ما شاء الله كل عليتهم وبنات واولاد العيله معاهم جا شادي قعد معانا قال لي ويينك لا بتسألي لا بتطمني قلت ليو والله بس كنت في فتره إمتحانات وكدا قال لي بالتوفيق ياخ قلت لي آميين ي رب شويه جو مؤمن واحمد قعدو تاني جات لدن وديك ي ونسه جا منذر سلم علي وقعد قال لي رنين وين قلت ليو مع امي جوه شجن جات قعدت وشادي قبل علي واستلمني حسيت شجن شويه وتجي تخنقي عاينت لمنذر كان بعاين لي وعيونو شراره بس قام ومشى مننا تلفوني رن لقيتو منذر! رديت قال لي تعالي بره سريع وقفل إستغربت وقلت ليهم عن إذنكم وطلعت مشيت قلت لي اي في شنو قال لي بحزم كدا انتي قصتك مع شادي شنو وليه في الطالعه والنازله بشغلها ليك وكمان مرتي قلت ليو دقييقه هايج فيني مالك امشي اسألو هو قال لي م انتي لو م اديتي فرصه م كان مواصل في حركاتو دي قلت ليو منذر رد لي نعم قلت لي انت م فاهم اصلا ف م تتكلم عليك الله قال لي م فاهم طيب فهميني قلت لي انت اسي زعلان مالك مشغلها لي ولا ليك قال لي لانك حقتي يبت الناس وافهم من كلامك دا انو حركاتو دي عاجباك يعني ولا كيف وبقى يشاكل فيني كتير بس م كنت منتبه للبقولو لاني طفييت مويه ونور بعد حقتي دي وبقت معلقه الكلمه وبتتردد لي قلت لي قلت شنوو؟ انا شنو م فهمتك قال لي انسسي انسي بس نبهي يبطل هظارو دا عشان تاني م ح يحصل خير ومشى خلاني قلت لا لا الود دا اكيد جنى والسفره دي غيرت في مخو دخلت تريتل جرتني قالت لي مشيتي وين واختفيتي انت ومنذر فجأة قلت ليها ولا مكان قالت لي طيب انتي شكلك مصدومه كدا مالك وبقت تضحك يلا بتفاهم معاك بعدين تعالي امي بتنادينا نرص الفطور لانو جهز نادت ناس شهد وباقي البنات ومشينا وبعد الفطور قلت لي ترتيل انا راجعه البيت بجيك العصر قالت لي يخسي عليك اقعدي شويه طيب اتونسي مع ناس الشهد ديل طوالي بيسألو منك قلت ليها طيب ارح معاي انتو البيت ترتاحو وتصلو واعمل ليكم اظبط شاي ونتونس تريتل قالت لي امشو قدامي وانا بشوف امي عايزه شنو وبجي قلت ليها طيب سوقت البنات وديتهم بيتنا اتونسنا كدا وكانو ظريفات ونزلو شويه من حاله الافتراء العندهم م عدا سجى طبعاً شجن كانت قاعده جنبي وشارده لكزتها قلت ليها خيير مالك قالت لي بستياء كدا ماف شي قلت ليها دقيقه تعالي معاي قلت ليهم عن اذنكم دقيقه راجعين ترتيل قالت لي ماشه معاكم قلت ليها لا شكراً بقت تكورك كويس ي عواليق واصبري لي بس طلعنا مشينا الغرفه التانيه قلت ليها مالك احكي قالت لي ماف قلت ليك قلت ليها عشان شادي صاح قلت لي بربكه كدا شنوو لا لا كيف يعني عشانو قلت ليها عشاانو انتي بتحبي ي شجن سكتت قلت ليها اي ماف معرفه شديده بينا بس اعتبرني صديقتك واحكي قالت لي اي بس انا م عايزه اخرب عليكم حاسه عايزك انتي ي نهى وبدت تدمع نبسسط شديد بإنها بتخب شادي قلت ليها لا لا انتي فاهمه غلط انا وشادي ماف اي كلام من كدا بينا هو بس بحب يهظر معاي قلت لي بس دا م اي هظار هو بقول ليك مرتي قلت ليها والله بهظر ي بت وبقيت اضحك قلت ليها وكمان تحت تحت كدا انا حاسه بيو معجب بيك وغمزت ليها حتى قبل كدا لمح لي بكدا قالت لي كذااابه قلت ليها والله زي م بقول ليك حضنتني وصرخت قالت لي م مصدقه ي نهى ضحكت وقلت ليها صدقي الفرحه الشوفتها في عيونها م بتتوصف سمعت ترتيل وشهد بينادونا قلت ليها يلا يلا بعدا ديل ح يجو يردحو لينا وانا م ناقصه مشينا عليهم قالو لينا شنوو يعني دي دقيقه ولا سنه قلت ليهم هدي جينا اتونسنا زيين تلفوني رن لقيتو منذر رديت قال لي وين انتي ي أستاذه قلت لي في البيت ليه في شنو قال لي تمام وقفل قلت بسم الله بعد العصر كدا صلينا ورجعنا ناس ترتيل لمحت شادي كان كان قاعد براو ومطرف كدا مشيت عليو قلت لي م شووفت قال لي شنو قلت لي اتكلمت مع شجن عن انها اذا بتحب او لا قال لي بلهفه اها وقالت ليك شنو قلت ليو والله ي شادي م عارفه اقولها ليك كيف بس شجن دي قال لي اهااا شنو قلت لي انت بس م تزعل قال لي نهى انطقي ياخ قلت لي شجن بتحببك قال لي يووومك ذاتو ضحكت وقلت لي اسسفه اسفه قال لي عليك الله جاده قلت لي اي والله بس جهز دبلتك قال لي جااهزه ولو عايزه اليوم بلبسها ليها ضحكنا وقلت ليو انا م وريتها انك بتحبها عديل لمحت ليها بس وانت عليك بالباقي قال لي تسلمممي كتيير شديد والله ي نهى قلت لي ع شنوو ياخ م عملت شي التفت القى ليك منذر واقف بعيد وبعاين لي....
#يتبع
