التوام المشاغب (الدارجة المغربية )

..10..

ضربات 9و نص عاد تمو خارجين من الدار و صلو و هبط جود حل لباب لخواتاتو و نزلو بابها حلة و صحافة فالباب كتصور و تم داخل و ميساء فجنبو اليمن و رميساء فجنب ليسر و وقف عند المدخل و بدا كيجاوب على اسئلة الصحافة
صحافية1: شنو هو السبب لي خﻻك تفتتح الفرع الرئيسي فالمغرب
جود : المغرب بﻻدي الاصلية لدا ليا الشرف اني نفتتح فيها الفرع الرئيسي  و ايضا البﻻد لي ساكن فيها
صحافي: شنو هما الدول لي غادي يكونو فيهم الفروع
جود : المغرب امريكا فرنسا روسيا إيطاليا
و دخل مخﻻهم يكملو على اسئلتهم و البنات غير مغوبشين مكيحملوش هاد الأجواء مكاين لك غير النفاق و شوية و هي تم داخﻻ الكليكة ديال رميساء جاو وقفو حداهم و سلمو
جاسم: تفو كون غير بقيت فالدار الموت ديال الملل
ميساء : وياه كون راني دابا ﻻعبة شي طرح ففري فاير وﻻ داخﻻ لشي كروب ديال  الهنود و مطلعاها عليهم
جاسر : وايلي باقا كتسيفطي ليهم تصاور البقر و الفيران
ميساء : وياه عرفتي شحال من كروب ديال الهنود مبلوكيني وﻻد الحرام
رباب : عطيهم ليا حتى انا نطلعها عليهم
انا : جاتك سيري دابا
جبدت تيلي و دخلت للفايس عطيتها كاع كروبات الهنود و شوية و هما يتمو جايين كليكتي بعدا مابقاش الملل شوية مشاو الدراري لطبلة مقابلة معانا  حيتاش حنا بدينا فالنميمة دازت شي نص ساعة و حنا غير كنخشيو فكمامرنا من الملل البيفيت كاملة دزنا معاها عاد تم طالع سي سيد ديال جود عطا الكلمة ديالو و فتاتح الفرع الرئيسي و مغتخطرش عليكم شنو سمى الفرع ديالو ايه سماها ب ميساء&رميساء مكناش عارفينها حتى كالها لينا تما تﻻحينا عليه كنعنقو و راح البرستيج مع الواد و بداو الناس كيهنؤو فيه و هو واقف ملسقنا حداه و كيعرفنا على الناس و رميساء غير ساهيا شوية وهي تقفز
عند رميساء : كنت ساهيا كنفكر فداك اللون لي كان فعينيه لون غريب بزاف و نادر شوية وهي تجي عيني فعينين واحد الشخص اه كانو نفس اللون دغيا قفزت و نتابهات ليا ميساء و غمزاتني بعينيها زعما شنو كاين و درت ليها حتا من بعد و درت كنقلب بعيني على صاحب عيون الجن (بشااار هانتا خارج ليا حتى فالقصة زعما محال نتفاك منك اعشيري ياﻻه جاتك اعينين الجن)اه سميتو بهاد الاسم حيتاش عينيه غريبة مي ملقيتوش و رجعت كنسلم على الناس مع جود حنى عييت و ساﻻ الحفل اخيرا رجعنا مدكدكين اما واحد ﻻلة ميساء نعسات لينا فالطريق دخل جود هازها و جارني بيد حيتا كنت مرخية و صل القردة لبيتها حيد بيها صباطها و غطاها  و انا جرني لبيتي حطني حيد ليا صبتطي و غطاني
جود : تصبحي على خير الزين
انا : تصبح على خير الغول
جود : هه مقبولة منك الزين صيفط ليا بيزو فالهوا و مشا لبيتو جود هاكدا داير معانا بابانا التاني منين تزاديني هو لي كبرنا و هو لي حلينا عليه عينينا دايرنا بحال بناتو و كتر قاصح مع كلشي اﻻ معانا ديما مبين لينا غير الوجه الزوين هو مخاباراتي اه عﻻش تصدمتو انا فخباري غير كنمتل عليهم مفخباري والو هما عارفيني نية عﻻ داكشي مكالوهاش ليا مي انا عارفا و غنصارحهم اا عرفت حتاش جود كان تضرب برصاصة و كولشي كان مصافر و انا لي داويتها ليها حيتاش كنموت على شي حاجة سميتها الطب و جاتو السخانة و عاود ليا كولشي و بلي واحد المافيا هي لي ضرباتو و نقداتو واحد البنت و حتى هيا ضربات و معرفش فين مشات كالها ليا غير هاد الصيف و انا كنتمنى نعرف شكون هاد البنت بغيت نعرفها و حاسة بلي قريب غنشوفعا و نتعرف عليها ماعلينا خاصني ضروري نكولها ليه خاصو يعرف اني عارفا اوووفف راسي ضرني بقات افكار ديني و افكار تجيبني حتى غفيت الحمد لله غدا الأحد
عند ضمار توحشتو ه انا بعدا توحشتو هه
كالس فنفس البيت على فوطوي يد شاد بيها الطيلي و يد موقفها فالفوطوي و داير صبعو الصغير ففمو كيشوف فيها شحال حتى ناض و همس حدا ودنها
ضمار : مبقى والو ونرد ليك حقك ا #دعاء
خليكم تشواو شويا هه الاحدات بدات كتوضاح وغير خدمو راسكم بيزو كبيرا بزاف