النقيب والطفله

Part17

صكر:نجبي وين جنت ساحل نفسي عليها
أفين:احم بده لكذب لتخاف ترا متطلكون لين بعدكم ممخطوبين 😒هيج خايف ع مشاعرها تنجرح المهم علي تاخذني ازور وارجع اني وياك
علي: تمامم حب يله اخذج بسرعه بدلي
صكر: اجي وياكم ازور
أفين:لا منريد نندل نروح حمبي خليك تكذب هنا
صكر:أفين ترا حتنكتلين هل مره مني
أفين:المهم لتجي بعد خيتك نروح بس اني وتجايتي وعامودي لفقري مو علوش
علي:يا بعد كلهن انتي ولج بس صكر مكال شي بل عكس كلنه ندري بي يحبج ويخاف عليج
ريان:هاي شبيج أفين هيج زعلتي ترا بعد مصاير شي وانتي هيج من يصير شلون
أفين:اكلج حب لتدخلين بعد كلبي اني واخواني دنفض عركه علمود جنتنه المستقبليه 🌚
صكر:أفييييين احجي عدل لا كسر راسج عيب هل حجي
أفين:عفته وصعدت ابدل فوك مادري شبيه اني مصطفى غلط اني داعاقب اخته هيه شعليها بدلت وخلصت ونزلت لكيتهم يتعاركون جوا كتلهم يخوااان احم هدوء رجائن باعو اني هل ايام مشاعري معوقه وانفصام بل شخصيه والمشاعر فا اتحملوني لج ريان خانم مو ازعلين ترا ازعل اني عليج😂
ريان:😂😂لا مازعل لين لي دتمرين بي دامر بي حاليا
أفين:المهم لزعلين مني زين اصافينه اني وريان وطلع صكر بوجه المصخم اجه ديبوسني عفته ورحت ويا علي حسيت من هسه راح صكر صار يمشي بكلام لنسوان
صكر:اكلكم شو أفين عافتني الي واعتذرت من ريان شنو هاي احس كرامتي اطشرت
الكل: 😂😂😂
مصطفى:بس أفين دواك بالله اكلك امشي نطلع مخنوك كلش
ام مصطفى:خنكك لحمزه كون هاي لين محاجي ويا فطوم يمكن تحسها جرعه مال دوا مو يمه
مصطفى:يماا ولله مفتهمه الموضوع غلط بل نبي
ام مصطفى:احجيي يما،ماكو احد غريب مخلف منها
مصطفى:ايييي عندي 6ولد وبنيه منها 🤦‍♀️
ام مصطفى:اخخخ يمهااا شنو ولك مزوجها عرفي خرب نهجم بيتج فطوم لبستي الرجال 6 ولد وبنيه
صكر:رحمه للكعبه شنو السالفه ست ولد اشاد رحمه للحمزه محرك صيني دخيلك يل كاضم
مصطفى:يابه كذب والله ياناس كذب والله كذب جان عدنه تفتيش ورحنه ولك مو انت جنت ويايه بيومها
صكر:اييي حجيه بس هيه اشلون فطوم صدقه للخالق شايله جماللل خربب يبووو مهزومه من الجنه
رزان:نجبب ولك عيب تحجي ع عرض لعالم
صكر:ياناس ياعالم راح اصير مقدم وامي تغلط عليه دحطي لرتبه كدامج يا امي
مصطفى:😂حبيبي احنه لو نصير وزراء تجي امهاتنه يركضن ورانه بل ماسحات اذا سوينه شي غلط
ام مصطفى:شفتو لكتل وين وصلكم لهل مرحله صرتو تفتخرون برتبكم
مصطفى:صكر تجي لو اروح الفطوم مشتاقلها كلش وغمزتلهم
ام مصطفى:بلكت تلكاها محروكه لست فطوم هسه تطلع جنه تشبه البومه وخشمها شطوله جنه منكار
ريان:عزززا وشمدريج يوم خشمها جنه خشم المنكار بس حلوا باقي تفاصيلها حلوا كلش بس احنه احله منها طبعا
ام مصطفى:اكلك مصطفى خلي نفتح موضوع الخطوبه هسه
مصطفى:براحتج حجيه الي اشوفي
ام مصطفى:عيني الله بل خير عليكم احنه نريد نطلب ايد بتكم أفونه الابني مصطفى ع سنه الله ورسوله
مهند:والله يا ام مصطفى مصطفى خوش ولد واحنه نعرفه عز المعرفه واحنه صرنه اهل بعد بس خلي نشوف خوانها ونشالله باجر نردلكم خبر
ام مصطفى:على بركه الله ننتضركم
رزان:انشاء الله ام مصطفى
صكر:يلهه امشينه نطلع مليت واريد اشتري هديه الأفين لين زعلت
رزان:صكر مجان اكو داعي هيج تعيط عليها ترا اختك صارت جبيره
حسين:زين هيه صارت جبيره بس عقلها مال زعاطيط عراك وصياح وعياط
