النقيب والطفله

بارت16ج2

رأسا لبس مصطفى واني هم لبست ونزلنه ركض لكينه خاله بل مطبخ ولبوري مال مغسله مكسور ولمطبخ غركان ضحكت اخذت خاله وديتها لغرفتها وحضرت لها لحمام وملابس سبحت ونطيتها ملابس كتلها يوم نامي انتي ومصطفى يسوي لبوري واني انضف بستها من راسها وهيه باستني من خدي سديت الباب وطلعت لكيت مصطفى نازع لجاكيت وباقي بس بل فانيله ويدردم كتله شبيك يحلو تحجي
مصطفى:ولج من اتقربلج لازم يصير شي ساعه الجهال يبجون لو تزعلين وهسه البوري
أفين:كمت يمه بسته من ركبته وعضيتها جان ينفتح البوري ولمي صار علينه تنكعنه كعدنه بل كاع وضلينه نضحك
مصطفى:مو كتلج ولج خاف اتقربلج بعد وتصير لحرب العالميه الثالثه
أفين:وشحلات لحرب لو وياك وبحضنك🥺❤
مصطفى:خرب انه اكلج تعالي فوك وبعدين اسوي البوري
أفين:لا لا حبيبي يله سوي حتى دانضف المطبخ ضل مصطفى يسوي بل بوري ويغنيلي خلص وكعد بل صاله اني نضفت المطبخ من المي خلصت بردت كلش لين ملابسي مكنعه رحت للصاله واني ارجف بارده كلش
مصطفى:شبي حبيبي لحلو يرجف
أفين:ببرددد كلش
مصطفى:حضنتها وشلتها وصعدت
أفين:صعدني فوك نزلني كمت طلعت ملابس الي واله ودخلت سبحت بدلت وطلعت دخل ورايه وطلع واجه نام وحضني
مصطفى:هسه تدفين بحضني
أفين:حضنته وصدك دفيت لين مصطفى ضخم كلش من يحضني اضيع بحضنه المهم نمنه
الصبح ساعه8:00
أفين:فزيت تأخرت باوعت لكيت مصطفى نايم كمت ركض غسلت وحضرت بدلته لعسكريه وسويتله ريوك وصعدت ركض كعدته مصطفى حبيبي كووم تأخرت ع الدوام عمري
مصطفى:امممم نعسان حبيبي بس 5دقايق حبابه
أفين:ماكو ولا دقيقه يله كووم
مصطفى:كمت كمت يحلو لو هيج لصباح بهل وجهه لحلو لو ميراد
أفين:بسته بخده وكمت طلعت ملابسي الي دخلت ابدل لبست بنطرون اسود وقميص ماروني وفوكا ستره سوده طويله لحد ركبي لبست بوت ماروني وحجاب ماروني وكب اسود وطلعت ضل مصطفى صافن
مصطفى:ولله مادري شلون حخليج هيج اطلعين بدلي حبابه
أفين:لاااا حباب حبيبي ولله لبسي مستور لقميص طويل ولستره هم ومكياج خفيف
مصطفى:هفف امشي
أفين:نزلنه تريكنه خاله كاعده بوسناها وطلعنه وصلني لكليتي
مصطفى:حبيبي يحتاج اعيد لكليشه مال كل يوم لو حافظتها
أفين:حافظتها والله ضحك ماكو سوالف ويا لولد ماكو تبقين يم حسين ومتتحركين واذا شفت لولد لي ذاك اليوم راد يخطبني ماحجي ويا ولا اباع عليه بعد
مصطفى:جريتها بستها من شفتها كتله من تريدين اطلعين خابرني يحلو
أفين:سيارته مضلله وباسني من شفتي ابتسمت ونزلت لكيت حسين وشلتي يم لباب ينتضروني نداريت شفت مصطفى منزلز الجامه وصافن عليه اشرتله بيدي بيباي وهوا هم اشرلي دخلت يله راح مر اليوم ضحك وتحشيش ومتحانات اخر محاضره مدخلنه ضلينه كاعدين نسولف شويه وطلعو لطلاب كلهم دخل مصطفى للكليه شفته من بعيد جان جاي هوا وصكر وعلي وكرار ولابسين عسكري اباع لبنات لي بل كليه يتلوكن الهم واكلوهم اكل بعيونهم شويه واجوي يمنه اخواني اخذو زوجاتهم واني لزمني مصطفى من ايدي وطلعنه اباع عليهن ماتن ماتن ومصطفى لازمني من ايدي ويسولف ويضحك ويايه صعدنه بل سياره ولطريق كله نغني اني ويا وصلنه للبيت وعادي مر شهرين نفس الايام عادي مصار شي اجوي بيت عم مصطفى ومريم اعتذرت مني بس مكدرت اسامحها لين موتت ابني وكتلهم ماكدر اسامحها فديوم واكفه كدام المرايه شفت نفسي سمنانه حسبت صارلها هوايه فايتتني دخل مصطفى وحضني من ورا وراسه بركبتي كتله مو سمنانه اني
