هلا بنات
اللي تريد البداية مال القصة فتلكاهة بهذة الحساب
صكر.....كعدت فرح وصارت تمدد جسمهة بحضني أحس جمرت عليهة كوة صبرت روحي هية فتحت عيونهة شافتني وفجأة الدموع اتجمعت بعيونهة وصارت تضرب وتدفع بصدري ما منتهى وخليتهة علة راحتهة كامت من حضني وطلعت من الغرفة وإني كمت طبيت للحمام وطلعت لبست ملابسي وطلعت للدوام
فرح.....كعدت اليوم ومن فتحت عيوني ولكيت نفسي بحضن صكر اذكرت لمن ضربني أحس نار وشلتهة بداخلي فقدت وصرت اضرب علة صدرة وطلعت من الغرفة ورحت طبيت لغرفة ريم كعدت علة الجرباية وابجي شافتني ريم جانت ستوهة كاعدة وطالعة من الحمام
ريم...ولج شكو شبيج ليش تبجي
فرح.....ريم مدا اكدر انسة اللي صار اليوم كعدت لكيت نفسي بحضنة وراسة اذكرت لمن ضربني شلون بية مدا انسة اللي صار
ريم وهية تحضنهة. ...اهدي حبيبتي احنة مو بأجر رايحين للإمام اهناك اشكيلة وادعي واللي بي صالح يصير والله
فرح.....إنشاء الله ريم
بعدين صفنت وكلت
صايرة خيرة وتعرفين الإمام
ريم....لعد شكالولج عني كافرة ملحدة
فرح....لا بس كلت يعني البارحة منو اللي اجاني طاير بالسمة من بوسة عمار
ريم وهية تضربهة بالمخدة. .. انجبي مو كلنة متنعاد وهية مرة وحدة وصارت
فرح.....ديلة كافي امشي ننزل ترة هسة كعدو ويردون ريوك ومامة وحدهة
ريم....أوي الحنون مامة وحدهة نازلين يلة امشي
فرح.....نزلنة لكيت الكل كاعدين ستوهة ما عدا صكر بالدوام طبعا هاي الفترة جانت ملاك لو تنام يمي لو يم مامة وعمي لكيت مامة بالمطبخ رحنة وكفنة وياهة وحضرنة الريوك كملنة وشلنة الماعين وغسلناهن طبعا البارحة جان التنظيف علية فليوم علة ريم والمطبخ علية ريم راحت تنضف وإني أخذت البانية اقلمهة صارت لمة بالمطبخ اني وعمتي ونسر وحسام وعصام يسولفون وهناك اجت ريم تنضف الأرضية مال المطبخ وحجت
ريم. ..يمة اليوم خل نطلع نشتري ملابس طوال لأن اذا صكر لمح ملابسنة مو مستورة لو مو طوال يخرب الطلعة كلهة
نسر....لا يمعودة أمشن اشترن كلشي ولا الدياحة تخرب غير تموع روحي
عصام.....أي والله من زمان مطالعين وصكر لو لكة أقل خطاء ما عندة مانع يلغي كولشي لأن مسويهة قبل
الأم. ...لا إنشاء الله احاجي أبوك وصكر ونطلع العصر واشترين التردنة
ريم....أي والله يمة الف رحمة علة والديج
فرح....شكرا مامة شكرا ياااااااي (تدرون بالبنية تخرب علة الملابس والطلعة والإكسسوارات 😂😂)
نسر.....عمي وإني اتبرع واخذجن هم
ريم....كلة علمود الطلعة أبو حلك
نسر....جا شعدنة غير الطلعة غير هية العافية
فرح....مرت الصبحية بين الشغل وبين سوالف نسر والولد وعمتي كملت شغل وصارت تقريبا بالوحدة الضهر صبينة غدة وتغدينة كملنة وصكر عزلتلة أكل لأن يجي قريب التلاثة الضهر وسويت جاي وانطيتهة وعمتي حجت
الأم. ..اكول أبو صكر اليوم أريد أخذ البنات واطلع اشتريت ملابس طوال السفرة لأن تدري بصكر مبقل الة ملابس طوال
الأب...أي اخذيهن وخل يروح واحد من الولد وياكم
