جرح وسط المافيا

الحلقة الثامنة عشر

قعدو بثلاتة بيهم في طبلة وحدة كيتحط للفطور .... كانت نور كتحاول تهضر بغنج و بأنوثة مع مالك و لكن فاقد الشيء لا يعطيه كان مالك كيسمع هضرتها بحال شي كاسيطة في راديو خاسر في حين ايسون كتشوف مخنزرة فيها شوية شافت نور في ايسون و هي ايسون تقلب ملامحها بزربة للضحكة صفرة . هي تبدا تهضر نور
نور بالانجليزية : ايسون قولي ليا منين نتي ؟؟ سميتك تركية و لكن ملامحك برازيلية و لكن لكنتك بالإنجليزية فشكل يحالي تماما يعني اكيد الإنجليزية ماشي للغتك الرئيسية
ايسون شافت في نور بهدوء وخا مكتحملهاش و لكن خلاتها تنتابه من للكنتها يعني اكيد هي كتهضر باللغة خرى حيتاش كون كانت كتهضر بالانجليزية كلغة رئيسية كانت غادي تبان من لكنتها و لكن هي كتهضر بالانكليزية بدون لهجة أمريكية او بريطانية .. : اه انا كنهضر بالاسبانية و الانجليزية خديتها فقط كلغة عالمية
نور : امم و بخصوص اسمك ؟
ايسون : يمكن واليدية عجباتهم .
نور : اهاه و فين هما واليديك ؟؟
ايسون هزات كتافها : معرفتش ؟؟
نور كضحك باستفزاز و هي كتشرب قهوة : كيفاش معرفتيش ؟ يا كما نتي طفل غير شرعي ( هنا مالك خنزر في نور اللي جمعات القعدة )
ايسون بضحكة : هما معارفينش فين انا يعني حتى انا معارفاش فينهم عادي . ( شافت في مالك بحب و شدات ايديه اما هو كيشوف مستغرب ) كنشكرك مالك حيتاش ستقبلتيني معاك و قبلتي تخليني قريبة ليك و منساش لأيام للي دوزنا في امريكا .
نور تفقصات و هي تحمار بالاعصاب هزات صاكها و استئدنات منهم و مشات كتجري بالطالون هي كتخطط تهنى من ايسون .... اما ايسون متبعة ليها عينيها و عوالة ليها بالمزيد و المزيد
ايسون وقفات :بغيت نعلمك مني نحقق استقراري غادي نمشي و من ضيافتك و معمرني نسا خيرك ... رجعات ايسون للبيتها في حين مالك ورك على ايديه بالاعصاب و هو يرمي بالطبلة و ما فيها .....
مشات ايسون للبيتها يالله بغات تحل الباب و هي تسمع صوت نور كتهضر مع شي واحد في الغرفة المجاورة و هي دخل ايسون كتسلت للبيت و سمعات هضرات نور كلها مع شي واحد في التيليفون
نور : خاصك ضاروري تجيب داك المنوم نتلاقاو في الكلوب مني نديرو في الكاس غادي نديرو شغلنا كيف مولفين مفهوم
قطعات نور تيليفون و هي كضحك بشر :قريب تولي ديالي امالك قريب ..
خرجات ايسون و هي مشمئزة من خطة نور و قدرات تفهم انها باغا توهم مالك انه نعس معاها باش تلسق فيه و ثمتل البراءة ( في نضركم هادي هي خطة نور ؟ )
.... كان مالك باغي يمشي للشركة حتى سمع الدقان في بيتو و هي دخل نور ...
نور : خويا مالك سمح ليا على الازعاج و لكن نقد نطلب منك واحد الطلب ؟
مالك باستفهام : اه ممكن شنو باغا ؟
نور ببتسامة : اليوم غادي نرجع في حالي و لكن باغا نحتافل معاك بمناسبة عيد ميلادي في نايت كلوب تقدر تجي ؟( يالله مالك بغا يرفض و هي تكمل ) راه حتى ايسون عرضت عليها
مالك شاف باللي قربات منو ابسون مني جات نور وخا ممرتاحش ليها ولكن كلشي كيديرو على قبل محبوبتو
~~~~~~~~~~~~~~~~
في الليل ... في النايت كلوب التابع للفندق
Night club ⤵️⤵️