مهند:شوفو يابه ترا أفين يعيني طفله وهيه غير تلعب وتهوس بجال اخوتها وباجر عكبه اني وامكم نروح يبقى بس هيه يمكم واعرفكم راح تخافون عليها وتحافضون عليها مثل عيونكم فا خلوها اصلا هيه محليه بيتنه
صكر:يابه اسم الله عليكم حجي بعينه نخليها ادري هيه زعلت لين عطت بيها هسه من ترجع اصالحها
مهند:عفيه وليدي ربي يحفضكم ويخليكم سند الها
أفين:طلعت من لبيت اني وعلي لطريق كله علي يمشي كدامي ومن يشوف ولد يرجع يمشي يمي وصلنه للامام علي:أفونه اني هنا حوكفلج انتي دخلي زوري وخلصي وابقي شكد متريدين واذا ضعتي تندلين لبيت مو
أفين:اي اندله علي بس نشالله ماضيع دخلت للامام زرت وضليت كاعده هم بجيت ع تصرف صكر ولين عيط عليه علمود ريان صح صالحتها وهاي بس بقا بكلبي لين اخويه يعيط عليه واني مسويت شي غلط بجيت واذكرت تصرف مصطفى هم بجيت كلش وصليت هناك وضليت كاعده شويه وطلعت لكيت علي خطيه منتضرني برا طلعت
علي:ها أفونه زياره مقبوله حبيبتي
أفين:شكرا علوش رحنه للبيت لكيت ماكو احد كلها نايمه كتله اكلك تجي نلعب بلي ملل
علي:تمامم لعد اني حشكل لبلي وانتي روحي لغرفتي اكو حبشكلات جيبيهن نزلي
أفين:اخ افه عليك ضامه بغرفتك من ثول دنزله النه ناكل شكد ابو فليس
علي:دولي جيبي وتعالي يله
أفين:ولواله بعينك كون حروح رحت لغرفته جبت لشغلات ونزلتي جوا خلينه مخاد وكعدنه عليهن نلعب طوبه بل بلي
علي:لججج بس كول واحد بس واحد لج بعدنه بأول كيم وانتي عابرتني ب كولين
أفين:يله يله لتبجي روح كول وصل يم لكول جان اخذ لطوبه منه وهوا يعيط
علي:لججج كذابه مخادعه مو كلتي روح كول ليش اخذتيها مني ها
أفين:والله مالي واهس  اخليك تكول بعدين اذا كول بل غش ماله طعم جيبه بعرق جبينك يله يا نقيب علي😛😛
علي:صارر أفين خانم صارر هسه اشوفج لعب الي ع اصوله ضليت العب بس هيه اقوه مني بل لعبه بس كدرت اكول عليها كتلهاا هاااا هيييي كولت 😛
أفين:خرببب يمااا حموت ضحك عليك ولك اني ساحلتك6وانت1بس وفرحان نيالي بعدين انت غشيت من وصلت لحد لمرمى مالتي ضليت تحجي ويايه ومتخليني اركز وكولت يعني انت غشاش
علي:ولي لج اني مغشيت جبتها بزودي زين وانتي مكدرتي تاخذين لطوبه
أفين:ولكك انت غشيت غشيت وبعدين شايف هاي لنمله لفرحانه بزحليكتها ع راس واحد اصلع انت نفس لشي
علي:يعني انتي صلعه ويععععع ويع صلوعه
أفين:لتفرح وهوايه وانت نمله ولنمله نوع من انواع لحشران ولحيوانات بس شاهد الله الحيوانات لاليفه
علي:ولج يعني قصدج اني حيوان يا صلعه تعالي ليوم شيخلصج
أفين:اننننن حشره وكمت اركض وهوا يركض ورايه لحد مشالني وضل يدغدغ بيه واني ميته ضحك دخل صكر هوا ومصطفى اني من شفتهم كتله اني رايحه علي تصبح ع خير
صكر:أفين اوكفي ترا مجان قصدي اعيط عليج
أفين:عفته يحجي وصعدت فوك لين ماسامحه يولي
علي:صكر انت غلط عطت بيها تدري من طلعت من الامام عيونها حمره من لبجي ليش هيج عطت بيها
صكر:كلت مو قصدي ولله بعدين اني احبها لو نسيت
علي:المهم اكلك مصطفى صدك مثل مكلت مدامت علاقتنه اني وأفين لين رجعنه ريه وسكينه من ورا لبلي 😂
مصطفى:ايي مو ادري بيكم مشالله 😂
علي:ضلينه نسولف بعدين كل واحد راح لغرفته
أفين:صعدت قفلت باب غرفتي ونمت رأسا لين ميته نعس وراها ثاني يوم نزلت لكيت بابا واخواني كاعدين
صباح لخيررررر انيي كعدت يا قوم لوط
الكل:صباح لنور😂
أفين:ايي شهل لمه لحلوا شكو اكيد اكو فاتحه لين انتو متلتمون له بل فواتح لو بل لعبه لعراق كول شنو ديلعبون اسود لرافدين
علي:دنجبي نجبي اسود لرافدين بعدهم حتى ممتريكين شلون يلعبون
… ..يتبععععع