نسر....أي بوية انة اروح لأن محتاج غراض
ريم...ها أبو حلك عساس اتبرع واخذجن طلع عندة غراض يريد يشتريهن😠
نسر....هسة مو زين
فرح.....وافق عمي نطلع وصكر اجة من الدوام وصبتلة ريم غدة وكالتلة ووافق نطلع وراهة اطشرنة بغرفنة وإني أخذت ملاك يمي رحنة اني وريم شفنة عبينة لا وسخة وحضرنة ملابسنة وحضرت لملاك شوية وصكر صاحلي رحت للغرفة وبيدي ملاك طبيت لكيتة متمدد وايدة علة عيونة
فرح...احم احم
صكر....ها بوية اجيتي شلونج اليوم
فرح...زينة الحمد الله
صكر....جيبي شو ملاك
فرح...انطيتهيا ضل يبوس بيهة وهية اضوج من شواربة بس ميبطل عنهة
صكر....هسة هم امج متقبل نتقربلهة وهم انتي اضوجين ابوسج
فرح....اني طالعة
صكر....لا اوكفي بوية هاج ذني الفلوس اشتري التحتاجي واذا عوزتي اخذي من امي وتعاي كليلي
فرح....بالبداية ضليت صافنة بعدين اخذتهن منة وشكرتة
فرح....شكرا صكر
صكر....اوووف يروح صكر واهلة...حجة وكام وكف يمهة بينما فرح صارت تتراجع ليورة لحد ما حصرهة بالحايط وبينة. ... شوكت تحسين علية ترة متت
فرح....صكر وخر أريد اطلع
صكر....لا اليوم ماوخر لحد متكليلي شوكت ترجعيلي
فرح.....ماعرف لحد ما انسة اللي صار
صكر....خرب باللي صار كلة مو كلتلج اني مجنت ادري ياروحي وعصبت واذيتج واعتذرت واكرر انة آسف يروحي والله آسف رويحتي بس ارجعي بحضني
فرح...انطيني وقت مو بسهولة انسة
صكر....أي ميخالف انطيج وقت بس مو اضلين بعيدة عني ومتحاجيني ولج اموت اذا ما اسمع صوتج
فرح....ميخالف وهسة أريد اطلع شوية بس
صكر....أي اطلعين ليش مستعجلة بس أخذ تصبيرة منا لمن تنزل رحمة الله
فرح.....عاينت لعيونة ونضرة الخبث واضحة بيهن عرفت شيقصد اجيت افلت منة بس هوة كمشني بسرعة وحصرني علة الحايط بجسمة وملاك جانت علة الجرباية تلعب بفونة تقرب وشفايفة صارت اطخهة شفايفي وانفاسنة صارت سوة أحس وجهي جمر وصار حار صار يتقرب ابطئ ويبوس بوسات متفرقة ويحجي
(طبعا النقاط تعني البوسة)
صكر....احبج....واموت بكلشي بيج....بس لضلين ضايجة مني....اعرف اذيتج. ....واعرف انتي.... مقهورة مني....بس والله جانت لحضة عصبية
بعد وهوة يعاين لعيونة
فرح...وهية متخدرة وبصوت كوة يطلع منهة....اعرف صكر خلي اروح
صكر....لا ستونة بدينة هاي جانت مقبلات بس
فرح...لا شنو ستونة بدينة لاز....
قاطعهة وهوة يلتهم شفايفهة اللي صارن بين سنونة يعض العليا بستمتاع ويمتصهة وهوة يأن بصوت رجولي متخدر ويرجع السفلى يتفنن بيهة وايدة لتفت علة خصرهة بتملك والثانية علة خدهة
ضل مستمر ابوستة اللي هية عبارة عن رومانسية وقسوة يعبر بيهة عن شوكة الهة لحد ما حس بضربات قبضتهة الضعيفة علة صدرة ابتعد وهوة يشوفهة تأخذ نفس قوي بشهكة
صكر....اوووف مو شفايف كول عسل وينزل بحلكي
فرح وهية تدفع عنهة بغضب.... شسويت انتة مو كلت انطيج وقت وما تتقربلي
صكر..شسوي انة رجال والي رغبتي ومن اشوف هيج لعبة واكفة كدامي شسوي برايج.....ويعض شفتة ويعاين علة وركهة....
