قلبي اشتغل دربوكه بجوة وخالتو وداد قالت ليو معانا نهى سلم عليها انا بقيت شغاله "ي الله ي الله" جا مر من قدامي ادني ليك نظرره حااااده قال السلام عليكم رديت لي بتمتمه وعليكم السلام وطلع حتى م كلف نفسو يسلم علي! ترتيل مدت لي كباية مويه شلتها منها وجواي "جات في وقتها" قلت ليها تسلمي شربت وطعلنا ع غرفتها فضلنا نتونس لحدي المغرب قلت ليها خلينا ننزل نتم باقي الحاجات قالت لي طيب نزلنا ودخلنا المطبخ نساعد خالتو وداد شوية ونخلص جات امي ورنين رنين جاتني جري سلمت علي امي قالت لي رنو من قبيل بتسأل عنك اشتاقت ليك بوستها وقلت ليها انا كمان اشتقت ليها دخلنا ع الهول وبقينا نتونس رنين نزلت مني وجرت ع الحوش بره قلت ل امي انا ماشة البيت اغير واجي قالت لي طيب بس جيبي لي اختك اول او سوقيها معاك قلت ليها ح اسوقها معاي طلعت افتش فيها وبنادي رنين... رنيين... رنوو.... اسمع صوت منذر وراي وبقول لي هدي رنين اتلفت لقيتو شايل رنين وهي ماسكه فيو وشايله حلاوه في يدها قالت لي نن (بتنادني ب نن) توفي ل شوفي ورتني حلاوتها قالت لي عموو وعاينت ليو يعني اداني ليها عمو قلت ليها حلوه يلا ارح ومشيت عليهم ومديت يديني عشان اشيلها هزت راسها بمعنى لا قلت لي مام قلت ليها رنوو الحلوه انا ماشه البيت ارح معاي قالت لي لا لا قلت ليها م عايزه تلعبي مع حسام عملت لي اي هو اطول مني بكتير ورنين بتحب الناس الطوال يشيلوها وبذات الاولاد زيها زي اي طفله في عمرها وهو كان بس بعاين لينا وانا الخوف قاتلني قلت ليها طيب يلا وجيت اشيلها بكت قال ليها تمشي مع دي لاحظو مع دي!! علمت ليو لا وحضنتو قال لي خليها ح ادخلها ل ترتيل جوه ومشى بيها طوالي حتى من غير م ياخد راي او يسمعني عايزه اقول شنو في اللحظه دي انا كرهتو شديد وطلعت ع بيتنا وانا ممغوصه منو مشيت البيت لقيت حسام بذاكر ختيت يدي في جبهتو قلت لي لازمك دكتور! قال لي مالك؟ قلت لي م طبيعي انت قاعد بتذاكر من غير م نقول ليك اتوقعت اجي القاك في التلفزيون قال لي اهاا اسحريني😑 قلت لي اسحرو ليك😂😂 شنو انا شاكة انك تكون من شوفتني عملت بتقرأ😏 قال لي والله ي نهى لي ساعتين الا بذاكر😔 قلت لي ما شاء الله لا بالجد انت اليوم م طبيعي😂 قال لي اشد منك🌚 ضربتو في كتفو وقلت لي سمح اجتهدت م فضل كتير😚 قال لي إن شاء الله😍 دخلت المطبخ شربت مويه ومشيت ع غرقتي اتلبست واتظبطت وعملت مكياج خفيف وطلعت قلت لي حسام انا راجعة ناس ترتيل لمن يجي ابوي كلمو انو انا وامي ورنين هناك قال لي اصلا هو عارف وجاي بعد شويه عشان نمشي انا هو الخماسيات يعني فاكره انكم براكم البتطلعو😒 قلت لي ايوااا انت قول كدا من الاول اتاري الاجتهاد دا م ساي وفوق راي😪😂 قال لي ي زولة مالك امشي مشيك خليني اخلص البقرأ في م تعملي لينا إزعاج بالله😐 قلت وااو ي عبقرينو خلاص خليتك اكل الكتاب عليك الله🐸 قال لي يلا يلا مع سلامه ضربتو وجريت كورك لي والله م اخليك ي نهى😂😂😂😂 مشيت ع بيت ناس ترتيل كنت ماشه وانا منزله راسي في الارض وبفكر في مية شي في نفس الوقت و م منتبها دخلت البيت وبقيت ماشه في المرر بنفس الوضع من غير إنتباه وشارده عدييل بس عتر لي خرطوش الموية كان مختوت في الزرع وي ريتني لو وقعت م وقعت طقشت منذر كورك فيني عميه انتيي!! لا بالجد م بتشوفي يعني؟؟ الحالة لابسه نظارات من غيرها كان عملتي شنو قلببي وقف قلت لي اسفه م كنت... قال لي م كنتي شنوو قاصده؟ م انتي طوالي م قاصده عالم تزهج في اللحظه دي م عارفه القوة جاتني من وين وخلتني ارد عليو قلت لي دقييقه انت اسي هاايج مالك الحصل شنو ل دا كلو انا م كنت منتبها والله قول بسم الله وروق في الارض دي عيوونو بقت ناااار و.......
#يتبع
