🌼قصة🌼
''•''🌷طفلة و الثلاثيني 🌷'
.
.
ورود : سحب اللوحه ودفعني ردت اكوم خزرني كعدت بمكاني شفته بس باوع للوحه تغيرت كل ملامحه ..من عصبي الى مستغرب ؟؟؟
عمار: هاي اني بصوره شوكت بديتي برسمها ومنو الي جابلج هل ادوات ها احجي شو ساكته ؟
ورود: هاا ، اا اني الي رسمتها ، ورهف جابتلي هل ادوات قبل كم يوم ..
عمار :اشششش ، رجعت اللوحه وعفتها وطلعت ، رحت الغرفتي خليت ايدي على وجهي ، كمت افتر بالغرفة مااعرف شسوي وشصرف وياهه ،، اني احبها لازم اقرر اما ابقى وياهه او اطلكها ....
ورود : طلع من الغرفة وتصرفه كوولش غريب لا حجه ولا كال ولا علق على الصورة ، حيل ضوجني تصرفه ، غريب الاطوار محد يعرفه شيريد ساعه عصبي وساعه يضحك ، اوووف ياعمار والله هلمرة طولت الزعله ...
عمار : طلعت من الغرفة ، ونزلت جوه شفت ابوية كاعد ، الله يساعدك يابه ..
ابو عمار : هلا بيك وليدي ، تعال اكعد احجي وياك ...
عمار : كول يابه ، ام عامر ، من رخصتج سويلنه ثنين جاي ..
ام عامر: مو تدلل ...
ابو عمار : بوية انت شلون عايف مريتك مايصير ، مريتك بعدهي صغيرة والعين عليها واذا سمعتلها كلمه حلوة منا لو منا تنجرف للخطأ ، روح راضيها وجبر بخاطرها ...
عمار : يابه اني احبها مااكرهه بس الي صار خلاني كل مااريد اتقرب الها اتخايل هذاك شلون يتلمس جسمها راح اتخبل يابه مااعرف شلون انسى الموضوع ....
ابوعمار: بوية انت جرب اليوم نومها على ايدك وهسه تشوف شكد انت مشتاكلها ....
عمار : جابت ام عامر الجاي وابوية يسولف ، تسلمين خاله ،، ماشي يابه ان شاء الله ، ضليت افكر بكلام ابوية وكلامه صح ، هي بعدهي صغيرة وهي عرفت امور الزواج والحب اكيد هم تريد هذا الشي ، صعدت فوك ردت اروحلها بس مااعرف تراجعت دخلت الغرفتي بدلت وطلعت ....
ورود : ضليت يوم كامل بغرفتي مكابله الصورة وكاعده وابجي ، اجت رهف جابتلي اكل كلعاده ضلت تحجي وياي وتهدء بيه وعافتني ونزلت ، اني هم كمت دخلت للحمام سبحت كملت ،مشطت شعري ونزلت جوه ، رهف رهوفه حبيبتي ....
رهف : ها ورود ، كولي حبيبتي ؟
ورود : عدليلي وجهي شوية مااعرف اخلي مكياج ، علميني ...
رهف : جنج على مكياج تعالي حبيبتي ...
ورود: كعدت تعلمني على انواع المكياج وصبغتلي اظافري وخلتلي مكياج خفيف بس حمرة طووخ ماروني ، هااي شنوو تخببل الحمرررة شكد جنت اتمنى اخلي مكياج وحمرة ...
رهف : باعي كل يوم انزلي اخليلج مكياج ماشي ، وانوب انتي بيضه وهذا بياضج يخبببل وشكرة حتى شعر بجسمج ماكو ، هنياله عمار عليج وامداه مامقدر النعمه البيده ....
