النقيب والطفله

Part13

حسين: كفوو منج أفونه طلعتي مو هينيه ولله باع مصطفى أفين استخباراتيه اصليه ترا
مصطفى: ايي واضح من لتفتيش مال فون اخوها شكد فضوليه
أفين: ولله قابل اني سياده لنقيب مصطفى ابو فطوم مدر منو
علي: هيهي هيهي ولك راحت لهيبه اخخخخ اطشرت
ام مصطفى: ولك مصيطف منو هاي ولك موعيب تحجي ويا بنات لناس ها موعيب
مصطفى: باوعت لهاي لحاروكه كاعده بكل راحه وتباوع علينه من شافتني اباوع عليها ابتسمت ابتسما مال استفزاز
مصطفى: لا يوم ليروح بالج بعيد صديقتي مو شي ثاني
أفين: شاورته خاله ام مصطفى كتلها خاله كذب كاللها حضري نفسج جايج للبيت مدري شيسوي عدها الله يبعدنه وجريت اذني 😂
ام مصطفى: عزززا لعزاك ولك نهجم بيتج فطيم ولك اسويت للبنيه شعندك رحت يمها للبيت
علي:اخخخ لحجيه راحت زايد شويه😂😂
حسين: لو ساكت اشرفلي ولا هل فضحيه 😂
مصطفى:لا ولك فضيحتيش ترا ولله ماعندي شي وياها مجرد صديقه ومن رحت لبيتهم جان عدنه امر تفتيش وهيه خابرتني كالت تعال وياهم ماعندي احد خطيه تخاف
ام مصطفى:يما تخاف ماعدها اهل هاي لبنيه والله يالله باوع ولك بعد متروح الاي بنيه زين ترا لشوف نفسك نقيب عل كل على امك لا فهمت ابو فطوم
أفين:كفووووو منج يل ذيبه وهاي بوسه لراسج ممحح بسته براسها وهيه هم باستني بخدي كتله والله خاله خوش رزاله بح اكلك علي وين لكرامه
علي: يم لمصلح ديدور قطع غيار لي بعد متفيد
مصطفى:يول مو جنت اغطي عليك اذا تتواعد وتتطلع ويا ايات لو نسيت
علي:ضربته بل بطل على ايده وكتله ولك خليتني بلسان أفين
مصطفى:طبك مرض لعد بس اني اترزل بهل رحله لجميله
أفين:اخخخ شنو هاي طالع وياها طلعت فوني وخابرت ايات
ايات:هلاو حب
أفين:بس اعتب عليج اطلعين ويا اخويه ها وتخابري والله عيب روحي بعد علاقتنه انتهت
ايات:كمت ابجي كتلها بس اوكفي ولله مفتهمه غلط بس هيه سدته بوجهي منتطتني مجال ابررلها خابرت علي وسويته عركه للضالين وسديته
مصطفى:وكفنه بأستراحه كلهم نزلو بس هيه بقت بل سياره واشوف علي عصبي كلش ودمه محروك ومقهور باوعت عليها جانت مبتسمه انو هيه سوت مشاكل كتلها ليش هيج خربتي كلشي بين اخوج وحبيبته ها باعي مو خطيه وصديقتج هسه مدمره مو حرامم عليج لججج انتييي شنو من بشر هااا متحبين اشوووفين احدد فرحاننن وعايش حياتته لين انتيي عندج نقص بحياتججج عيبب عليج هل سوالف زين بطليهن
أفين:تفاجئت من حجه ويايه هيج اول مره يعلي صوته عليه هيج هوا شنو حتى يعلي صوته اخواني ممعلين صوتهم عليه ابويه محاجي هيج ويايه انجمعت لدمعه بعيني نزلت من لسياره رحت للحمام نزلت دمعتي وبجيت شويه اجتي ماما
روان: يله أفونه حنروح
أفين:اجيت ماما مسحت دموعي وغسلت وجهي وعدلت شالي وطلعت صعدت واني مدنكه راسي وماريد اشوف احد خليت راسي ع لجامه وكل شويه اذكر لحجي مال مصطفى وانقهر لحد موصلنه
مصطفى: تعارك علي ويا حبيبته لي بشلعان لكلب صارت علاقتهم وتجي أفين خانم تخرب كلشي بلحضه تعاركت وياها ورزلتها صح اني مالي دخل ولا لي علاقه وميصير ادخل بس نقهرت على علي وهوا هم تعارك ويا اخته بس ميكدر اسويلها شي من رزلتها ونزلت نتبهت لنفسي شحجيت وشخبصت 🤦‍♀️كملت خرب حضي هسه اني قهرتها خرب حضي شفتها نزلت ركض للحمام ورا شويه طلعت وصعدت بس لطريق كله منطقت ولا حرف ولا باعت على احد لو مدنكه ومخليه راسها عل جامه لحد موصلنه