فرح.....انطيني ملاك ارد اروح يا منحرف
صكر.....مرتي وبكيفي هوى اللي يضوك هيج مخدرات طبعا يصير منحرف وملاك خليهة يمي هسة
فرح.....ماشي
طلعت وإني ايدي علة حلكي البارحة احجي علة ريم وإني هسة انكس منهة😶 رحت للغرفة وريم استلمتني حجي صارت تقريبا بالخمسة العصر كمنة بدلنة وريم راحت تكعد نسر من النوم ورحت اني لصكر أخذ ملاك وياية
طبيت لكيتهم نايمين وملاك بحضن ابوهة شابكة ركبتة بأديهة الصغار ونايمة وهوة هم نايم
منضر لايقاوم مدري منين اجتني الجرئة ورحت تقربت يمهم ونمت علة الجرباية علة كيف ليحس صكر تقربت من ملاك بستهة بخدهة وصكر صارت انفاسة علة خدي وشفايفة اطخهة بس اتحرك اتأملت ملامحة يربي شكد حلو هوة ونايم حواجبة كول سيوف علة عيونة وشفتة الفوك نازلة عليهة شوية من شواربة اتخدرت من المنضر وبلحظة وحدة نسيت كلشي بينة وتقربت وطبكت شفايفي علة شفايفة وبستة وطولت بالبوسة نسيت زعلي منة ونست ملاك النايمة بنصنة ونسيت كلشي ابتعدت وفجأة حجة
صكر...هسة منو المنحرف 😎 ياعسل
فرح...عزززززززة 😱 كاعد من الخجل شلت ملاك هية ونايمة وطفرت من فوكا وطلعت من الغرفة😂صرت جاكي شان😂😂
رحت وحجيت لريم شبعت ضحك علية الثورة
اخذتهة لملاك غسلتلهة وشربتهة ممة وبدلتلهة تكرمون الحفاظة وملابسهة ونزلت لكيت صكر واكف يم عمي من عاينلي غمز وحجة
صكر....بوية اليوم لو تدري شصار
فرح...يممممة 😱متت بمكاني بس لا يحجي شي ادري بي ميستحي ويحجي كلشي
الأب. ..شصار بوية
صكر....ألقيت القبض علة مجرم خطر ...وهوة يعاين لفرح بمكر....
الأب وهوة افتهم السالفة ضحك وحجة....أي زين سويت بوية
فرح.....يبو يبو يبو عمي ضحك يعني درة وافتهم باللي صار😳 انداريت وسويت روحي ملتهية بشي نزل نسر وطلعنة وصكر طلع ويانة وكال
صكر....نسر بعد ماوصيك بعد اخوك دير بالك علة البنات وأمي ولتعوفهن
نسر....لا لتوصي حريص اخليهم بعيوني
صكر...أي عفية عليك ولتتاخرون انة رايح لصديقي عمار عندي شغل ويا
الكل. ...الله وياك
فرح....رحنة للسوك واشترينة قمصان طوال كل وحدة أخذت ثنين طبعا صكر اطاني يمكن 250 الي ولملاك ووصة عمتي متصرف منهة وكوة قنعت واشترينة شالات وياهن وبناطير عدنة اشترينة امكانهن اكسسوارات بسيطة ومعطرات واشتريت لملاك قريب الأربع قوط مال أطفال للطلعة وعجبني ثوب سباحة أطفالي اذكرت من كال صكر اوديكم لشط الكوفة
يصير متكون من ذني👈👙😂بس اطفاليات وردي ههههههههههههه وملابس بيت وبقى عندي هم تقريبا 150 من الفلوس معما اشتريت كومة أشياء لملاك من ملابس البيت والطلعة والالعاب وحتة الداخليات والإكسسوارات الاطفالية
ونسر هم اشترة اللي يريدة ورجعنة بحدود التسعة بالليل اخذنة لفات بالطريق ورجعنة لأن بعد ما بينة حيل انسوي عشة واحنة متأخرين
طبيت ولكيت صكر كاعد ومبين ضايج بس محجة لأن اتأخرنة
المهم كعدنة اكلنة لفات وكملنة كلشي واحنة من الضهر محضر أكل بالطريق لباجر دولمة وكباب بس انكلي الصبح وكومة أشياء حتة جباسة ونساتل طبعا بفضل نسر هوة الجابهن وحضرت جنطة صغيرة بيهة ملابس الي ولملاك وصكر هم لأن نبقة يومين واتفقنا وية بيت عمار بأجر بالسبعة نطلع أما بالنسبة لريم فخابرهة مرة وحدة وهسة هم خابرهة وحجيهة ويا مال عاشقة مؤدبة بس هوة علة كولتهة حجية ادبسز شوية😂😂
نمنة ووقتنة التلفون وية الصلا مال الفجر علمود نصلي ونحضر الأكل
