النقيب والطفله

Part26

صكر:لين اريد اخلص أفين من مصطفى هيه متحبه ومتريده لازم نوكف وياها ونخلصها
أفين:هوب هوب شسالفه حبيبي لا لتفسخ اعرف بيك تحب ريان كلش
صكر:بس لازم اضحي بسعاتي علمودج
أفين:دسكتي حبيبي عرسكم بعد كم يوم بعدين اذا فسخت ريان راح تنكسر خطيه
علي:صكر من لبدايه جان ملازم نعوف أفين بحدها منغصبها وهسه متندمين ميفيد لندم
كرار:بعديش جاي نحجي
حسين:تذكرون من وكفنه كلنه ضدها وهيه بحدها وهسه تندمنه
أفين:هووو بعد لتفتحون هذا لموضوع حبابين بعدين اكفو بعد كم يوم ع عرسكم
علي:بعد اسبوع واحد ليوم خميس
أفين:عفيههه ولكم غير تكولولي حتى اشتري ملابس عزا صخام
حسين:تحققيلي حلمي وتلبسين بعرسهم فستان🤦‍♀️😂
أفين:نجب والك ماحب لفساتين والله بنطرون وبدي حتى اني وبهار شويه نركص
صكر:أفين شتركصين راح يجون جماعتي كلهم
علي:اي واني هم حيجون
كرار&وحسين:احنه هم عزمنه اصدقائنه
أفين:شنو خويه عرس لو انقلاب كله عسكر مالي دخل اني ولله عازمين اصدقأئكم ع عيني وراسي اني اخواني حيزوجون لازم نهوس ونركص بحيث هيج عرس ميتفوت
اخوان:😂😂😂ماشي بس متركصين
أفين:حجي يفيدكم هذا مرت الايام بسرعه بسرعه تحضيرات مال عرس صكر وعلي تعبنه كلش لين عرسين مو واحد ملابس وتحضيرات اليوم الحنه لبست فستان صكر جبرني البسه لونه اسود وبي خرز بيضه وبي حزام اسود وحذاء كعب وبهار نفس فستاني هم وشعري نص شالته ام الصالون ونص خلته وبف ونزلت خصل ومكياج صار اسود وبهار نفسي نفس تسريحه شعري ونفس مكياجي اما لكمر مالي ايات جانت لابسه بدله لونها ماروني ومن يم صدرها تول جان ومن يم خصرها كله فصوص يجنن جان ومكياجها ماروني وحمره ماروني وشعرها مرفوع وكاعده خجلانه وفرحانه اما لكمر الثاني ريان جانت لابسه بدله لونها بنفسجي كلها فصوص اسود ومنفوشه كلش ردنها هم نص ومن يم صدرها تول ويم صدرها كله خرزسوده
ولمع مكياجها بنفسجي وحمره وردي طوخ  وشعرها مرفوع وهم كاعده وخجلانه وفرحانه هم اشتغلت الاغاني جان بس نسوان وسويناها بقاعه لين هوايه عالم اهل ايات وكرايبهم واهل ريان وكرايبهم وكرايبنه المهم اشتغلت الاغاني وبده لركص اني وبهار لعبنه طوبه مخلت ركصه معلمتني عليها رحت نزلت ايات وبهار نزلت ريان وضلينه نركص وهنه مستحيات كتلهن ركصن يله بعد متعرسن هيه مره وحده يله يابه ركصنه ركص طلعت اغنيه منين جابوج يمشمش كربله وامي وام ريان وام ايات كومناهن يركصون ويانه شبعنه ركص خابرني صكر كال جايين نحنيهن ترا كتله اوك كتلهم جايين يحنون لعروسات كعدن واحنه ضلينه نصفك شويه ودخل صكر وعلي وكرار وحسين وابويه هم وناس ثانيه حتى مصطفى جان موجود دخلو كلهم
صكر:دخلت شفت أفين لابسه لفستان وميكاج اجننن طالعه صدك صارت انثى هسه باوعت ع ريان هم حلوا طالعه كعدت يمها كتلها شلونج
ريان:كلبي يمكن لقاعه كلها سمعت دكاته من كالت أفين حيجون يحنون دخل صكر يجنن جان لابس قاط اسود وهوا هيبه حلو دخل كعد يمي كال شلونج جاوبت واني مدنكه راسي كتله زينه وانت
صكر:جاوبت بصوت يرجف كالت زينه وانت كتلها بشوفتج صرت كلش زين رفعي راسج ولج حركتي جدي
ريان:رفعت راسي صارت عيني بعينه
صكر:اشتعلت عشيرتج ع هل جمال ولج شيجيب باجر شيخلصج مني😉
ريان:ها احم خجلت كلش خدودي صارن حمر ابتسمت☺
هسه نروح لعلي وايات
ايات:اليوم حنتي من حب حياتي وحب طفولتي علي كلبي يدك سريع ومرتبكه وخايفه كالت أفونه حيجون يحنون اني كلبي كام يدك 1000دكه دخل علي لابس قاط اسود وطوله وهيبته وهوا طويل ومعضل اروح فدوا لطوله ولهييته دخل اجه كعد يمي