أفين:وصلنه لكربلاء ورحنه لبيتنه لي هناك اول مدخلت اخذت جنطتي ورحت لغرفتي شمرتها وسديت لباب وضليت ابجي ومحروك دميي شلون هيج يحجي ويايه محسيت بعد نمت نومه اهل الكهف من ساعه  11:00لحد.ساعه5:30كعدت راسي ينفجر شكد مضليت نايمه كمت سبحت وبدلت ونزلت ملكيت احد بلبيت ضليت افتر بل بيت واصيح وينكم ياناس لي هنا اخوان من داصيح دخل لغثيث من شفته عفته ودخلت للمطبخ اشوف اكو اكل لكيت نساتل وهيج شغلات اخذتهن وطلعت برا من لباب مال مطبخ رحت للحديقه كعدت ع المرجوحه اكل
مصطفى:دخلنه للبيت وأفين راحت كبل لغرفتها وسدت لباب وكلهم كالو شبيها ومدري شنو لمهم اطشرنه كلنه رحنه لغرفنه سبحنه وبدلنه وارتاحينه نزلت بل 5:00لكيتهم مبدلين كتلهم وين كالو نزور يله امشي باوعت أفين مو وياهم كتلهم روحو انتو مالي خلك حرجع انام ميت تعب (هوا كذب اريد احجي ويا أفين)المهم راحو وراها بنص ساعه نزلت أفين تصيح وينكم من شافتني راحت ادور اكل بل مطبخ اني واباوع عليها اخذت نساتل وطلعت من باب لمطبخ للحديقه رحت وراها لكيتها كاعده ع لمرجوحه وتاكل جنها جاهل رحت يمها كعدت هيه رادت تكوم بس لزمتها
أفين:اجه لغثيث يمي ردت اكوم لزمني من ايدي كال اكعدي عندي حجايه وياج كتله واخر عني ماريد بس شفته صار عصبي وخزرني اول مره اخاف من احد كعدت كال
مصطفى:أفين مجان قصدي اجرحج بل كلام بس باعي تدرين اخوج شكد تعب وخطط لهاي لعلاقه تدرين شكد تعارك وشكد نقهر وشكد حجه ويا ايات يله قبلت تدرين جان يجي يمي بل مكتب بل مركز يجي يحجيلي شلون تعارك ويا ولد اجه تحارش بيها وسجنه يومين هوا يتعارك ويا وبعدين ايات زعلت عليه وشكد حاول عالج يصالحها متقبل اخر شي صالحته من طفر على بلكونتها وراح صالحها وجنت اني اراقبله الشارع حتى محد يحجي على ايات لو يمسها بحجايه ومن صالحته علي صار اسعد انسان بل كون نزلت يهوس ويحضن بيه تدرين جان يخاف تعرفين بعلاقته ويا ايات وتتعاركين وياها وتعوفه لي علي جان مو بس يحب ايات لا لا جان يعشقها وجان يحجي على مشاكلج وياهم بل بيت وشقاج وسوالفج جنت عبالي انتي طفله عمرج 6لو7سنوات مادري بيج جبيره هيج تدرين شغله صح اني وياج ثار بينه ولازم اخذ منج لثار بس مجان قصدي هيج احجي وياج ليوم بس نقهرت على علي
أفين:جان مصطفى يحجي على علي وايات وشلون يحبها واني بغبائي وشقايه خربت كلشي بينهم وصارت عركه من ورايه اول مره انتبه على شكل مصطفى جان ضخم كلش بحيث اني كاعده يمه ضعت وحجالي شلون يحجيله عليه وشلون يحبني واني صافنه عليه ولدمعه نزلت من عيني واني صافنه عليه شديحجي حسيت مسح دموعي وكال لتبجين بعد هسه صالحي علاوي وخلي يرجع ويا ايات باوعت عليه كتله ياثار تريد تاخذه مني ها مسويت شي اني
مصطفى:نزلت دمعتها مسحتها وكتله صالحي علاوي وايات خطيه ومسحت يم شفتها جان بي شويه ككو
كالتلي يا ثار تريد تاخذ مني اني اذكرت كتلها من جسرتي عليه ومن وكعتيني
أفين:اني مجسرت عليك ترا انت جيت ولزمت ايدي قوي واني جنت داعبر حجيه مره كبيره بل بعمر وانت جنت مشايفها ومن وكعتك جنت دانتقم منك لين كلت عليه زعطوطه اني مو زعطوطه بس احب اشاقه وانتو ممتحملون شقه وبعدين اذا عندك ثار عادي اخذه حتى اني هم اخذ ثار وتصير حرب
مصطفى:دتحجي جان اسحبها صارت قريبه عليه كلش عيوني صارت بعينها هل عيون لسحرتني وخلتني ااذوب يمها اني لنقيب مصطفى اذوب وانتهي يم هل عيون هيه تريد توخر
… ..اللحكايا بقايا