من الكتب الجميلة والخفيفة اللي عيني وقعت عليها هي معجزة الذرة لهارون يحيى.
بيتكلم عن بدائيات يجب علينا أن نعرفها سواء مجالنا متصل بالجسيمات دون الذرية أو لا .
والكتاب مقسم لعدة فصول ، تعالى نمسك فصل فصل
الفصل الأول :بيتكلم عن نشأة الكون وبدأ يوضح أهم الفرضيات اللي حاولت تفسر نشأة الكون ومنها " الكون الاستاتيكي" واللي زعم صحابها إن الكون ليس له بداية ولا نهاية وكانت متوافقة تماماً مع اراء الماديين ، بينما الفرضية التانية كانت "الانفجار العظيم " وهي إن الكون بدأ من جسم صغير كتلته كبيرة جداً وحجمه منعدم ، فأصبح اسمه "العدم" ومن هنا بدأ يقول المشاهدات اللي هتزعم بصحة فرضية عن آخري ، ومن هنا بدأ يناقش نشأة الكون من المعلومات المتاحة اللي عندنا .
وفي نهاية الفصل ذكر أهم القوى في الكون ومجال تطبيقهم في الكون
الفصل الثاني : تعمقنا شوية وتخطينا حاجز الذرة ونعرف مكوناتها من فراغ والكترونات ونواة ، وكمان شويه مسكنا النواة وعرفنا مكوناتها وبعدين عرفنا مكونات مكوناتها ونقف عند آخر جزء عرفنا نوصله
بعدين سأل سؤال "اي سر التنوع " وبدأ يناقش الموضوع بمنتهى السهولة
بعدين مسك الالكترونات واتكلم عن اهميتها وحركتها وحالتها لحد ما يختم الموضوع بالحديث عن الألوان
الفصل التالت : يبدأ بيه بموضوع الترابطات الكيميائية وأشهرها وبعدين يشرح سر تميز كل جزئ عن التاني بالرغم من انهم ممكن يكونوا من نفس الذرات !
بعدين يدخل على ذرة الكربون وأهميتها للكون وسبب كثرة جزيئاتها ودخولها في مركبات كتيرة جدا جدا .
يخلص من ده ويخش على أهم جزئ في الكون وهو الماء ؛ يبدأ يوصفه كيميائيا وليه مش بيتكوْن بالرغم من وجود ذراته في الهواء وبعدين يدخل علي خواصه الفيزيائية اللي بتكون عادة مختلفة عن باقي العناصر زي التمدد في انخفاض الحرارة والانكماش في ارتفاع الحرارة ، وسر إن الثلج بيطفو على الماء
وليه بيخالف الخواص الفيزيائية المتوقعة ليه
بعدين يعقد مقارنة خفيفة بين الأوزون وجزئ الاكسجين وازاي ده ممكن يتحول لده وبدأ يقول أهمية الأوزون في الكون بالرغم من إنه غاز سام كريه الرائحة
وختم الفصل ده ب عدة أسئلة جاوب عليها زي "ليه بنشم" "ليه بنلمس" " ليه بنشوف " .
الفصل الرابع : خصص الفصل الرابع ده لمواجهة الماديين والملحدين ومؤيدي نظرية التطور زي الببغاء دون تفكير ، دون تفكير كيف تستطيع المادة الغير حية من تلقاء نفسها أن تصبح حية؟ دون أي تدخل ، منكرين قدرة الله تعالى
الفصل الخامس : اقتصر الفصل ده على الطاقة النووية الناتجة من التفاعلات النووية من الانشطار والاندماج وضررها على البشرية وآلية عملها .
ويجعل الخاتمة سلاحه في القضاء على نظرية التطور والمؤمنين بها ، وبدأ يتمعن ويحارب كل جزء جوهري في النظرية
من الحاجات اللي عجبتني في الكتاب:
•تنظيم الكتاب وتنسيقه وإدراج بعض الصور لتسهيل الشرح
•كل فكرة يطرحها أو يهاجمها ، لازم يذكر فضل الله تعالى علينا وعلى الكون المنسق المنظم .
رابط الكتاب:
https://zoom-teach.blogspot.com/2018/01/The-miracle-of-corn-pdf.html?m=1
