التوام المشاغب (الدارجة المغربية )

..9..

نمشيو عند ميساء لي باينا توحشتوها
انا: وصلني الخوادري لليسي تﻻقيت الكليكة و دخلنا كانت عندي فرونسي استادة ضريفة كتعامل معانا (غندير هنا اسم ديال استادة ديال الفرنسية عزيزة عليا يزاف ضريفة و كتعامل معانا فالنقط و الفروض كنتمنا نجي عندها فالكاتريام هيا كتقري غير السابعة و الكاتريام مهم تحية لاستادة وديان )
دوزنا عندها الحصة و دابا عندا السبور واحد ولد الحرام مقطر باقي صغير و كينفخ علينا دوك جزج ضلوعة لي عندو رائج عندو لي زابدو حسن من داك ميخي سميتو مراد (ولد خالي سميتو مراد مكنحملوش على داكشي درت سميتو هنا اكبر عنيبا فالتاريخ عنيبا من درجة قائد) العام لي فات لعبت عندو السبور ولد الحرام التيران قدو قد الخﻻ و كيكولينا دورو عليه 10 مرات (اساتدة السبور كنشوفكم ) و مكيخاليناش نشربو الما العام لي فات كالينا دورو على التيران 10 مرات و مشا جاب كرسي و كلس كيتفرج فينا جاه العطش مشا يشرب و درت ليه المداد ديال ستيلو حمر فالكرسي و كلس عليه و ﻻ بحال الى فيه لي غيكل اليسي كامل تفرشخ عليه بالضحك باقي معرفنيش انا لي درتو ليه ههه ماعلينا دخلنا بدلنا علينا و خرجنا بدينا كنلعبو و انا و ياه كنخنزرو فبعضنا سبحان الله شعور متبادل حتى بان ليا اسامة (استاد ديال الصيونص) عيط عليا مشيت عندو
أسامة: فين الزين الى مسولنا متسولي
أنا: غير فالدنيا العشير و الله مهاكاك راك عارف اصاحبي و صافي
أسامة: حيانة عليك الشيطانة دابا بديتي كدخلي و تخرجي فالهدرة فين صافا
أنا: الحمد الله ونتا
أسامة:مم حمد الله اليوم باليل كاينة شي حفلة ديال جود
انا: اه راه كال ليا جود كالها ليك غتجي ياك
أسامة: بادن الله
انا : بيني و بينك ماباغا نمشي لحتا شي بﻻصة فيا الموت ديال العيا بغيت نمشي لبحر
أسامة: عﻻه فين عمرك مكنتيش عيانة كتعياي على كلشي توصلي للبحر تولي صحيحة فصيحة
انا :ههه هاداك راه الحب
أسامة: المهم نخليك دابا حتى لليل اااه و فوتي عليك مراد
انا: يخخخ دكرنا السمن و العسل ياﻻه كنتي زوين عﻻش قلبتي الهدرة على داك المخلوق
اسامة : حيتاش من كبيلة وهو كيخنزر فيك
انا : يخخ على كنس المهم ياﻻه تهﻻ
رجعت للسبور دوزت ديك الحصة بزز ساﻻت دخلت عند اللونغلي استادة مبيهاش قاصحة و ضريفة دتزت ديك الساعة دغيا و خرجت كنتقطع بللجوع لقيت جود لي جا ليا تسالمت مع الكليكة و درت معاهم مع الجوج باش نمشيو للبحر وصلنا للدار و انا كنسب و نعاير فيه ولد الحرام جاي بشويا عليه بغيت ليه السريسرة باينة فيها واكل دخلنا لقيت رميساء كالسة مع الواليد سلمت عليهم و هودت عند الواليدة سلمت عليها حطيت معاها الغدا حيتاس البنات مشاو يتقداو و غسلت يدي و كلست كنخشي فكمارتي ساليت و بقينا مجمعين فوق الطبلة و جود كيهضر لينا غير على الحفلة باين فيه متحمس ولد الدينا مبغيتش نكدها عليها يستاهل بزاف مهم كلت للواليد غنمشي للبحر مع الدراري بقا كيغوت فالخر كال ليا متعطليش و بقيت واقفة ليه على راسو حتى ضور معايا و رميساء غير كتفقس حيتاش قاريا فالعشية المهم طلعت للبيت درداكة حيتاش شفت جود و نضراتو غيبغي ياخد ليا الفلوس المهم ضبرت على 200 درهم الواليد صقرام عطاني 50 درهم و انا كان عندي 150 درهم مهم طلعت لبست عليا مايو بياس واحد فالكحل و فيه تويشيا بالكرونا و شورط كحلو من فوقو كسوة زرفة طويلة و طربوش (دوك لي كيشبهو لتارازا طاقية ديال ناش دشمال) فالبيض و جبدت ساكادو دارت فيه كريم واقي من الشمس و فوطة و دارت فيه تيلي ديالها و فلوس و نضاضر ديال العومان و لبسات نضاضر ديال الشمش و هبطات درداكة لقات جود كالس بدات كترغب فيه يوصلها بزز باش بغا مي قبل خاصو يحط معاه رميساء و اصﻻ نفس طريق مشاو ركبو بعد تحديرات الام باش مدخلش و اصﻻ جود غيبقا معاهم و صلو ميساء و مشاو للبحر بعد نص ساعة ديال الطريق و صلو للمنصورية (بﻻصة واعرة بزاف و ناسها ضراف تستحق انكم تمشيو ليها الما ديالها زوين و كيكونو تما غير العائﻻت ) لقاوهم باقي موصلو كرا جود باراسول وحيد تيشورط بقى غير بشورط و ميساء حيدات الكسوة و دارت واقي الشمس مشات هي و جود يلعبو كورة عﻻما يوصلو ﻻخرين المهم نخليو هادو مبحرين و نمشيو عند رميساء
