انا عالقة بين الاحياء الاموات

الجزء السادس

رحت نمت كل الليل افكر بالمفاجأة وفرحانه واتمنيت ابقه عايشه بهالسعادة مااعرف منين طلعلي يزن .. عوضني عن كلشي خسرته بحياتي .. اخرشي غفيت

🌞🌞 11:00 صباحآ

كعدت لكيت بالصالة فستان ابيض بسيط يجنن مال عرايس كل بنيه تحلم بهاليوم ويه التحبه .. رحت اركض شلته ولبسته طلع يجنن عليه 😍 لكيت مكياج
نزعت الفستان ورحت سبحت وجنت اسعد انسانه بحياتي طلعت حطيت المكياج ولبست الفستان .. طلعت مثل الاميرات !! ياربي استغفرالله معقول اني بالجنه وهذا الحور العين مالتي !! هيج الموت حلو !! اذا ميته ماريد الدنيا واذا عايشه ماريد اموت

سمعت صوت الباب اجه يزن لابس قاط بسيط لونه رصاصي يجنن طالع عبالك امير .... ابتسمتله .. وهو شافني ظل صافن

يزن : انتي كتير حلوة دندونتي !! 🙄

دانيا : حلوة دندون من لسانك

يزن : يلا نطلع نروح للمأزون (الملا للزواج)

دانيا : 🙈

رحنا وجان اكو شهود اصدقائه و٤ من جيرانه .. ماسويناها محكمه لان معندي لا مستمسكات ولا شي بهاي الدولة .. بس المهم اكون حلاله وابو جهالي 🙊

يزن : الف مبروك ياروحي انا كتير مبسوط اسعد رجل بالدنيا

دانيا : الله يبارك بيك حبيبي ربي ميحرمني منك

رجعنا للبيت وعشنا احلى ايام حياتنه شهرين وصرت حامل .. الايام احسها تركض ركض وياه

مجنت افكر بشي بس ببيتي وزوجي وطفلي اللي راح يجي

⚡️⚡️

كعدت بيوم من الايام ع كابوس وجنت اصرخ .. شفت بالحلم القزم ينتزع طفلي من احشائي بوحشيه ويكطعه .. كمت ابجي واصرخ ويزن كعد من النوم - شوبكي حبيبي شو صار لا تخافي هاد كابوس وراح اهدي اهدي

دانيا : لا لا اني كوابيسي غريبة وتدمر حياتي لا لا

يزن : لاتحكي هيك لانك خايفه تحكي هالحكي اهدي

نمت هدأت شويه .. مرت الايام الحياة
طبيعية ماكو كوابيس

.. صرت بشهر ٧ من حملي وتعبت كلش وبطني ظهرت ..
قللت شغل بالبيت وتنظيف ويزن مو مقصر ويايه يساعدني بكلشي
كلبي نغزني من شي مجهول ينتظرني دعيت ربي يحفظلي حبيبي وابني وميصير شي

..

صارت ليل رحنا نمنا ....
بس نومتي هالمرة طويلة
فتحت عيوني جسمي تعبان وذبلانه وبطني كلش ثكلية .. لكيت روحي مرة ثانية يم الشلال واكعه بالكاع وهم مااكدر اتحرك وثكيلة وبطني بعدها جبيرة وبيها ابني .. كمت اصرخ وابجي اتركوني عوفوني رجعوني يم يزن

القزم باوعلي كلي "" هذا الشفتي كله حقيقي ويزن حقيقي وهسه الحياة يم يزن بعدها وانتي نايمه يمه بس جثه اذا كعد الصبح يلكاج ميته بسبب الحمل اثر عليج ..