التوام المشاغب (الدارجة المغربية )

..4..

ميساء : السلام عليكم انا ميساء ابراهيمي 17 سنة السنة تانية باكالوريا شعبة العلوم والتكنولوجيا لفوج الاول نقطة المراقبة السنة الماضية 54، 19 و نقطة الجهاوي 67، 18
سعد (الأستاذ راه بدلت ليه الاسم):مصدوم حيتاش هي أول نقطة على صعيد الجهة
كملو الساعة الولة عطاهم اللوازم الي غيشريو و المقرر و داك التخربيق و الساعة التانية جبد واحد المجموعة ديال الوراق
سعد: الدراري غنفرق عليكم هاد الوراق و غتجاوبو عليهم عندكم مدة الإنجاز ساعة و غنقدر نعرف من هاد التمارين الدروس الي عندكم فيها مشكل
فرق عليهم سعد الاوراق و بداو كيخرجو فيهم و ميساء سالات هي الأولى ف 30 دقيقة حيتاش عطاهم 2 عامرين من جوج جوايه بحال ديال الجهاوي و بقات كدور عينيها و تغني فختطرها و والو جاها الملل و النعاس مكمﻻت ديك الساعة حتى غفر ليها الله و غير صونات خرجات طايرة هي اللولة حطات الورقة و هبطات تسنات الكليكة التحت تجمعو فواحد القنت فاليسي و بداو كينممو فبنادم
اريج : ميساء شوفي ماشي هادي هي جميلة الي ترايشتي معاها العام الي فات و قمشتي ليها وجهها
ميساء : حققات فيها .واييه هي بنت الكلبة مشات دارت ليا البيض فالشكارة وداتها عند مول الاسﻻميات و مع هو مكيحملنيش جاتو من الجنة و الناس وداها للحراسة الحمد لله جا استاد اسامة (ديال العلوم عزيزة عيه ميساء بزاف حاسبها بحال ختو الصغيرة وهو باقي صغير عندو 25 عام صاحب جود خو ميساء و صاحب سعد و حتى هو عندو دور فالقصة )و قال ليهوم انا لي قلت ليها تجيبو حيتاش بغيت ندير بيه تجربة اما كون ضربوني بتقرير
رائج:صافي نساي و ياﻻه نمشيو للسناك راه فيا الهيمري
الكل :حتى حنا
خرجو مشاو للسناك ضربو بيتزا للواحد و تلاتة دطتكوس قسموهم بينتتهم تقول متغداوش عاد موناضا قرعة كوكا جوج ايترو
رجعو لليسي و دخلو عند اسلاميات و الحمد لله ماجاوش عند داك الاستاد لي مكيحملش ميساء اما كون قلبوها صباط ميساء واخا قرايا مشاغبة وديما نقطها هوما لي كيشفعو ليها هي و فلوسها حيتاش عائلتها هي الي ممولة المدرسة ولكن حتى واحد ماعارف هادشي حتى من ميساء خوها هو الي عارف هو و المدير و من غير فلوسها و قرايتها عفويتها هي الي كتخليها محبوبة عند الناس و الي كيشوغها كيتعلق فيها بوجهها المﻻئكي الي ﻻ عﻻقة بيها حيتاش افعالها الشيطان كيعطيها الشابو عليهم