صكر.....طلعنة من المركز وإني اول سيارة تمشي وعصام وعمار وراية أسوق وأحس الطريق صار شطولة أحس كلبي جمر وإني أتخيل صدك ميتة لو مأذيهة ااااااااااه يافرح
وصلنة للمكان اللي هوة عبارة عن بستان مهجور والمنطقة اصلا كلهة بساتين ومحد بيهة لمحت بنص البستان غرفتين اشرتلهم بسرعة يلحكوني طبيت للبستان وبيدي سلاحي وعلة السريع ركضت للغرفة وسمعت صوت صياح وفجأة انكطع اني هنا كلبي نغزني رحت وإني اصيح يابو فاضل احميلياهة لحبيبتي
دفرت الباب بكل قوتي واشوفلك فرح واكفة كدامي كوة علة رجليهة والسجينة ابطنهة وسابحة بدمهة وهاي العار جميلة واكفة بصفهة وهية الضاربتهة اشوف عيونهة مغرغرة بالدموع وإني أحس كلبي طلعو من صدري وذبو ابركان حمم أحس خلص حياتي أدمرت فقدت بهاي اللحضة
رحتلهة اركض دفعت هاي الساقطة (تكرمون) وحبيبت كلبي وكعت بأيدي ودمهة ملة المكان سمعت منهة بوسط هاي الهوسة بس كلمة احبك صكر وغمضت عيونهة واختفة خضارهن جريتهة لصدري بسرعة وإني اصرخ أحس فقدت انتهيت وإني اشوفهة بهذة الوضع أحس دا اموت موت بطيء أحس روحي دتطلع
ماحسيت ....ماحسيت علة كلشي لا علة عصام وهوة يصيح كوم خل نسعفهة ولا علة عمار وهوة جر السجينة من بطنهة أحس انتهيت
والصحاني صوت عصام وهوة يهزني حتة اكوم وعمار يضرب علة وجهي بخفة لأن جنت مثل الفاقد بس اصرخ بعلو صوتي مهتميت لكلشي وإني اشوف فرحتي بهذة الوضع وإني اشوف مريتي اللي لازم اني أكون حزام ضهرهة واحميهة صار بيهة هيج من ورة هاي السكط ومن ورة غلهة وحقدهة
بدون وعي نزعت قميصي وغطيتهة لأن جانت هدومهة متملخة عليهة
غطيتهة وشلتهة وكبل بوجهي للسيارة حطيتهة بحضني وعمار يسوق بسرعة وعصام جابلي وصلة خليتهة علة جرحهة
حسيت الطريق صار شطولة كول رايح للكعبة مو للمستشفى
المهم عمار يسوق وإني بس انخة الأئمة مبقيت أمام ونبي منخيتهم يطلعولي فرحتي من هاي الشدة
وصلنة للمستشفى نزلت وإني شايلهة بسرعة جابولي السدية خليتهة وكبل للطوارئ وبعدهة لغرفة العمليات
دخلوهة وإني أحس مبقة بية حيل
اوكف علة رجلية
كعدت بالكاع وايدي علة وجهي
اجاني عمار
عمار.....صكر كول يا الله وانشاء الله تطلع منهة سالمة كول يالله
صكر.....ولك عمار لو صار بيهة شي انتهي ولك فرح روحي فرح النفس اليصعد وينزل بصدري
عمار.....اخ يا عضيدي ما اكلك غير الله يصبرك ويصبر اهلهة
صكر.....ضلينة كاعدين علة نار اني والولد وحتة بعض الضباط هم ضلو موجودين
وشوية واجو اهلي واهلهة وبيت أبو عمار
امهة اعاينهة تبجي وتلطم وأصيح بأي راحت من ايدي واخوتهة واكفين واديهم علة وجوهم
وأمي هم نفس الشي
اجتي ريم جايبتلي دشداشة وشماغ لبستهن بالممر علة السريع والفانيلة اللي كلهة انملت دم بقيت حاطهة بيدي اخ لفيت الشماغ علة راسي وإني أذكر هاي جميلة الساقطة شلون واكفة وبديهة السجينة اللي ابطن رويحتي اخ يمكن هسة لو اشرب من دمهة هم ما يشفى غليلي هاي هسة موتهة حلال هية وامهة اذا هذيج المرة عفتهة فهسة لا ما اعوفهة الة وهية جثة وما اسمة شيخ صكر ابن ابوية اذا ما اسويهة
رحت يم باب العمليات كعدت وإني أحس داخلي بركان يغلي
ضلينة هيج بحالة قلق وسترى وبجي لمدة ساعة ونص تقريبا طلع الدكتور يركض صاح علينة بسرعة كلنة كمنالة واتجمعنة علية كال انو المريضة محتاجة دم وبسرعة ركضت لمصرف الدم جبتلة بسرعة واحمد وعصام كملو الإجراءات مال نقل الدم والاوراق
رحت انطيتهما تقريبا أربع بطالة دم
انطيتهة للممرض وهوة اخذهة وطب لغرفة العمليات وورة تقريبا ساعتين طلع الدكتور رحتلة أركض
صكر.....ها بشر دكتور شلونهة فرح
الدكتور.....حالة المريضة صراحتا حرجة الضربة من جاية الهة صايرة بخاصرتهة ومأثرة علة كليتهة ومضررة بشكل جبير واضطرينة نشيلهة وجسمهة متعرض لضرب بشكل قوي بحيث لحم ضهرهة مشيول ورجليهة هم حالتهة كلش حرجة ومنا لمدة أربعة وعشرين ساعة اذا اتعدتهن إنشاء الله تعيش بس اذا لا فأعذرني يا شيخ مابيدي شي لأن المريضة معترضة لضرب وجسمهة ضعيف فد مرة
وها قبل ما انسة البنية جانت حامل بس للاسف سقط الطفل وهوة جان عمرة أسبوعين
وحاليا اني اعتذر لازم اروح عندي حالات يحتاجون علاج عن اذنك شيخ
صكر.....يحجي وإني أحس كلبي صار وصل صار أحس ديشيلون مني لحم لا يمكن هذة هم أهون يعني ابني اللي مات قبل ميشوف الضوة وحبيبتي ورويحتي وفرحتي اللي حياتهة بخطر كل هذة بفد وقت لا ياجميلة كلما جالج كلما ديزيد ثكل حسابج عندي انتي وامج اخ لو ما اخليهة تتمنة الموت ومتلكا هية وامهة الكح.....
اخ يافرح كل هذة دشوفي وانة اوكف ما اسوي شي لا والله مستحيل والأيام كفيلة تثبت هذة الشي.........يتبع
مرحبا حبايب كلبي
تفاعلوا يبعد روحي واعذروني عندي ضرف ديمنعني اكتب بس انشاء الله اكمللكم حتلو أنزل كل يوم بارت قصير لعيونكم
واعذروني علة الأخطاء الإملائية
احبببببببكم 😍😍😍😍😍😍😍