دك المنبه بالاربعة كوة كمنة نطوطح منا ومنا 😂 غسلنة وصلينة ونزلنة نحضر الأكل كلينة الكباب والبورك وكلشي مشاء الله مامة مسوية اكل مال عشيرة كملنة بالخمسة ونص صعدت طبيت للحمام اسبح وطلعت طبعا الولد بهل الأثناء كعدو وعلة صوت الهوة ملاك هم كعدت بدلت وهية ضلت صافنة علية ومبرطمة عبالهة اعوف هى واروح اجيت شلتهة وبدلتلهة وهية من بدلت كضتهة تكركر بس تضحك وضحكتهة مثل ضحكة ابوهة شربتهة الممة وطلعنة طبعا بسيارة كوستر اجرهة صكر علمود احنة وبيت أبو عماد بيهة سوية لنفترق كلمن بسيارة طبعا واللي يسوق صكر لو عماد ومرات حسام طلعنة ورحنة لبيت أبو عماد وصعدو طبعا همة متكونين من الأم والأب وعماد واخو بكد نسر تقريبا اسمه حيدر وعدهم بنية اسمهة حنين بعمرنة تقريبا راحت للسادس علمي وبنية بالثالث متوسط اسمهة رقية ووحدة راحت للرابع ادبي اسمهة نور صعدوا والتمينة احنة البنات كليتنة ليورة والشباب ليكدام وملاك نامت من دوخة السيارة وإني بلعت حباية فمسيطرة ومدايخة والطريق كلة كضينا سوالف وضحك وتحشيش وأكل شكو حب وشكو نساتل وبيت أبو عماد هم جايبين كومة أكل وياهم ذكروني بمامة من جنة نطلع تسوي كومة أكل بالسفرات اووف مشتاقتلهم والله هواي
أما بالنسبة للعشاق ريم وعماد ضلو يسرقون النضرات ونسر حط عينة علة نور وعصام كلسا يبتسم بوجه حنين وحسام يسرق نضرات لرقية مثل عماد خرب موتوني ضحك الحب من أول نضرة كلمن لكالة وحدة وذني انكلبن طماطة ههههههههههههه انوب من حجت ريم يلة افتهمت طلعو الإخوان عدهم اسبقيات وكلهم يعرفون بعض😎وذولة هيج يبتسمون أما صكر فجان اضبطهم كلسا يجي بحجة ملاك يبوسهة ويمد ايدة لو علة خصري لو يضل يتغزلبصوت ناصي والكل انتبه جمالة انوب أم عماد زيدت الطين بلة من كالت
أم عماد....يمة صكر دكافي عاد كلسا رايح لبنتك شنو بهل سرعة اشتاقيتلهة كلة صار ساعتين من مشت السيارة
صكر.....شسوي خالة اجيت دا اشوف بنتي العسل والله
أم عماد.....بنتك لو مرتك خالة صكر
صكر....والله ثنيناتهن غير اخاف عليهن مريتي وبنتي😍
أم صكر.....والله احس ابني رايح لمريتة موش لبنتة
صكر....هسة مرتي وأريد احاجيهة
عماد.....أي بس انتة نايم بالعسل....بهمس لصكر.....
صكر....خاب ماتنجب انتة اللاخ ياعسل مدكلي كوة احجي وياهة وترد علية ويكلي عسل
عماد....عمي البنية حكهة
صكر....أي والله حكهة بس شسوي ياخوي ساعة شيطان وهية مدتقبل تفكهة وترجع تمرمرت والله
عماد....دكول يالله وإنشاء الله اطلبهة من الإمام ومايردك (هم صار خيير الاخ😂)
صكر....إنشاء الله
أبو عماد....انتبهولي شوي ياجماعة انة ارد اقوي علاقتي باخوي وعضيدي واقوي علاقت العائلتين انة ناوي اناسبكم ياخوي وأخذ بيتكم لبني عماد
الأب ....علة راسي أبو عماد أشرف بيك وباصلك
أبو عماد....يسلم راسك ياخوي شكلت
الأب.....والله ياخوي كدامك كبع واخذ (طبعا الأب حجة وهوة يدري رد صكر واخوتة مسبقا)
أبو عماد....رحمة والديك بس انة حاب أسأل البنية هم بوية ريم الله شاهد انتي مثل بنتي وتبقين هيج حتة لو رفضتي شتكولين يابوية
ريم....لا رد😶😶
أم عماد....عيني السكوت علامة الرضى هاي هية البنية موافقة
أبو عماد....لعد على بركة الله نقرة الفاتحة
أبو صكر....ياخوي قبل منقرة فاتحت عماد وريم انة رايد بناتك تلاثتهن لولدي نسر وحسام وعصام(طبعا الولد حاجين لاهلهم بهذة الشي وانو همة يردون البنات) شكلت
أبو عماد.....والله مستحيل اردك ياخوي واخلي فرحتة بوليداتنة تخرب ومثل حجايتك كبع واخذ......يتبع
بنات آسفة علة التأخير لضرورة ما اكدر احجيهة حاليا وموعد التنزيل راح يكون كل عشر ايام اعذروني بسبب ضروفي كل مرة من حساب ادزلكم متابعة منة لأن الجهاز ديفرنت كل أربعة وعشرين ساعة واسفة علة الأخطاء الإملائية
احبكمممممم😻😻😻😻😻
