كل يوم الساعة ٩ بليل بيبقي الميعاد السخيف اللي عقلك حفظه من أيام الطفولة ، ميعاد النوم ، واللي كان دايماً مرتبط بغسل سنانك .. لكن فاكر السؤال اللي كان دايماً- أو عالأقل لحظات-بيشغل تفكيرك وهو ازاي ألوان المعجون مش بتختلط؟
في الأول معجون الأسنان ده سائل لزج جداً لدرجة إنه بيبان صلب لو مضغطتش عليه .
تعالى بقى نعرف الحدوتة ..
•معظم المعاجين ( جمع معجون أه🙂) مش بتبقى بلونين داخل الأنبوبة ، بالعكس دي بتبقى لون واحد واللون التاني بيبقى صبغة موجودة على الأنبوبة الاسطوانية الصغيرة البارزة ،وبالتالي كل أما أضغط على الأنبوبة هيخرج المعجون -أبو لون واحد- وتبدأ تتطبع عليه الصبغة لما يعدي في الاسطوانة الصغيرة.. وبكده يخرج المعجون على هيئة لونين متناسقين .
•أما في أنواع بتبقى أصلاً عبارة عن لونين جوا الأنبوبة ، والسر وراء عدم اختلاطهما هو إن المعجون لزج جداً
من الأخطاء الشائعة اللي انتشرت على النت هي ربط مكونات المعجون باللون الظاهر في أسفل الأنبوبة ، فاعتقد البعض أن :
الاسود يعني ان المعجون مصنوع من مواد كيميائية✖
الاحمر يعني ان المعجون مصنوع من مواد كيميائية ممزوجة بمواد طبيعية.✖
الازرق يعني ان المعجون مصنوع من مواد طبيعية ممزوجة مع مواد طبية.✖
الاخضر يعنيان المعجون مصنوع من مواد طبيعية.✖
وجود الألوان دي وغيرها من الألوان ليه علاقة بالآلات اللي بتشتغل بالمستشعرات الضوئية.
#بوحسنيات
المصادر:
https://mz-mz.net/1134/
https://www.healthline.com/health/toothpaste-color-code#toothpaste-color-codes
