေးပေမယ့် ဒီနေ့လိုစိတ်ရှုပ်နေချိန်မှာတော့ အတော်လေးမသက်မသာဖြစ်စေပါသည်။
တစ်ကိုယ်တည်းနေတဲ့သူမအဖို့ အခုနေအပြန်လမ်းမှာ တစ်ခုခုဖြစ်ခဲ့ရင်တောင် မျက်ရည်တစ်စက်ကျပေးမယ့်သူမရှိပါ။ အဲဒီအတွက် တစ်ခါတစ်လေတော့ ဝမ်းနည်းမိပေမယ့် ရင်ဘတ်ကနောက်ထပ်ခံစားဖို့ ခံနိုင်ရည်မရှိတော့လို့ အချစ်သစ်ဆိုတာကိုမေ့ပစ်ထားလိုက်သည်။ အချစ်ဟောင်းဆိုတာကိုလည်း တစ်ခါတစ်လေလွမ်းမိချင်လွမ်းမိမယ် ဒီနေ့လိုပဲအရက်နဲ့သာဖြေရှင်းလိုက်မည်။ ပြန်လက်ခံဖို့တော့ အဆိပ်ဆူးရဲ့ရာဇဝင်မှာထုံးစံမရှိ။
ကားလေးတစ်စီးကတော့ အထီးကျန်ဆန်စွာ ဘားဆိုင်လေးကိုကျောခိုင်းထွက်ခွာရင်း အိမ်လို့မမည်သောအိမ်ရှိရာဆီကိုပြန်နေလေသည်။ ကားလေးထဲမှ မိန်းကလေးမှာလည်း သူမအတွက်စိမ်းသက်သောမျက်ရည်စတို့ကို လက်ဖမိုးနဲ့ဖယ်သပ်ရင်း အိမ်ဆိုသောနေရာကိုတန်းမတ်စွာကားမောင်းပြန်နေရင်း.....
နောက်တစ်ကြိမ်ကြုံဆုံလာမယ့်အချစ်.....
ထိုအရာကနူးညံ့မလား မုန်တိုင်းထန်ဦးမလားဆိုတာ.....
အဆိပ်ဆူးဆိုတဲ့သူမကို စမ်းသပ်မယ့်ကံကြမ္မာကစောင့်လို့ကြိုနေလေပြီ။
........................................................
" မမ သျှားကိုမုန်းနေတာလား ???..... သျှားမမကိုဘာမှားပြောမိခဲ့တာလို့လဲ..... "
ဖုန်းလေးကိုကြည့်ပြီး ထိုစကားကိုသာအထပ်ထပ်ပြောနေတဲ့ သျှားတစ်ယောက် အကြောင်းအရင်းရှာမရတဲ့မျက်ရည်တို့ကိုသုတ်လျက် ထပ်ခါထပ်ခါပြောနေမိပြန်သည်။
" မမတကယ် သျှားကိုမုန်းနေတာလား..... သျှား..... အပြစ်လုပ်မိလို့လား..... "
ထိုသို့ပြောလေ မျက်ရည်ကပိုလို့ကျလေဖြစ်နေသည်။
သျှားထက်မှူးဆိုတဲ့ လူအနှိမ်ခံရတဲ့ဘဝက အဆိပ်ဆူးဆိုတဲ့သူမကြောင့် တင်ဆက်သူဖြစ်ချင်ခဲ့တာကို သူမကတော့သိခဲ့မည်မထင်ပါ။ သူမရဲ့အားပေးစကားတစ်ခွန်းက စိတ်ဓာတ်တွေကျနေချိန်မှာ ခွန်အားတစ်ခုဖြစ်ခဲ့မှန်းပေါ့.....
...........................................................
YOU ARE READING
လေလှိုင်းချစ်သူ ( or ) On Air ( Z + U ) ©
Romanceနာမည်ကြီးရေဒီယိုဌာနရဲ့တင်ဆက်သူဖြစ်တဲ့ အဆိပ်ဆူး..... သွေးအေးသလောက်အလုပ်အပေါ်သစ္စာရှိကာကြိုးစားပြီး တခြားသောဌာနတွေကကမ်းလှမ်းတာကိုတောင်ငြင်းပယ်ခဲ့သူ နာမည်မကြီးသေးတဲ့တက်သစ်စအဆိုမလေးသျှားထက်မှူးတစ်ယောက် သူမဝါသနာပါတဲ့အသံလွှင့်ခြင်းအလုပ်ကို နာမည်ကြီးရေဒီယိ...
