انا عالقة بين الاحياء الاموات

الجزء الثالث

القزم بدأ يشرح كلشي وتتوضح عندي الصورة وصدمة مراح اصدكها ولا استوعبها ابد 😳😳

تاريخ 2006/6/6 الساعة 6 مساءآ كان عمري 6 سنوات .. كان الحادث بهذا التاريخ والساعة بالضبط !! صدفة غريبة ومرعبه صح !!

نرجع لذاك الزمن

⚡⚡

((ماما سرى - بابا عدنان))
الساعة التاسعة صباحآ

سرى :: دندونتي نايمه يلا اكعدي بنيتي الحلوة كافي نوم بساع كومي بابا مشتاقلج

دانيا : ثباح الخير ماما اريد نثتله وجبث

سرى : يمه فديت سنونج المكسورة كومي بساع لا اشبعج عضات .. محد دمر سنونج غير هالحلويات

عدنان : حبيبتي سرى ممكن تجين بس تعالي اسندي وياي باب المبردة راح انتل اريد اضبط الماطور مالتها متنا حر الجو ميرحم ومبردتنا شلعت كلوبنا

سرى : اي حبيبي اجيت !! هاي شنو ؟؟ ليش هيج لازم الباب !! وخر لتنتل

اجتي دانيا طفلة جانت ومتفتهم وشغلت المبردة .. جان يعيط الاب وينشمر بالكاع
.. ركضت سرى حبيبي شبيك ؟؟ 😰
دانيا خافت كلش وكامت تصرخ

عدنان : مبيه شي روحي شوفي بنتج خافت

سرى : تعالي يا مشاغبه جان روحتي ابوج شلون اعيش بدونه ها؟؟ امووت واعيش وياه ! يارب لتحرمني منه
الام دعت تكون ويه زوجها بكل مكان مو ويه بنتها !!

دانيا راحت تركض تباوع افلام كارتون

الساعة 4 مساءآ الاجه الاتصال المشؤوم اللي راح ينهي ع هالعائلة السعيدة ويدمرها (التلفون الارضي) ياريت ماانصنع جان مااختفت عائلتي من الوجود 💔

ردت ماما على ع الاتصال ::
اتصل عمي وكال تعالوا اليوم ولادة مرتي اليوم خلينا كلنا نكون مجتمعين نذبح طلي من توصلون على باب البيت

سرى : اهلا بيك اكيد ان شاءالله احنه اول الحاضرين وتكوم مرتك بالسلامه .. مع الف السلامه نلتقي بعد ساعتين

ياريت لو الواحد يعرف شيصير جان كدر ينقذ روحه وعائلته ياريت يرجع الزمن ونلغي الروحه !! اوف الحياة صعبة مليانه ياريت !! بس هذا القدر محد يكدر يتحكم بي

اجت ماما سبحتني بسرعه وعطرتني احلى العطور ولبستني فستان وردي ناعم بارد بي رسومات كيوت .. جانت لمساتها الحنونه تغمرني حب وسعادة 💕

والدي كان مستعجل ولبس ملابس انيقة والعطر العندة مميز اكدر اميز وجود بابا من بين الف واحد

لبست ماما تنورة وقميص وصوت الحجل برجلها يرن بأذني لهسه مثل الاميرات 💥

اجه بابا شالني وباسني من خدودي وكلي فديت الكمر دندونتي يارب نشوفج احلى عروس بالمستقبل -
عدنان : حبيبتي شنو رأيج نجيب اخت ثانية لدانيا حتى متبقى وحيدة !
سرى : اي اني هم مفكرة بس مو اكيد .. منا لسنتين اجيب اخت لدانيا تلعب وياها وتكون سندها