الحشداوي
بنت من بغداد
يتيمة الأب
تذهب فصليه
بسبب ابن عمها
يا ترة شنو حيصير بيها
تابعو القصة وشوفو
احداث حلوة وحزينه
#اواحد والثلاثون
السلام
&
...........
زمرد : كعدنه شوي واستأذنت وأخذت ماما غسلتلها و بدللتلها ونيمتها بفراشها
رحت جبت الها عصير ومي شربتها وكتلها لتنامين اجيبلج اكل ورحت بسرعه صعدت بس ذبيت مي على جسمي وبدلت ونزلت
رحت للمطبخ صبيت اكل لماما وأخذته بصينية ورحت عليها لكيت بيبي يمها
كعدتها وعدلت كعدتها وبديت أوكل بيها ويه كل لكمة ابوسها وهيه تضحكلي
كملتلها غداها ووخرت الصينيه وكعدت يمها فركت رجليها وأيديها وضهرها وهيه تضحك واني اضحك وياها مكيفه وابوس بيها
كملت ونيمتها وغطيتها وضليت يمها امسح على راسها لحد ما نامت وغفت غطيتها وطلعت
رحت للاستقبال كعدت يمهم وكلهم يسالون ويسولفون وو دوخة واني نعسانه وجوعانه وممتريكة وولد خوالي يحجون وياي بموضوعي ويه فهد واغلس ما اجاوب
صار الغده وكمت كوة وياهم أنكل بالاكل واصب بيبي كالت روحي يمة كعدي انتي جيتي من سفر وتعبانه
كتلها اَي والله بيبي بس انتي تفهميني ولو اني تعودت لان هذا شغلي يومية كالت لا حبيبتي من اليوم ورايح هذا الشي ماكو بعد
رحت كعدت صبو الاكل وكملو ورحنه نتغدة تغديت وكملت واستأذنت لان كمت اشوف الواحد ثنين
وصعدت خليت ونمت كعدت المغرب على صوت صبا تكول الضابط يوسف جوة جا ويريدج
كلت يا ستار شبسرعه كمت غسلت ولميت شعري ونزلت سلمت عليه وكعدت لكيت ماما هم موديها يمة بالاستقبال رايد يسلم عليها
كعدت يمها وشلت أيدها وبستها كتلها اسفه نمت وخليتج اعذريني بس والله تعبانه
شالت أيدها الثانيه وخلتها على ايدي بعدها سولفنه وضل ساعه تقريبا يوسف يمنه وجدو موجود وخالو وفتحو مواضيع وثنينهم سبورت توالمو
بعدها خله وراح بعدها مشت الأيام وصارت السنه الدراسية الجديدة
مقبلت اقدم وارجع اكمل كليه ردت ابقى اعتني بماما
بس بيبي مقبلت وخالتي هم كامت تحجي عليه وحتى ماما هم مقبلت رادت اكمل
عاد بعد إصرارهن رحت قدمت للكليه وجان الاتفاق انو بيوم الدوام وفتره الدوام بيبي او خاله تعتني بيها لان خاله طالعه تقاعد شوي اكبر من امي هيه
عاد والله فعلا قدمت وهاي الفترة كلها يوسف وياي عجيب أمره وانواب يلمح لشئ
بدة الدوام ورحت للكليه من شافوني أصدقائي وصديقاتي تخبلو وتفاجؤو
وكلها أجت تسلم وتسال وبقيه الكليه يمشون من يمي ويباوعون او اني من امشي يباوعون عليه ويحجون بيناتهم
