النقيب والطفله

بارت7ج2

سمعت عياط جوا شويه وندكت لباب مجاوبت سمعت صوت صكر
صكر:أفين بس اسمعيني حبيبتي انتي باعي مصطفى مزوجها لين يحبها ازوجها علمود نلزم تاجر لمخدرات
أفين:كمت فتحت لباب شفت اهلي كلهم واكفين كتله كمل حجيك اريد اشوف وين توصل
صكر:زين ليش مسمعين منه
أفين:ماريد وهوا من يرجع راح يطلكني رجاءا طلكني ماريد هيج تعتب من المشاكل ماعندي قدره بعد
صكر:حبيبتي ولله علمود نلزم تاجر لمخدرات واني جنت شاهد ع عقد زواجهم
أفين:فتحت عيوني ع وسعهن ونقهرت كلش نهضمت اخويه شهد ع زواج رجلي وتعاستي صفكت بيدي كتله عفيهه بحزام ضهري عفيه شهدت ع تعاسته اختك ولله سبع ورجال سديت الباب وكسرت غرفتي كلها لمرايه ولغراض كلها فقدت اعيط واكسر ماعرف شصار بس تعبت والله تعبت محد يحس بيه شسويت اني بحياتي حتى هيج اتعاقب كعدت بل كاع وضليت احجي وابجي بصوت عاليي ربيييي اخذنييي وخلصني من هل دنيا ربي والله تعبت والله تعبت اني مو حمل هم وامتحان ثاني😭😭😭شسويت اني بدنيتي حتى هيجج اتعاقب اخويه ابن امي وابويه صار شاهد ع تعاستي ورجلي وعدني بوعود كلها كذب واني الثوله اكله اذا متت لتزوج ورايه ولكمم انيييي عايشه وازوج اوووف حسيت كلبي كام يوجعني شكد معيطت سكتت شويه وصرت اشوف الدم من خشمي ومن ايدي انتهبت ايدي مشكوكه منضرها يخوف ضليت نايمه بل كاع عيوني غوشن وبعد محسيت
ريان:نزلنه كلنه جوا نسمع صياح أفين وتكسر غراضها كلنه بجينه نقهرنه عليها صعبه تتحمل ضره ميقهر المره غير مره ثانيه شويه واختفى صوت أفين كام صكر كال هذا سكوتها علامه مطمن خاف سوت شي بنفسها صعدنه كسرو الباب ودخلنه غرفتها عباره عن كزيز ولفراش بل كاع وهيه مغمى عليها ايدها مشكوكه وخشمها ينزف دم شالها صكر ونزل ركض اخذها للمستشفى
صكر:من ايدي كله مني سبب تعاست اختي اني اخذتها للمستشفى دخلوها رأسا للعمليات لين ايدها مشكوكه ورا ساعه طلع الدكتور كتله شلونها أفين
الدكتور:أفين ضغطها معلك20بينها وبين لجلطه شعرايه رجاءا بعد مو زين عليها لتوتر ولصياح هاي لمره كدرنه ننقذها بس مره لثانيه منكدر ولحمدالله ع سلامتها
صكر:شكرا دكتور شفت ابويه وكع بل كاع كمت يمه كتله كوم يابه كو
مهند:وخر عني بسببكم بنتي هيج حالها وخر
صكر:وخرت منه شحجي ويا مسحتي منه وفشلان رحت يم مصطفى كتله مصطفى أفين قويه وتحبك راح ترجعلك
مصطفى:صكر اني راح اطلكها احسلي لك اني احبها لافين ولك ناطيها وعد مازوج واني خنت بهل وعد وهسه من ورايه هيه هنا نايمه
علي:جانت اكبر غلطه انو احنه سمعنه كلام لعميد ولغلطه لاكبر شهدنه ع زواجكم هسه احنه صغرنه اختنه كدام ذيج
كرار:طلعو أفين من العمليات جانت نايمه وايدها ملفوفه بس وجهه اصفر دخلوها ودخلنه يمها مرت ساعتين وصحت
أفين:فتحت عيوني جان مغوش ماشوف شي بعدين شويه شويه وضح شفتهم كلهم يمي حجيت بصوت مبحوح...اااطلعو برا
علي:أفين حبيبي اسمعينه
أفين:ماريد اسمع احد اطلعو برا
مهند:امشو نطلع ورا لسويتو بيها لتتوقعون تسامحنه
أفين:بابه ماما اني مزعلانه منكم ابقو يمي لتعوفوني وحدي هنا
مهند&رزان:حبيبتي منعوفج احنه
أفين:ضلو يمي بس الباقي برا واكفين بابا تعبت ولله هوايه اذاني مصطفى وجرحني
مهند:حبيبتي بعد ميوصل يمج ولا ترجعين اله
أفين:ضليت يومين بل مستشفى يوم الثالث طلعت دخلت الغرفتي جانت نضيفه وشكو شي مكسر شايلي وجايبيلي غراض جديده نمت مادري كم ساعه واجتي امي كعدتني اكلت ونطتني دوا وراحت ضليت هيج اسبوع مطايقه احد حتى اطفالي فديوم جنت كاعده وقسور يبجي واسد وايلاف يتعاركون كمت اعيط بسسسسس بسسسس كافييي تعبت منكم كافييي ايلاف واسد يبجون وقسور كعدت بل زاويه وضليت ابجي اجوي اهلي
رزان:ماما أفين امي ليش هيج تعيطين عليهم خطيه