تغديت و بدات ديك العوجة كتفقص فيا بنت الحرام دابا نرضها ليها حطوني فليسي لقيت الدراري كيتسناوني حدى القسم كانت عندي 2 سوايع صيونص و 2 سوايع ماط بفف دوزتها بزز مكنحملش نقرا جوج سوايع متاليين المهم خرجت مع 6 و نص اليوم جاتني عجب طاح الضﻻم ضغيا صونيت لجود و كلت بﻻما يجي ليا و الدراري كدبت عليهم كلت ليهم جود غيتلقا ليا حدا الغابة مشاو هما و انا دخلت من طريق الغابة عزيزعليا ندوز منتما مي اليوم كانت كتخلع و منين زدت سمعت شي صوت ورايا اه 3 ديال السكايريا كانو ورايا و مكلضمين بديت كنسربي المشية مي والو لحقو عليا و حاصروني بتﻻتة
السكايري1: هاي هاي على اللوز تشا راه كلك زبدة و منين نبدا
السكايري2: شفتك ﻻبسا للزرق و انا نزلق ناري على ماروخا
السكايري3: اشمن ماروخا هادي راه نوتيﻻ
بداو كيقربو ليا و انا نشد لواحد من هادوك يديه و لويتها ليه و ضربتو نيشان للمعلم جا طايح و التاني بغيت ندير ليه بحل صاحبو مي زرب عليا شد ليا يدي و هز يديه بغا يصرفق غمضت عينيا كنتسنى بالدقة مي والو حليتهوم و انا لقاهم طايحين كاملين دم و واقف حداهم واحد الشخص ﻻبس كلسي كحل و داير قبية على راسو شافني حليت عيني و هو يضور شافيا بعينيه حتى تلفني لونهم كانو زرقين بقا ليهم شويا و يوليو كحلين هاد النضرة و هاد اللون لي جامي نساهممقديتش نطق بشي حرف بديت غير كنتمت
انا: ش  ش ك
هز راسو و عاودو حناه بمعنا هانيا و مشا بين داك الشجر حتا مبقاش كيبان اما بطلتنا غير مشا مشات هربانة و كتجري حتى خرجات لطريق و بقات غادا حتى وصﻻت لدارهم دخﻻت بالخف لقات خوتها بتقين ماجاو مشات سلمت على واليديها الحفل كان مع 9 و دابا 7 مشات بالخف لبيتها دوشات و خرجات مشات لدريسينغ جبدات كسوة طويلة فالبوردو و و فيها سنسلة فالكحل من جيهة الخصر و بالكمام مي معرية من جيهة الصدر ممبيناهش بزاف مع صباط طالون بوردو و فيه عقيق فالكحل و  لبسات عليها كسوة ديال الدار فالغوز و ه شات هبطات لتحت عند ماماها كالت ليها بغات تاكل عطاتها كاسكروط كﻻتو بالخف و مشات طلعات فالدروج لقات خوتها جاو مشات سلمات عليهم و جرات معاها ميساء للبيت ختارت ليها نفس الكسوة غي اللون مختالف ميساء ختارت الزرق ملكي و الطالون زرق ملكي بعقيق فالكحل لبسو عليهم و صايبو مكياج بحال بحال مختالف غير لون ضﻻل العيون رميساء بوردو و كحل و ميساء زرق و كحلو دارو مشيطا خفيفة للشعر جاو زوينات بزاف و كيوت دارو نفس البارفان و خرجو لقاو باهم ﻻيس كوستيم بلو مارين و شوميز بيضة و كرافاطا بلو مارين و مااهم ﻻبسة كسوة طويلة فالكحل ديال المحجبات و كاب ديال الكسوة  من الفوق فالحمر و شال حمر و صباط ميني طالون فالكحل و ماكياج خفيف برزات بيه غير لون عينيها بحا بناتها و عاد خرج سي سيد جود ضارب واحد الكوستيم كحل و شوميز بيضة و كرافاطا كحلة و مطلع الشعر و اللحية مقادها و الريحة مدوش بيها ميساء تعصبات حيتاش ماشي هو نفس الكوستيم لي ختارت البارح شافها جود و هو يجي عندها و همس
جود : من نيتك ازين انا عنخلي ليك كوستيم جاي من باريس ديري فيه ديك الحالة الزين هادا هو الكوستيم لي جا من باريس اا هاداك غير شريتو سوكور عرفتك غتبغي ديري ليا فيه شي حاجة
ميساء خرجات ليه لسانها و مشاو الاباء مشاو ف ﻻمبورغيني كحلو و سيقو اما سي جود كالك بغا يبقا هو اخر الحضور و بقاو معاه البنات حيتاش غيمشيو معاه
البنات بارت طوبلة بزاف نتمنى تعجبكم و راني كنحاول نساليها قبل من الدخول المدرسي بيزو كبيرا اموراتي