علي:اليوم لحنه مالتي من حبيبتي ايات دخلت شفتها جانت ملاك وكاعده اجنن طالعه تخبل بستها من راسها كتلها طالعه اجنين حبيبي
ايات:حبيبي وانت طالع اجنن
علي:دخل يجي باجر شيخلصج مني نامي زين ليوم😉
ايات:عزززا شكد خجلت خذودي صارت حمر من الخجل ابتسمت كتله صاير وكح كلش
علي:ولج غير انتي مرتي ولله ميهلي اعوفج واروح احبج
ايات:اموت عليك
أفين:اباع عليهم شكد حلوين كاعدين ع لكوشه ويا زوجاتهم اجه بابا يمي باسني من راسي
مهند:مينسوج أفونه انتي اختهم حبيبتي
أفين:عمريي هنودي شكد حلوين باعهم باوعت مصطفى واكف ع صفحه ودموعه بعينه نقهرت عليه كلش طلع برا كتله بابا هسه اجي طلعت شفته واكف برا يمسح دموعه
مصطفى:حنه ريان اليوم هاي لطفله لي ربيتها ع ايدي كبرت وصارت عروسه ويم رجلها كاعده متحملت بجيت طلعت برا امسح دموعي حسيت ايدي ع جتفي نداريت شفت أفين طالعه تخبل
أفين:رحت يمه جنت متردده انو الزم جتفه لو لا بس خليت ايدي ع جتفه كتله لتخاف عليها صدكني راح تنسعد
مصطفى:جان اكو حديقه بل قاعه وبيها مصطبه كعدت عليها كتلها أفين هاي لطفله لي عمرها7سنوات وستشهد ابويه اني ربيها وكبرتها صارت عروسه وراح تروح لبيت رجلها اديت واجبي اني مو ابويه هسه مرتاح مو
أفين:اي مرتاح انت سويت لعليك وربيتها بريت ذمتك كدام ابوك راضي عليك هوا وخاله
مصطفى:أفين
أفين:نعم
مصطفى:احبج
أفين:كلي احبج كلبي كام يدك سريع كتله يله خلي ندخل راح يحنون لعروسات كال يله دخلت اني قبله وهوا دخل ورايه حنو لعروسات كومتهم كلنه نركص كلنه سويه ونهوس ونكمز اني بنص اخواني وريان وايات هم علي وصكر كوموهن وضلو يركصون رحنه للستوديو ياخذون صور وطبعا اني وياهم احله شي اخذنه صوره كلته جماعيه اخواني ومصطفى وبهار وايات وريان وابويه وامي وخاله ام مصطفى اخذناها بعدين طلعو داطلع صكر جرني كلي تعالي وكمت بنصهم واخواني حضنوني واخذنه صوره تجنن واني وايات وبهار وريان هم اخذنه صوره خلصو طلعنه رحنه لبيتنه وهما راحو لبيتهم خلص اليوم جان كلش حلو ثاني يوم جان لعرس لبست بنطرون اسود وبدي كريمي وبي ورد اسود ويا حذاء رياضي وشعري كعكه وبهار نفسي ولعروسات لابسات بدلات بيض مال ايات وريان لبدلات مالتهن مشابهه كلش صار لعرس يجنن وهم ركص بس هل مره مشفت مصطفى مجان جاي جاي نطلع نزف لعرسات للفندق صار مصطفى كبال صكر وكله
مصطفى:مكدرت اروح لعرس ريان كضيت اليوم كله بغرفتها مطلعت اباع صورها من جانت صغيره طلعت صورت ابويه وضليت احجي ويا كتله يابه هاي ليوم عرس ريان اني ربيتها وكبرتها وبريت ذمتي كدامك سامحني خاف قصرت بشي وطلعت رحت للقاعه لبيها مسوين لعرس شفتهم هسه طالعين لزمت ايد صكر كتله صكر هاي امانه يمك اخويه اعرف بيك راح تسعدها وتحميها بس هاي عيوني وكلبي وروحي اني نطيتك امانه ابويه خليها بعينك وحافظ عليها
صكر:بعيني خويه وحضنته
ريان:بجيت حضنت مصطفى كتله ليش مجنت حاضر بعرسي
مصطفى:حبيبي انتي مسحي دموعج جان عندي شغل الف مبروك حبيبتي بستها براسها كتلها ديري بالج ع صكر ترا هذا اخويه
ريان:دنكت دابوس ايد مصطفى رفعني وباس راسي
مصطفى:بس راسها وكتلها يله حبيبي روحي ويا زوجج
أفين:زفيناهم للفندق دخلو كل واحد الغرفته دنرجع لبيتنه امي كالت أفين روحي ويا ام مصطفى لبيتهم خاف يصير بيها شي تخربطت ليوم بل عرس كامت تبجي ع بتها هوايه
أفين:تمام ماما رحت وياهم بل سياره هوايه بجت ام ريان كتلها خاله ترا ريان ازوجت مو صار بيها شي تكدرون تجون بكل وقت وصكر هم راح يجيبها يمكم خاله ام مصطفى……….
اللحكايا بقايا