مصطفى:انتي بكل حالاتج حلوا واحبج
أفين:اممم واني هم احبك بس اريد احلل لين اشك حامل
مصطفى:حاملللل ولله اخيررررا حتجي اخت ايلاف
أفين:اوكف اوكف مادري حامل او لا بس شاكه نفس اليوم اخذني مصطفى وحللت وصدك طلعت حامل ومصطفى يغني ويركص ويطك اصبعتين عبالك اول مره يجي طفل مرت الايام والاشهر وجبت ولد مو بنيه ومصطفى يكول شوكت تجيني بنيه عاد سما علي الاكبر وكتله بعد ماكو ماريد اطفال صارو 4زين ولله
مصطفى:لالالا ماكو هيج حجي بس يكبرون شويه ونجيب اخت ايلاف مثلج انتي بنيه ع 4ولد كاعد ويكولي انتو خلفتكم ولد واني اريد بنات يشبهوج حبي المصطفى يزيد ومينقص وهوا هم تخرجت من كليتي وصرت دكتوره عامه وكل خميس وجمعه وسبت نلتم كلنه بيت اهلي حتى سيدار وجنار ورهف وجيلان ها صدك نسيت ولد عم مصطفى غيث وليث خطبو رهف وجيلان غيث حب جيلان من اول مره شافها ورهف حبها ليث ونخطبو وصار عرسهم يجنن ونهايه كل اسبوا ننجمع بيت اهلي ومرات بيتي يعني بيت اعيالي مصطفى غيرته ازيد ومتقل وعشنه احله حياة صح بيها مشاكل بس نكدر نتغلب عليها واهمشي حبيبي وحياتي وعمري مصطفى يمي وميفاركني لحضه وحده وعمره مزعلني حتى لو اني غلطانه يجي يصالحني واني هم نفس الشي وها نسيت مصطفى ترقه وصار رائد وصكر اخويه صار مقدم وعلي هم صار رائد وكرار صار نقيب وحسوني ازوج جهان وصار عرسهم يجنن وزادت مسؤلياتهم كلش بس مأثر علينه اني ومصطفى ومن يروح خفر يدك عليه ويضل يحجي ويايه للصبح لحد مانام يله يروح تعلمت عليه احبه بشكل جنوني عشكي سياده لنقيب صار كل حياتي هذا لنقيب لمخبل لي لكل تهابي وتخاف منه ومن يمشي يهز لكاع يمي وبحضني يرجع طفل اذا اتمرض يوكف استعداد وكبرنه وكبر حبنه وخبالنه ويانه
مصطفى:ولج أفين وينج عاد 
أفين:حبيبي بس امسح لمطبخ واجي
مصطفى:ماكو تعالي شالتها وصعدت فوك ووووو عشت ويا أفين احلى ايامي حبي الها يزيد ومينقص هاي لبنيه لمخبله لطفله لي من شفتها السانها اطول منها  هسه بس اعيط لو اخزرها تكست وتخنس عشكتها الهاي لبنيه حبيتها من اول مره شفتها بيها ومن تضحك ومن تعصب وتفتح عيونها ع وسعهن انتهي واذوب من اشوفها ومن اشوفها تبجي اتخبل وماشوف دربي منين هيه هاي حياتي ام جهالي هيه صح خبله بس حبيتها وعشكتها هيه وخبالها
أفين:يعنيي اني هسه مخبله مو روح بعد ماحجي وياك زعلت
مصطفى:ايي خبله خبلتي اني وحدي مالتي كلج الي وبسمي
أفين:برطمت لا اني مخبله روح نام بحدك اني حنام يم خاله
مصطفى:لا والله شو دتعالي جريتها وووووووو
النهايه😌🙂ختمت القصه بعد معانات وبجي تعودت ع أفين ومصطفى كلش ولله هيج حبيتهم كلش وللله تمنيت طول عمري اكتب بيها بس هيه هيج نختمت
نشالله تكون عجبتكم لقصه