النقيب والطفله

Part 1

أفين:استغفرالله شبیکم مخابیل الوووو الکم کعدو
عٌلَيِّ:شٍبِيِّجِ لَجِ شٍبِيِّجِ بَِّس تّصٌيِّحٌيِّنِ من الصبح
أفين:واحد بيكم يوصلني للمدرسه
كرار:وانتي شبيج تخافين تروحين لبارحه بل شارع تلعبين
أفين:ابني مجنت العب جنت واكفه صافنه علئ الجهال شلون تلعب وبيهم برائه مثلي 🥺 ويله تأخرت فضوني
علي:كوم كرار وصلها اني نعسان وثانيه انتي ميلج برائه يعني اني هسه حاليه معتبرج اخويه الخامس تدرين الو لا
كرار:سبحان الله هسه داكلك نفس الحجايه انت كوم
أفين:هسه شلون يله
حسين:كومو يمعودين راح تضل تصيح صوتها عالي اريد انام
علي وكرار:متكوم انت توصلها لعد
حسين:وشبيها هيه طفله تخاف تروح شيلت المنطقه كلها بل طوبه والدعابل مالتها
أفين:متكومون مو سهله سويت نفسي ابجي اهئ اهئ بابا هذولي يكولون احنه منوصلج انتي طفله وعلي وكرار عيطو عليه وطردوني
مهند:رحت عليهم فتحت الباب شفتهم كاعدين يضحكون ولكم😡ليش هيج ويا اختكم هاي وحيدتكم هيج تسوون
علي:يابه شكو شبيك اعصابك
مهند:انت نجب ويله كوم وصل أفونه
كرار:يابه البارحه فشختني بل دعبل مالتها ولو ادري متسويلها شي بس حتئ يزن خطيه ركعت الطوبه علئ وجهه نعقج سوده عليه
أفين:كذاب بابه هوا اول بده يزن ركض ورايه بل ماسحه مال بيتهم اني وين اروح ركعته بل طوبه
كرار:زين تدري ليش يابه شايفته يمسح الحوش ولامه جهال المنطقه كلهم وتصيح هي هي هي يزوني صاير مره من غير حمره محمره
مهند:علئ بختك كرار يابه صدك هاي سوالف اختكم😂
حسين:يابه اضحك بس خلي تصير بيها انوثه مابيه شايفه من تلعب طوبه تتحول يونس محمود
علي:يابه مو هنا المشكله اولت البارحه عزمت صاحبي هنا ملازم رعد تعرفه انت
مهند:اي يابه اعرفه
علي:اي اول مدخل جان تجي الطوبه براسه من فشلتي حتئ ماعرف شحجي خطيه هوه كام يتوسل علئ حبايه مال وجع راس وبتك فوك تصيح كووووول يوسع رونالدو يهز شبجه برشلونه اريدها بس تسكت ماكو صارت عصام الشوالي
أفين:😌مضغوطين مني عيوني بابه هذولي يضيعون وقت يله كومو وصلوني
ستوب...... خلي اعرفكم بنفسي
اني أفين اعرف اسمي شويه غريب بس امي من جانت حامل بيه جابتني بتركيا جانو مسافرين سياحه وهناك جيت اني 🙃 اسمي ختارو هناك معنئ اسمي أفين يعني الحب امي سمتني جيت وصرت مدلله مال بيت كله اني بنت علئ 4 اخون مواصفاتي اني بيضه كلش وعيوني لونهن زرك مثل لون السماء وعندي خدود ورصعات عندي اثنين بخدي و شعري طويل واشكر يعني يجي لحد ركبي شويه اكصر طولي155يعني كصيره وزني50عدل عندي كروش بس زغير واني من النوع الناعمه عمري 18صف سادس🤦‍♀️ اعدادي
اخواني.علي اخويه الوسطاني يعني يجي ورا صكر يشتغل نقيب بل جيش عمره28سنه راح يدخل بل29ممزوج علساس نخطبله بس يكول مو هسه مواصفاته الصاكه عيونه صفر وكبار كلش رموشه طويله عنده لحيه شكره ورصعات عنده بخدوده ومعضل يعني امي كل ميجي من الشغل تصيح يمه اجه ابني ابو شهم😒 نضراتي هيج اصير الها بس حجي بينه العضلات مفيده كل ماضوج اكعد احسب عضلات بطنه ومرات شيلني حمال باشي من اضوج 😂
الثاني.كرار اخويه الوسطاني ملازم بل جيش يعني علي وكرار يشتغلون نفس المكان بس علي نقيب هذا ملازم نفس موصفات علي تماما بس هذا عمره26سنه حتئ نفس لون العين نفس،الحيه نفس الطول اثنينهم طوال183 وعدهم عضلات
