انا عالقة بين الاحياء الاموات

الجزء الخامس

دانيا : لاتحجيلي شي انت شخص متفق ويه القزم حتى تجننوني ابتعدوا عني حرام عليكم

الرجل العجوز : اوك بنتي ما حأحكيلك شي بس انتي مع الوقت راح تعرفي كلشي وتصدقي حالك

طلعت دانيا دفرت الباب وبقت تتمشى والمكان ظلمه وهي عقلها تايه ومشتت تفكر وين جانت ووين صارت !! جنت اباوع افلام الرعب واستهزأ واضحك واكول شهلجذب وين اكو هيج شي !! قصتي حتى ولا بالافلام الخيالية

بقيت امشي امشي امشي مااعرف روحي وين رايحه اخر شي التقيت بشاب كلش حلو ووجهه بي نور كلش جذاب مااعرف ليش اول مرة بحياتي انجذب لهلدرجة مع العلم شفت احلى منه وهواي

اجه يمي شافني صافنه علي ....
كلي مرحبا من وين انتي؟؟ شكلك تايهه ؟؟

كلتله مااعرف اني وين وشلون صرت اهنا؟؟
اني جنت بغداد نمت كعدت لكيت روحي اهنا

الشاب : مو معقول يمكن حد خطفك وعبرتي تهريب لهين نحن هلأ بالاردن يحلوة وانتي بقلب العاصمه

دانيا : بقيت صافنه ومرعوبه قبل ساعه جنت بالحدود شلون صرت اهنا !! 😳😳

لا لا كذب اللي ديصير اريد اكعد من الكابوس واشوف جدتي فوك راسي تحطلي كمادات وتمسح وجهي !! متأكده هذا كابوس لان بس بالكوابيس تصير هالاشياء المجنونه

الشاب : تعي معي نروح تاكلي شكلك جوعانه

مسك ايدي واخذني وياه .. مااعرف ليش جنت احس رجلي تمشي وياه بلا مااحس ولا اعترضت ........فتت وياه ع بيته .. بيته حلو بسيط عايش وحده جان -- اسمه يزن قصته امه وابوه منفصلين .. هو ظل ويه امه الى ان صار عمره ٢٠ وتركته وراحت امه اتزوجت وهو بقه بالبيت وحده واعتمد ع روحة
(الدنيا مو عادلة لو تاخذ ارواحهم لو ينفصلون ويتركونا)

هو يحجيلي قصته واني صافنه ..
اخر شي ضحك وكال :: هههههههه شكلك ماراح تستوعبي من الجوع ؛ تعي انا عامل دجاج مشوي يعجبك

دانيا : اكول انتي لهجتك مو اردنيه ١٠٠% عندك لهجه سوريا !!

يزن : اه صح انتي زكية كتير .. انا فلسطيني الاصل عشت بسوريا ١٠ سنوات مع امي وابي .. ومن انتقلنا للاردن بسبب عمل بابا صارت بعد فترة مشاكل كتير خلت ماما وبابا ينفصلوا وماما ماقدرت ترجع ع سوريا لانها لقت وظيفه هون بعد ماتركها بابا وصارت تشتغل وتربيني وبعدين التقت بحب حياتها وصار اللي صار 😊

دانيا : اني اسفه فتحت جروحك

يزن : لا عادي لاتهتمي .. اي احكيلي كيف صرتي هون بالاردن .. كتير متشوق اسمع قصتك

دانيا : لا لا يمكن جنت نايمه وطلعوني تهريب لو ركبت المركب الغلط بالبحر مااعرف المهم ممكن تغلس

بصراحه مردت احجيله قصتي خاف يكول عني مجنونه او مريضه شي
لذلك كتمت ع المووضوووع

اكلت .. نمت .. ارتاحيت .. ليله هنية بدون احلام وكوابيس