نزلنا تحت لقينا خالتو وداد قاعده ومعاها سجى ولدن صبحنا عليهم قلت ليها جيتو بتين امس قالت لي متأخرين شويه قلت ليها ربنا يرحمها ويغفر ليها ي رب قالت لي امين قلت ليها الغربيه انا وترتيل وشهد ساهرنا ل 2 تقريباً بس م حسينا بيكم قالت لي اي جينا وقلنا ح تكونو نايمين وقفلنا طوالي شربنا الشاي مع بعض وقلت ليهم انا ماشه شهد قالت لي م تمشي ياخ نحن بعدين راجعين امشي بعد نمشي ترتيل قالت ليهم ووين وين جاينا عرس انتو ناسين ولا شنو لدن قالت ليها نمشي نجهز حالنا ونجيكم تاني جهزي الاغاني بس قلت ليهم طيب بمشي وبجي م بتأخر ترتيل قالت لي بس كدي اتأخري زي كل مره ي نهى قلت ليها م بتأخر والله وي الله هي وشهد حتى خلوني رجعت البيت سلمت ع امي واتونست معاها شويه ومشيت اخدت دش منذر اتصل من قريت الاسم قلبي دقا وديك ي رجفه لمن التلفون قرب يقع رديت الوو..قال لي الو وين انتي قلت لي في البيت قال لي خليتني اقلب عليك البيت كلو قلت لي ليه في حاجه؟ قال لي لا لا وريني دي منو القالت ليك انا عايزه دي قلت ليو م ضروري تعرف بس شكلها عايزك وكدا وانا م عايزه مشاكل مع زول والله قال لي انتي غبييه يبت؟! بس وريني هي منو وانا بتصرف قلت ليو لا قال لي نهى م بعيدها ليك تاني وريني قلت ليو لا ي منذر لا عشان عارفاك ممكن تتهور وانا م عايزه مشاكل قال لي دي سجى صاح م رديت... قال لي من سكوتك دي هي ياخ البت دي كرهتني حنك انتي زي اختي وبتاع م نفع اتجاهلتها هي واتصالتها ومسجاتها ال م بتخلص م نفع حظرتها من كل مواقع السوشيل ميديا م نفع ياخ احرجتها احرجتها م نفع ومشيت ليها كتير بس تطلع إشاعات اني خطبتها وزفت كترتها المره دي بتصرف معاها قلت ليو لا ي منذر م عايزين مشاكل والحصل حصل قال لي لا لا لازم تتأدب م ممكن كدا زودتها قلت ليو عليك الله ي منذر قال لي تمام قلت لي وعد قال لي م بوعدك بس تمام وع فكره م تخلي واحده زي سجى ولا الف يدخلو بينا لاني م عايز غيرك ي ملاك الروح...سكت وم رديت وبقيت اتبسم براي قال لي امووت في الخجول قلت لي يلا باي وقفلت رقدت في السرير واتبسم وبقيت شايفه الدنيا قلووب قلوب التلفون رن شلتو سريع عشان ارد مفتكره منذر لقيتها ترتيل قلت وااي الليله بتقتلني م رديت ليها وجري ع الدولاب طلعت عبايه ظريفه لبستها ورجعت شعري وشويه مكياج ونزلت إستذنت من امي ومشيت اول م قربت من بيتهم اتصل منذر رديت قال لي ارفعي الطرحه دي ولفيها كويس ي زفته فعلا ختيت يدي لقيت شعري بره ضحكت وصحلتها وبقيت اتلفت قلت لي انت وين شايفني قال لي انتي مالك المهم انا شايفك وبطلي تلفت قلت لي بزعل طيب قال لي م تصري لي قفلت في وشو ودخلت البيت لقيت ناس تريتل قاعدين بره عندهم نجيله ظريفه كدا ترتيل قالت لي م كان تجي قلت ليها إنشغلت شويه ي تتو قال لي ياهو حالك ي عولاق من قعدت سجى قامت م اشتغلت بيها اتونسنا وتاني دخلنا جوه.....
#يتبع