الثالث. حسين عمره20سنه كليه طب عام دخل شلون حض عنده😂اشاقه بس هل سنه ونشالله اني هم ادخل كليه طب عام موصفاته طوله177 وعيونه لونهن هم اصفر لين عيون بابه عيونه جانت صفره ومامه عيونها صفره بس اني عيوني زركه بينهم علئ بيبيتي حبيبتي عيوني تشبه عيونها نرجع هاهيه هاي موصفات اخويه حسين بس كلهم فكاهيين
الرابع.صكر اسمه غريب يعني شنو صكر كل ماسئل امي تكول سئلي بيبيتج لي سمته هيج اسم حيوان 😂هذا احنه منشوفه لين بس بل شغل يجي بليل والجمعه اليوم الوحيد لي ننجمع بي كلنه حتئ صكر هذا هم بل جيش ادري ماما شنو مرايدتهم كلهم خالتهم بل جيش بس هذا طيار مال طيارات حربيه رتبته رائد هذا اعله رتبه بل بيت بس اكيد مو اعلى من بابا فديته الصاك مالتي😂مواصفاته الصكر الحيوان ااااااا اقصد صكر الصاك طويل كلش نفس عيون علي ونفس كفشته بس هذا ماعندا عضلات بس جتفه جان عريض كلش فمبين عندا عضلات صكر جان الوحيد لي جان ناطيني حريتي بس مو هوايه يعني اذا غلطت اترزل صخونه شبيهم اني اغلط مره مرتين ثلاثاربعخمس مرات واتعلم من غلطي😂ومرات يعصبون لين العب
طوبه بل شارع لو العب دعبل ويا الجهال يجي علي يكول عيب بتي انتي جبيره المفروض هسه،تحضرين للكليه بس اني اطنش بس كامو ميخلوني اطلع بل شارع كمت العب دعبل وطوبه بل بيت ويا حسين وكرار مرات نتراهن واني افوز😂 جانت متحانات اخير السنه يعني بكلوريه هل سنه اني جنت ومحد يقبل يوصلني كوه وصلوني للمدرسه جان رابع متحان الي بس ماحجيلكم كايز انتو اكيد مجربين السادس الاسئله حتئ اينشتاين ميحلها صعبه ولصعب من هيج يوميه تفتيش عدنه لازم نتفتش قبل مندخل نمتحن ورتباك وخوف يصير اني امتحن اكو عالم تضحك عليه يعني قصدي اخواني من الخوف ارجع رأسا اقره متحاني واضل اعيد بي مرات يجي علي يكولي شعجب متطلعلج شوارب مثل باقي البنات اكله حمبي مو كل اصابعك سوه
نرجع للحاضر
علي:يله كومي أفونه اني راح اوصلج
أفين:يماا فديتك يله امشي
كرار: عيني رونالدو تعال الباج مالتك نسيته
أفين:ترا اسمي أفين وتكدر تصيحلي أفونه مو رونالدو
حسين:ولله اني قترحت عليهم اسم يونس بس مقبلو شبي ولكم هذا سفاح العرب رحتو رأسا علئ رونالدو هوا هم شبهج 😂
أفين:هسه ديله عيني سندس الحفافه جنك بنيه من تتطلع ترفع بنطرونك اكو واحد يطلع كراعين رجله يمااااا
حسين:تعالي لج اني سندس الحفافه يا يونس محمود جنج جني وبعدين هذا موديل بنيتي روحي تعلمي المديلات وتعالي احجي كمت اقلد بصوته اكو واحد يطلع كراعين رجله روحي سوي شواربج اول شي😂
أفين:على الاقل بيه رجوله اكثر منك جنك بنيه امداك لك انت اذا ردت تخطب يمكن يكولون عليك وانت كاعد تخطب معرفتنه بل محروسه بنتك خطيه يصير بيهم داء الثول من جهرتك خلي اروح قبل ماانكتل
حسين:سهله لج بس رجعي يونس محمود له احفلك شواربك بيدي اصبرلي
أفين:واني امشي كتله دطير بابه ميلي شوارب ليش ماخذين نضره على بنات السادس عدهن شوارب ترا مو كل البنات هيج المهم اللهم لاتحاسبنا على ماعمل السفهاء بنا😂 رحت امتحن واني الطريق كله اراجع بصوت عالي وصلت جان علي يكول
علي:ابوس ايدج نزلي اخخخخ يمه راسي سطرتيني سطر شكد تحجين
أفين: شوف شوف الجهل وين وصل بيكم ابني عزيزي جنت اراجع مو احجي شكد ماعندك ذوق
علي:ذنزلي لا ركعج دفره اخليج تتعرفين على نيوتن وتقابلي شخصيا 😂
أفين:علوا حتى اكتله خلاص على هل كتاب الحقير والجايف هسه هيه تفاحه نزلت عليك ازقنبها واسكت لا سوالي كتاب شكبره على تفاحه هوا مو صوجه صوج الشجره لي نزلت عليه هاي التفاحه
علي:لج سطرتيني شوكت اجي اخذج
… ..اللحكايا بقايا