اليوم عدى وناس شهد خالتو وداد قالت لي منذر وصلهم وقدمناهم للباب ومنذر كان واقف جنب العربيه ترتيل قالت ليهم منتظرنكم لدن قالت ليها إن شاء الله بنجيكم سجى مشت قدامهم وركبت قدام متابعه منذر بعيوني كنت حسيتو اتضايق ركبو واتحركو عايزه امشي ترتيل قالت لي يخسي عليك اقعدي معاي شويه م ممكن تمشو مني كلكم كدا قلت ليها ي بت دي همله لمن يجي العرس بنجي تاني قعدت تحنس فيني وتحنس قلت ليها خلاص شويه وبمشي قالت لي تمام دخلنا قلت ليها بالمناسبه خبر احمد شنو م لقينا طريقه نقعد مع بعض الفتره الفاتت احكي لي سرييع بقت تتبسم قلت ليها م تتبسمي لي احكي قالت لي تماااام وامورنا ظابطه قلت ليها افهم انو اعترف ليك والفلم دا قالت لي اي وبقت تتخجل قلت ليها بديك كف شنو تتخجلي فيني انا نهى م احمد قعدت تضحك قلت ليها اهاا احكي كيف وبتين وكدا قالت لي من غير اي مقدمات اتصل لي بليل زي الساعه 3 لمن اتخلعت قلت في شي حاصل من رديت قال لي ترتيل انا بحبك وكنت متردد اقول ليك عشان خايف اخسرك ك صديقه وفي نفس الوقت خايف يظهر زول في حياتك وانا جادي والله لو موافقه بكره بتصل لي خالي ونعمل خطوبه وانا صدمه ع خلعه ع فرح سكت ساي ضحك قال لي عارف الوقت م مناسب وح اكون صحيتك بس النوم غلبني والله من شوفتك قبيل في الجامعه مع الود الكان بشرح ليك خوفي زاد وم عايز منك اي رد حالياً فكري وقفلنا ع كدا وانا النوم تاني طار من عيوني واختفيت منو زي تلاته ايام كدا ح رديت ليو قال لي وقفتي قلبي قلت م ح توافقي ووبس الامور مشت قلت ليها وكلم ابوك قالت لي لسه انا قلت ليو أجل الموضوع شويه لحدي م هو يتخرج اصلا فضل ليو شهرين كدا بس حضنتها وقلت ليها ربنا يتم ليك ع خير ي تتو قالت لي آمين وعقبالك ي بايره شلت المخده ضربتها قلت ليها بتيين هو بتين ضحكنا وفضلنا نتونس قلت ليها هوي انا ماشه قالت لي بيتي قلت ليها والله ولا دقيقه تاني م قعداها ارح بيتي انتي معاي قالت لي لا لا انتي بيتي معاي قلت ليها ترتيل قالت لي اها قلت ليها الساعه 9 وانا نعساانه وم فاضيه ليك اكتر من كدا قالت لي كسلك دا ونزلنا تحت لقينا منذر قاعد في الهول ترتيل قالت ليو بتين جيت قال ليها من عشره دقائق قدمتني للباب وجا وراي منذر قال لي اقفي مالك ماشه سريع كدا ع اساس م بتخافي يعني قلت لي م من الخوف دا انا ماشه سرعه قعد اضحك قال لي متخيله يعني اني ممكن اخليك تمشي براك! م رديت... قال لي ساكته مالك قلت لي ساي جينا بعند البقاله وكنت ماشه عليهل عايزه ادخل مسك يدي و وقفني قال لي ماشه وين قلت لي عايزه رصيد واندومي قال لي بغض النظر عن عايزه شنو ايااااك تفكري تاني تدخلي بقاله قلت لي منذر! انا اساساً م قعد امشي طوالي بس اسي انا عايزه رصيد وحسام احتمال كبير القى نام هو في طريقي يعني م فرقت قال لي وانا بعمل في شنو!! وريتك بس من الليله تاني م تتكرر واسي ارح قدامي قلت لي بس..قال لي لا بس ولا بس قدامي سريع بقيت اطنطن تحت تحت قال لي سامعك ي نهى وبالمناسبه الاندومي دي مضره وم تأكليها تاني قلت لي اهاا دي برضو قال لي ااي وم ع كيفك وكلام منتهي قلت بغيظ حقاااار قال لي شنووو قلت لي لا ولا شي لمن قربنا للبيت قال لي انا ح اجيب ليك الرصيد بس الاندومي لا قلت لي طيب هاك ومديت ليو القروش قال لي دخلي الزفتيين دي انتي غبيه من الخلعه دخلتها وسكت لمن وصلنا البيت وعايزه ادخل قال لي خلي بالك من نفسك وتاني حركتك القبل شويه دي م تعيدها اقصد حركاتك اصلها كترانه اليوم قلت حاضر قال لي يلا وانتظر لمن دخلت واتحرك دخلت البيت قلت لي امي انا جيت قالت لي اتأخرتي قلت ليها ترتيل اتلايقت فيني ومشيت غرفتي طوالي رقدت في السرير واتذكرت لمن شاكلني عشان كنت عايزه ادخل الدكان وانبسطت شديد وبقيت اتبسم اول مره م احس انو بتحكم فيني بل بخاف علي وصلتني رساله لقيتها تم إستلام ٥٠ج من الرقم.. رقم منذر واتصل طوالي بعدها قال لي الرصيد وصلك قلت لي اي بس ليه كتير كدا؟ قال لي م كتير قلت لي والله كتير قال لي انتي مالك بس قلت لي طيب شكراً قال لي م سمعها منك تاني....
#يتبع