أفين:اخذيهم اخذيهم ماريد اشوفهم ماريدهم
رزان:ماشي يوم
أفين:اخذتهم امي واني ماله من كلشي
حسين:أفين حبيبتي باعي اهدي شويه الدوام راح يبدي داومي هل سنه كلنه نداوم ياه حبيبتي محد يفيدج غير شهاتج
أفين:اي اداوم
حسين:عفيه حبيبتي يله امشي نطلع نشتري ملابس
أفين:ماريد
كرار:لاا أفونه هاي اول مره متكفين ع لملابس كومي حبيبتي
أفين:كلتتت مارييييد سلابات(ملابس)
صكر:عوفوها براحتها
أفين:اخذ اخوك واطلع برا يله
علي:أفين مو اعتذرت منج مليون مره كافي سامحيني
أفين:ازوج ع ايات لو انت الثاني ازوج ع ريان واذا سامحوكم اني اسامح
ايات:ليش يزوج عليه شناقصني اني أفونه
ريان:واني هم يا حبيبتي أفون
أفين:باعو ميقبلن يله هسه كلكم اطلعو برا ماريد اشوف احد منكم يلهههه طلعو كلهم بقه بس حسين يمي
حسين:أفونه حبيبتي كومي يله امشي مناخذ احد والله بس احنه اني وياج شتكولين واذا تريدين ناخذ جهان ويانه
أفين:ماريد حسون روحو انتو احسن
حسين:ولج هو اني اريدج ويانه يله خلي نطلع ملابس
أفين:كام حسين طلعلي ملابس اخذتهن ودخلت للحمام بدلت بس ملبست عبايه ولا حجاب مثل مجنت يم مصطفى طلعت حسوني مشطلي شعري سواليا ضفيره ولبست حذاء وطلعت ويا نزلت كلهم ضلو صافنين عليه
حسين:راح نطلع اني وأفونه زين الله ليعوزها الكم اني اخوها وتومها
صكر:حسين بدل متصالحنه تزيدها
حسين:احجو ويا نسوانكم من يكولولها مناقصنه شي ويزوجون علينه جان ستحيتو يله أفين امشي مالنه دخل بهل شكولات
أفين:اخذني حسين للمول بحدنه مقبل ناخذ جهان ويانه اشترالي ملابس كومه واحذيه طلعنه خلينه لغراض بل سياره كلي هسه تعالي نروح للملاعيب ماطول بعد وكت
أفين:ماريد حسوني هوايه شترينه غراض ومليت
حسين:راح اخذج للملاعيب ولج تحبيهن يله
أفين:احنه للملاعيب تونست صدك نسيت كلشي شكو لعبه احبها لعبتها وحسين ويايه كتله حسوني اريد موطه
حسين:تدللين يروح حسوني اشتريتلها موطه بل كاكو الي والها يله هسه أفونه نروح نتعشى
أفين:يله رحنه لمطعم وتعشينه وحسوني يضحكني وفعلا ضحكني كمت داروح اغسل شفت مصطفى كاعد ويا اثنين يمكن اصدقائه شافني وفتح عيونه مهتميت رحت للحمام نزلت دموعي اووو أفين لا لا ماكو بجي انسي غسلت وجهي وايدي وطلعت لكيته واكف ينتضرني مشيت لزمني من زندي وحجه وهوا صاك على سنونه
مصطفى:انتييي شلون اطلعين هيج ويامن طالعه
أفين:مالك دخل بيه وخر ايدي كامت توجعني
مصطفى:باعي أفين هسه تروحين لبيتكم زين حبابه وبعد مالج طلعه
أفين:مالك دخل دفعت ايده بس جان لازمني قوي كتله وخر عني عافني رحت يم حسين كتله يله حساني خلي نروح
حسين:يله أفونه
أفين:طلعنه ورحنه لبيتنه نزلنه لغراض دخلنه جانو كاعدين رحنه اني وحسين لغرفتي خلينه الغراض ونزلنه
حسين:السلام عليكم
الكل:عليكم السلام
حسين:الدوام باجر وأفين راح اداوم
ريان&ايات:أفين احنه اسفين
أفين:مجاوبتهم حسوني اني حنام باجر كعدني نروح سويه زين بوست ماما وبابا وحسين وصعدت نمت
صكر:حسين خلي أفين اسامحنه كافي ولله اعتذرنه منها
حسين:اذا سامحتكم اني ماحجي وياها أفين اختي وبس فتهمتو وبدل متحجون هيج روح علمو نسوانكم شلون يحجون
رزان:حسين يوم مو زين خلصناهن من ايديهم موتوهن
حسين:مو مشكلتي بس أفين محد يندك بيها زين عفتهم وصعدت نمت
الساعه7:30الصبح
حسين:ولجج أفين كعدي يله
أفين:حسيننن نعسانه
حسين:دكومي حبيبي عدنه دوام يله
أفين:هففف كمت
حسين:راح انتضرج جوا
أفين:كمت سبحت وبدلت لبست بنضرون اسود وبدي اسود مرسوم بي ورد فوكا جاكيت اسود وحذاء ابيض وجنطه بيضه ملبست حجاب نزلت كتله يله حسوني خلصت
حسين:يله
رزان:ماما متتريكون
حسين:يوم اكو يم الكليه مالتنه مطعم نتريك هناك
أفين:يله بيباي طلعنه اني وحسين فتحت بابنه شفت مصطفى كبالي
أفين......
...يتبع