التوام المشاغب (الدارجة المغربية )

..7..

اصبحنا و أصبح الملك لله
ماما: ميساء بالله يا بنيتي منعاود معاك الهضرة غتنوضي تبارك الله مغتنوضيش غنخوي على بنتي سطل ديال الما مكﻻصي
انا: واماما و العداوا واعشيرتي واخليني نعس
ماما: واخا ابنتي رجعي تنعسي احبيبتي رجعي
انا: ااااه دابا وليتي أم حنو(باقا مكمﻻتهاش تكب عليها سطل مكﻻصي حتى نقزاق كتشطح الصامبا ) وا ناجدة وا العداوا
ماما:اييه مالنا مانخافوش نوضي تنوضي على الشوك نشاعﻻه شوفلك العوجة مابقات تحشم
اوا نضت على سعدي ووعدي الحمام مغنكولش ليكم دوشت بالخف وﻻ نن حبوباتي ساعتين ديال الدوش حتى جات نبع الحنان كتهرس الباب عاد خرجت مشيت لبست بالخف سروال تجين مع تيشورط كحلة مكتوبة فالوسط بالبيض و كونفيغس كحلة طابلية و درت ديك البانضة على راسي (معرفتش شنو سميتها المهم هاهيا الطوف ديالها)و دارت نيفيا لوجهها و كلوس و ماسكارا بالخف و دات سورفيت ديال السبور هبطات التحت باست والديها و خنزرات فجود
جود : كوليني نتي
انا بهمس حيتاش كان فالكرسي لي حدايا :الخرا مكاتكالش
جود : حتى نشد مك
أنا: اومايكود خلعتيني
بابا: مالكم ادوك الجوج
انا و جود : والو ا الواليد
بابا: الله يجعلني نتيق المهم ماعلينا الحفلة اليوم باليل غتكون فالشركة الجديدة ديالك اجود
جود : اه الواليد
ميساء : (كتعيبو ) اه الواليد
جود : مردش ليها البال ) المهم انا غادي دبا ياﻻه البنات
مشاو و ميساء مشات كتجري ركبات تلقدام و ماكالت ليها رميساء والو جاتها عجب و غريبة
جود : بسس حبيبت خوها مالك
رميساء:اهءاهء حتى واحد مكايبغيني
ميساء : عرفتها فيها ليغيكل ) بففف شحال فيك متديش عليها اجود راه ﻻعبة الوداد
رميساء: اهئاهئ حتى نتي مكتبغينيش هانتي كولتي ليه فيا ليغيكل
انا: ﻻحول ولا قوة الا بالله بعدي مني الله يرحم ليك الوالدين بفف طلق العشير شوية ديال الوسيقى
عطاها جود الكابل و دارت اغنية سولكينغ zëmer (انا بعدا كنموت عليها) بقات كتغني معاها شوية حتى رميساء بدات كتغني و قلبوها ضحك و تكركير وصلهوم كل وحدة لليسي ديالها و هو كينكر (سبحان الله كيشبه للواليد مكايساليش من نكير )و قلب الدورة لواحد البﻻصة (من بعد و غتعرفوها) و عند رميساء راه حتى هي عندها دور فالقصة
السﻻم انا رميساء ابراهيمي 17 سنة توام ديال ديك القردة ديلل ميساء و اخت داك الصعصع ديال جود انا واخا نبان ليكوم مهدنة  مشي بحال ختي راه الجن هو الخر ﻻ عرف اش كيدور ليا فراسي يحشم و ميشوفش النعاس شهرين متتاليين المهم انا كنشارك غير فالافكار نعطيكم الادوار ديال الكليكة ديالي انا عندي كليكة بوحدي
انا: العقل المدبر الافكار الشيطانية كلها فراسي
فاتي:المنفدة  وجهها البريئ ديما معونناو افعالها الشيطانية ايضا
بشرى: سبحان الله هادي تخليك تيق بلي شفتي الجمل واقف و هو اصﻻ مكاينش المهم ديما كتقنع الواحد
رباب:هي ايضا عقل مدبر المصائب
هبة : المشرملة ديالنا لي هضر تشرطو
جاسم : القراي و البوكوص
جاسر : توام جاسم كتيتشابهو فكولشي اﻻ فلو العين جاسم كوحل و جاسر عسليين مكيحملش القرايا و مشرمل حتى هو
انير : كيعاون فاتي فالتنفيد
المهم هادي هي الكليكة ديالي و انا دابا داخﻻ عند اللونغلي بفف جتبو لينل استاد جديد دخلت شوية و هو يتم داخل واحد الاستاد كرشو سابقاه تقول حامل بتوام و كيفرنس و سنانو القداميين مسوسين  باينا فيه زهواني  يخخخ هادشي كامل ﻻحضناه انا و كليكتي منين دخل
الأستاذ:
غدا انشاء الله نكمل اوكي البنات صفاؤو مانسيتكش