(تشريح جثة )(سلام عليكم اعزائي متابعي قصصي طبعا راح اروي الكم قصة اغرب من الخيال يجوز ماراح يصدكها البعض بس القصة حقيقة جدا رواها الي احد اصدقائي من الأطباء واليكم القصة ----(قبل فترة عندي صديقي طبيب مهاجر لمصر صارلا اكثر من عشر سنوات تلاكينا صدفة بأخر زيارته للعراق وطبعا كان هو صديق طفولتي وبنفس المنطقة دارت احاديث بيناتنا كلي بيش مشغول كلتلا والله بالدراسة وعندي هواية كتابة قصص كلي مادام تحب قصص راح احچيلك هل القصة العجيبة الي شفتها بعيني ---تعرف اني دكتور امراض الغدد وكنت بمصر ادخل مع الطلاب الطب لغرفة تشريح الجثث حتى نعلم الطلاب والطالبات عن اسلوب العملية الصحيحة وكنت اني عضو ومازلت في تشريح الجثث في المصحة المشتشفى وما انسى ابد يوم من الأيام خابرني مدير المستشفى دكتور عماد وينك تعال عدنا جثة رجل اربعيني جابوه ميت بالتسمم لازم نجريلا تشريح انشوف شنو سبب الوفاة الحقيقي صعدت سيارتي ورحت للمستشفى وكانت الساعة وحدة باليل شفت اهل الميت ينتظرون برا حتى ياخذون جثة ابنهم المهم دخلت صالة تشريح الجثة اني والفريق الطبي وياي بدا رئيس الأطباء وهو دكتور عنده خبرة في علم التشريح الجثث بدا يشق بطن الميت كلتله دكتور ليش مابدينا من الراس ونفتح الجمجمة ونفحص الدماغ لأن حسب تقرير المتوفي. صاير عنده جلطة دماغية قوية ---رد عليه الدكتور كال هو متسمم راح نفحص اثار المادة السامة اولا من المعدة ---ورى مافتح احشاء الميت وفتح القفص الصدري كام يصيح الطبيب الله اكبر سبحان الله تقربت اشوف احشاء الميت فعلا شي عجيب كلنا احنا الأطباء تحيرنا من الموقف وخاصة من وصلنا موضع القلب شي مايخطر على البال بشر -------(تابع تكملة القصة قريبا لاتنسو المتابعة---_تكملة القصة (من كامو بتشريح الجثة ومن وصل الدكتور رئيس الفريق للأحشاء الداخلية خصوصا لموضوع وجود القلب كال سبحان الله الله اكبر طبعا كلنا اندهشنا معقولة الي نشوفها هسه عوفو شنو شفنا اكيد راح تعرفوها من خلال تسلسل احداث القصة ((((((اشويه راح ابعدكم عن القصة حتى نعرف منو هو هذا الشخص الي مات وشنو هو هل الحالة الغريبة شفناها بجسمه وشنو هو السبب --عرفت الشخص المتوفي هو موظف بشركة سفر وسياحة ويوم من الايام جاب للبيت ابنية تصغره بعشرين سنة زوجته كالت منو هاي كال هاي زوجتي الجديدة تزوجتها --زوجته كالت هاي بكد بنتك والحمد لله اني مامنقصتك شي عدك اولاد عند بنات ويوم من الايام مازعلتك بشي هذا جزاتي ---تعصب رجلها وكال مو بس هذا لو ماعاجبج راح اطلكج كامت تبجي زوجته ورضت بالأمر الواقع لأن ماعدها لا ام ولا اب تروح الهم بس ورى كم يوم كام الزوج بضرب زوجته ضرب كلش قوي كالت ليش تضربني كال الها زوجها هاي زوجتي الجديدة ديربالج تخليها تشتغل اي شغل وتتعبيها لو اطلكج خطية الزوجة تحملت وقاست كل شي وبعد مرور ايام صاح زوجته وكال الها انتي ما اكدر اعيش وياج ولازم اطلكج كالت ليش كال زوجتي الجديدة حيل تكرهج واني كلش احبها بهل اثناء دعت الزوجة المسكينة وكالت يا الله اني مظلومة وانت تعرف اجعل قلب زوجي حجر -----طبعا هل معلومات كلها عرفناها من صحنا زوجته وكلنالها بالموضوع ------((((راح نرجع لقصتنا تعرفون شنو الشي العجيب الي شفناها قلب الرجل عبارة عن حجر كلنا حرنا من الموضوع واول مرة انشوف هيجي حالة غريبة واغرب من الخيال بس استجابة الله لدعاء المظلوم يستجاب والله قادر على فعل اي شي ((قلوبهم كالحجارة او اشد قسوة ))وهاي كانت اغرب حالة شفتها بحياتي بتشريح الجثة (((((انتهت القصة احبتي الكرام واتمنى ان تعجبكم وتحياتي من القلب لكم اخوكم ((الحشداوي)) 🧡💛💚
