التوام المشاغب (الدارجة المغربية )

..3..

الدراري مشاو لواحد الكافي قريبة و بركو كينممو فبنادم و نساو الموضوع ديال الشاب رجعو لليسي نضال مجاش معاهم جا مفاوج معاهم و لكن نفس التوقيت دخلو ضيعو الساعة اللولة غير فللضوران فالمدرسة حتى جرا عليهم الحارس العام يدخلو لاقسامهم دخلو وبقاو شادين تيلفونات حيتاش دخلو عند اجتماعيات استادة فيها غير الهضرة مكتقري ماوالو عطاتهم اللوازم الي خاص يشريو و خرجات مجمعة مع واحد الاستاد (البنات و الله هاد الاستادة قراتني هاد العام السابعة دبا انا طالعة للثامنة و كنتمنى منجيش عندها ديما مجمعة مع واحد الأستاذ و مخليانا فالقسم مكونيكطيين شحال من مرة بارطاجات معنا كونيكسيون باش نسكتو )
ساللت الساعة ديالها و مشاو الدراري لدار اريج و رائج من بعد ماكالتها ميساء لجود و عيطات لرميساء تجي لعندهم مشاو بطوموبيلت رائج نضال القدام و البنات اللور مضاربين كيف ديما وصلو خرجتت ميساء طايرة لعند خالتها لقاتها مع الخدامات غالكوزينة ومات ليهم ميهضروش بدتت كتسلت حتى وصﻻت حداها وهي تقفزها
نجود(خالت ميساء و مامات اريج و رائج) ) الله يعطيك ماتاكلي قفزتيني
انا:امين نيت فيا الجوع
نجود:و باز اجي كيدارة رميساء و جود و ناجدة ( مامات ميساء) و علي (بابات ميساء)
أنا:ﻻباس شفتك سولتي عليهم كاملين اﻻ انا
نجود: نتي فين عمرك كنتي مزيانا فينما نسولك تخرجي ليا شي مرض مضايرش و تقوليه ليا
انا :ياك واها واخا اليام ضوارة ا نجود (كيف قالت هادشي مشات طايرة باش متصورش شي 39 فوجهها) خرجات نجود و سلمو عبيها الدراري و كبسو كيهضرو حتى لحقات عليهم رميساء و كمال بابات اريج و رائج و حطو الغدا تغداو فجو ﻻ يخلو من الضحك والدين اريج عزاز عليهم الكليكة ديال ميساء ساللو الغدا و مشاو لليسي لقاو راسهم داخلين عند الماط كيف العدة مشاو وقفو حدا الباب ديال القسم و بقاو كينممو حيتاش جتو بكري حتى تحل الباب و ميساء كانت متكية عليه شوية و تجي على قاعها حتى شداتها واحد اليد دارت تشوف و هي تلقاه داك البوكوص ديال الصباح بقات كتشوف فيه حتى نطقت بﻻما تحس
ميساء : واش انا فالموغريب
قرصاتها هداية عاد توكضات لقات البوكوص كيخنزر فيها و هي تبادلو نفس التخنزيرة تصدم مسكين حساب ليه غادي تحني الراس و تحشم ساعا راه هو معا ميساء التي ﻻتحشم وﻻ ترمش وما ليهم برتسو باش يدخلو دخﻻت هي الأولى و كلسات القدام و كلسات حداها اريج ما هداية كلسات حدا رائج فالطاولة لي وراهم القسم بدا كيعمر تم داخل داك البوكوص
البوكوص:احم السلام عليكم انا نضال مجاهد أستاذ ديال الرياضيات ديالكم نتمنا يدوز هاد العام مزيان معاكم (نطق و هو كيشوف فميساء لي ماعلابالهاش بيه غير كتحنزز فالتﻻميد و تحاول تستعقل عليهم و كتعوج وجها الى ماعقﻻتش على شي واحد بحركات كضحك كتم الضحكة بزز) دبا عرفوني على الاسم ديالكم و السن و النقطة السنة الماضية بدتو كيعرفو حتى وصﻻت النوبة فميساء

البنات بليز تفاعلو راني مريضة وكتبت هاد البارت باش متبقاوش بﻻش

واش عجباتكم القصة بليز الى ماعجباتكومش قولوها ليا