كعدت س٩ صبح !! انصدمت اني وين ؟؟ شنو هالمكان !! كعدت لكيت نفسي بمكان غريبة كأنو حديقة ويمها شلال قوي وصوت الطيور كمت مصدومة ! منو خطفني وين جدي جدتي وينكم ؟؟ واصرخ بأقوى صوتي بحيث صدى صوتي يرجعلي -
اجاني صوت من وراية صوت غريب
انداريت وشفت قزم يخوووف شكله واذاناته طوال وكلي انتي بأمان اهنا لتخافين ! جان رأسآ يغمى عليه من شكله المرعب والصدمة
بقيت يومين نايمه وفتحت عيوني لكيت جدتي وجدي فوك راسي بالهم عليه وحاطيلي كمادات وجسمي كله عركان ومصخنه ويقرون قرأن فوك راسي ومن فتحت فرحوا كلش وحضنوني لان جنت اهلوس اني ونايمه وجانوا خايفين عليه
من شفتهم يمي كمت اعيط وابجي واحضنهم لتعوفوني لتعوفوني
طمنوني وكالوا ارتاحي بنتي لتخافين احنه يمج وجنتي تحلمين بكابوس وراح
اخر شي لحد ما هدأت واتمددت وبقيت وحدي بالغرفه صافنه .. شنو الديصير وياي ومنو هذا وليش هيج .. كمت اتوضيت قريت قرأن اني بصراحه مهمله اصلي واترك اصلي واترك
فمن قريت سورة البقرة ارتاحيت شويه
ورحت للمطبخ اتعشه
جدي كال دانيا حبيبي اني طالع محتاجه شي
كتله اي والله جدو اريد حبشكلات اسهر ع فلم
كلي ممنوع افلام فهمتي باوعي كارتون .. كتله اوف اوكي
كعدت اباوع سبونج بوب😒😒😒😒
اجاني اتصال من صديقتي وسن وكعدنا نتخابر كل الليل ونسولف ونضحك
وسن كلتلي انو هي معجبه بأبن عمها وتحبه كلش وهو ابو بنات ومو معبرها وهي مقهورة من هالشي ويكوللها انتي مثل اختي
كتلها انتي مجنونه شنو معندج كرامه تحبين واحد ميعبرج وفوكاها رخيص ابو بنات
كالت مو بيدي القلب ومايهوى
كتلها الله يدزلج الاحسن منه كالت امين
كتلها شنو رأيج نطلع نغير جو للمطعم حابه اكل اكل فخم ونضحك ونتونس ونتسوك ونرجع
كلتلي اي والله ياريت نتونس كلش لان كلش ملل البيت
رحت لجدو كتله اريد فلووووس لطلعه فخمه انطاني ٢٠٠ الف 😍 بسته من خده
فديتهم ميرفضولي طلب
جدتي تكول انتي نسخة امج نشوفها بيج عوضتينا ومخليتينا نحس بغيابها نحس روحها ساكنه روحج
جنت افرح بهذا الكلام صدك اني اشبه امي بكلشي وعفويتي مثل ابويه الله يرحمهم
طلعنا اني وسن .. كاشخات حلوات بس مؤدبات 😎
رحنا مطعم فخم طلبنا غدة فاخر ووراها كريب وعصاير وموطات 😋 شبعنا انفجرنا
رحنا افترينا شويه بالمنصور .. ياالله السوك كلش غالي بس عجبني فستان يجنن ب٤٠٠ عبالك مال اميرات
بقيت اباوع عليه ياربي لو جدو موجود جان رأسآ اخذه الي وميخليني اتحسر 😂
وسن اجاها اتصال كالت دانيا راح اروح ركض للبيت اختي خابرتني كالت اجه ابن عمي الحب.. كتلها ياحيوانه لتعوفيني وحدي خلي نتونس .. كالت الحب اهم يلا روحي ولي باي
ياربي شكد خاينه وخبيثه هاي وسن من شاف احبابه نسى اصحابه
رحت ركبت تكسي حتى ارجع للبيت ومن مشت السيارة
جان يندار عليه السايق 😟 نفسه القزم اللي شفته ذاك اليوم 😳😳
هيج وجهي صار 😳😳😳😳
كلي لتخافين اني الماضي الحاضر مالتج
مااستوعبت كلامه ومن الخوف عبالي حيخطفني وكمت اعيط اتركني الله يخليك
جان رأسآ مر كدامي الحادث مال اهلي مثل الشريط بسرعه
جنت وياهم ويضحكون ويسولفون واني بيناتهم كاعدة بهذا عمري جبيرة مو طفله مثل الحقيقه
مصدومه ومرعوبه واحجي وياهم ميسمعون بس يندارون عليه ويبتسمون
اكوللهم ماما بابا 😫 تره راح تموتون وقفوها للسياره قبل ليصير حادث واخسركم .. وهما بس يبتسمون ويباوعولي والسياره تمشي سريع
اكوللهم ارجعولي لتعوفوني
وجان تنكلب السياره وتوكع بالوادي 😳😳 واشوف روحي انمردت واتكطع لحمي ومتت .. اني متت وهما بقو عايشين ويضحكون فوك الوادي
من متت حسيت بأحساس بأشلائي باردة ثلج مااحس بنفسي اني وين وشنوصار !!!!!!!!
اني اختفيت من الدنيا مااشوف نفسي .. اختفيت من الوجود بس اشوف شديصير بالدنيا .. اشوف بيت جدي حزن وعزة !!!! جدتي من سمعت بيه اني متت هي مااتحملت الصدمه وكبل ماتت وجدي مريض وحزين كلش منتهي على فراكنا من الصدمه والناس طابه طالعه تعزي
اني وين ؟؟ ليش اختفيت من الدنيا !! وجدتي ماتت وعافت جدي وحدة !! محد يمه لا بنته لا مرته لا حفيدته !! خايفه علي!
بعد مجانت الفرحه والضحكه والامان والدفو متفارك البيت 😔
فتحت عيوني يم الشلال مره ثانيه بس هالمرة احس جسمي ميتحرك وثكيل عبالك جثه انشالت منها الروح
اجاني القزم يضحك كلي واخيرا !! كلتله منو انت وشتريد مني؟؟
كلي انتي لا ميته ولا عايشه
انتي عايشه بعالم الاحياء الاموات
كلتله مفهمت شتقصد !! مفهمت شي اني وين ؟ وشنو شفت جدتي ماتت واني ميته شلون؟؟
كلي راح افهمج اصبري
بس قبل كلشي عندي شروط اذا وافقتي ارجعج للدنيا واذا موافقتي راح تبقين ميته ومو ميته وتتعذبين
كلتله احجيلي !!
AYOO MD الكاتبة
أنت تقرأ
انا عالقة بين الاحياء الاموات
Spiritualقصة غريبة تحكي عن فتاة اصبحت ضائعة تائهه بسبب حادث مؤلم حصل معها مما جعل روحها تزور عالم الاموات وتحدث معها امور لا يصدقها العقل ولا اي انسان
