هي :فتاة بريئة تتعرض للخيانة من طرف حبيبها و صديقتها فتتعرض للمشكلة تجعلها بين ايدي اخطر زعيم مافيا في العالم
هو :قوي متكبر شامخ اناني و يقتل بدون رحمة اقوى الرجال يخشونه متربع على عرش المافيا يقع اسير في حب مجنونته و طفلته فيصبح يعشقها بل مهووس ب...
هزها مالك و حطها في غرفتو و هو كيشوف فيها ... نضراتو مخلطين مرات بأعجاب و شي مرات بكره و الاهم بتعجب كيفاش جات للهاد الغابة .. كيحاول ميشوفش فيها و لكن كلما مكيبغيش يشوف فيها كيرجعوا عينيه ليها بشكل غير ايرادي منو .. نتابه للتصرفاتو وهو يحطها في الارض مالك بغضب:بففف اش كاندير ؟ خلاها مالك هكاك منشورة في الارض فوق واحد الزربية .... فاقت ايسون راسها كيضرها .. داز كلشي على عينيها مني تفكرات مالك اش دار للداك السيد ايسون بغضب ؛ مجرم قاتل السيد بكل دم بارد اععععع غادي ندمو ( المهم اللي كيقولوا غادي تخاف منو تحية ليكم 🤣🤣🤣🤣) دخل مالك كيشوف فيها بكل برود و هو يجر كرسي و قعد فيه كيشوف فيها هي اللي منشورة في الارض // الحوار بالمغربية /// مالك :تبارك الله الانسة بغيتي قهوة و لا كاس تاع العصير حنا في خدمتكم ايسون كتشوف فيه بنضرات كي القرطاس مالك ببرود : اووبس يا كما الانسة مقلقة علينا ناري كنخاف كنموت بالخوف بدوك الشوفات اللي كديري فيا ايسون ناضت من بلاصتها و قربات لللعندو حتى ولا وجهها في وجهو اما هو سها في عينيها الخوضر حتى كتصدمو بواحد مولاتي الدفلة منها ما كاين 😂😂😂 ( قفراتها ✌ ) مالك غمض عينيه للثواني حتى ولاو في الحمر كي الدم و هو يتنفخ للدرجة عرقو برزو بشكل غير طبيعي و لكن وخا هكاك بقات ايسون صامدة كتشوف فيه بأشمئزاز دفعها مالك حتى طاحت في الارض و هو يمد ليها رجليه مالك ببرود على عكس النار اللي فيه : ( مد ليها رجليه و هي كتشوف فيه بتعجب ) باش تبوسيها حيتاش اقل حاجة ندير فيك هي نحطك في العافية و نتي كتحرقي قربات ايسون للرجليه و هو كيشوف بانتصار حتى كيحس بعضة جاتها من عندها في رجليه معرف باش تبلى و هو يطيح بيه الكرسي حتى قلشوا ليه رجليه في السماء😂😂 ... ناضت ايسون من بلاصتها و هزات واحد الفاز كان قدامها يالله بغات تشيرو عليه .. عرف هنا مالك انه هادي واصلة السطاج للخر في الحماق ... يلاه بغا يقرب باش ياخد منها الفاز شيرات بيه عليه جاب الله خوى منو ... تعصب مالك تاع بصح و هو يضربها برجليه للركبتها حتى فقدات توازنها و هي طيح في الارض و هو يشد ايديها بايد وحدة و الايد لاخرى ضور بيها وجهها للعندو مالك بنضرات نارية :نتي دفلي عليا و من الفوق ضربيني ايسون كتحاول تفك منو :او نفوتك مزال المجرم قاتل السيد و من الفوق مزال معذبوا مالك : و نتي مخفتيش على راسك و لا اللي صيفطك مقالش ليك شكون انا ؟؟ ايسون : ها نتا شوف كلي كنترعد ،و شكون تكون نتا بالسلامة حتى نخاف منك مالك :اوووووغن الرجال كيترعدو لا شافوني و العيالات خلاص منقولش ليك و الزعماء اللي غير لا سمعو سميتي يحماقو تجي نتي دفلي عليا و ضربيني من الفوق اش كتصحابي راسك ااااااع و لكن غادي ندمك ايسون قربات للودنيه الشيء اللي وتر مالك حيتاش كيحس بأنفاسها عليه و هي تجمعها معاه بعضة في وذنيه حتى غوت مالك و هي ضربوا برجليها و هي تولي بحال الغروش جرات جرية وحدة .... مالك تعصب وصل للطوب طوب تاع الاعصاب .. تبعها كيجري محلفها فيها حتا كتبان ليه جاية كتجري للعندو و هو معرف باش تبلا و هي تلاح عليه عنقاتو و هي كتحرك معلقة فيه ايسون :ححح حلوووف امي حلوووف مالك كيحاول يحيدها ساعة للصقات فيه للصقة وحدة : اععع حيدي نمشي وشوف و لا نقتلو ايسون :اوكوووك غادي يشطب منا و هو كياكل الاخضر و اليابس مالك اعصب و جمع ايديها و رماها في الارض : عععع مكترصايش ( شاف فيها ) بقاي هنا هز مالك الفردي ديالو حتى خرج من الدار و هو يبان ليه الكلب تاع الصيد ديالو في وجهو ميكة كحلة .. مشا مالك حيد ليه الميكة و تم غادي معصب عند ديك جبادة البلا اللي عمرو شاف بحال ديك الكارثة متنقلة ... ايسون كانت كتاكل ضفارها متوترة حتى بان ليها مالك داخل و مضور بايديه ديك الميكة و مع ديك المطنغة عقلها كيفكر غار في الكوارث مشات كطير للعندو ايسون شدات ايديه حتى تصدم مالك : ويلي ويلي دارها الحلوف و عض ايديك ويلي ويلي الله يلغيها ليه و نتا اللي كطير كنتي تبقا مركن معايا حتى نشوفوا شي حل ( غمضات عينيها ) ها نتا انا غادي نحيد ليك الميكة و نداوي ليك ايديك و لكن متفزعش راه كاينين العمليات يلصقو ليك ايديك لا مشا كالها داك الحلوف صافي مالك اول مرة يحس بهاد الشعور عمر شي حد هتم به و في نفس الوقت عمرو شاف في بحال سذاجة هاد الكارثة المتنقلة بالنسبة ليه من بعد تفكر فعايلها و هو يشنق على عنقها حتى تقجات مالك :زيدي قدامي يا هاد المصيبة تم غادي بها مالك حتا دخلها للبيت اخر و هو يسد عليها بالساروت ايسون كضرب في الباب :وحل حل نشوف ليك ايديك مالها حل اوووف منك اما مالك تكا في الفوطوي و هو كيفكر في هاد البنت اللي دخلات للحياتو و الاهم كيفاش خافت عليه و مخافتش على راسها و هادشي بان ليه من عينيها ميخفاوش عليه هادشي و عارفها مكذباتش .. و دابا و لا حاير واش يقتلها حيتاش هي جاسوسة و لا يخليها حتى يشوف اخرتها فين تكون __________________________ جرح وسط المافيا بقلمي خديجة السباعي ) صراحة هاد الحلقة معرفتش شنو نسميها خليو الموضوع عليكم نتوما سيووو ❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
