جرح وسط المافيا

الحلقة العاشرة ( مجنون )

دخل طفل صغير في عمرو 11 سنة هاز معاه اختو اللي باقا رضيع .. حتى كيسمع صوت الرصاص .. طلع للطابق الفوقاني كتبان ليه ماماه ناعسة في الفراش و الصدمة ناعس حداها راجل و من وضعيتهم باين كانو كيمارسو الجنس ... ضور عينيه كيبان ليه باه داير المسدس على راسو و من ملامحو اللي بسهولة تقدر ترجم منها انه تجرح و تجرح في قلبو مزيان بالدموع انتاحر اب مالك و معاها غوتا من طفل قسات عليه الدنيا و هو في سن صغير و صغير بزاااف
🔚🔚🔚🔚🔚
رجع مالك للواقع على صوت ايسون
ايسون ؛ مالك شنو واقع ليك ؟؟
مالك بغضب غوت بحال شي ذئب مجروح و هو يشوف في ايسون اللي خافت منو فعلا في هاد اللحضة .. كان جسمو تنفخ و عروقو بارزين و تزنك ولا بحال شي بركان و منساوش عينيه اللي ولاو حمرين بحال شي عافية ..
مالك ببرود على عكس مكيبان : عارفة شنو اكثر حاجة مكنحملش ؟
ايسون مصدومة اش هاد السؤال و في هاد الوقت بالضبط : م معرفتش مالك واش نتا مزيان نن...
قاطعها مالك بعدما حط ايديه على وجهها و هو يقربها ليه حتى وصلات للعندو و ساط على وجهها حتى غمضات عينيها : انا نقول للحبيبتي ( تصدمات ايسون و حلات عينيها و هي تشوف فيه بخوف من حبيبتي )
كمل مالك هضرتو : الكذوب و زيد عليهم ( قرب للوذنيها و همس بصوت كيبورش ) الخيانة
و بدون سابق انذار هز ايديه حتى للسماء و هو يضرب ايسون حتى طاحت للارض
بدات ايسون كتبكي حيتاش قصحها بنجها ما بقاتش كتحس بحنكها و هي ضور كتشوف فيه بغضب .. قرب ليها مالك و بدا كيشوف في دموعها اللي كينزلوا وحدة ورى وحدة من بعد قاس حنكها حتى تأوهات بألم و هو يبقى كيشوف في عينيها اللي تاه فيهم مرة خرى
مالك كيشوف في عينيها بحب و هوس و بدا كيهضر بحال شي حمق هبيل :لا لا نتي ماشي بحالها انا انا نقد نشوف اللي كيكذب من اللي كيقول الصراحة نتي زوينة ( كيقيس في شعرها بشوية اما هي بالصح بدات كتخاف و لكن ماشي منو بل عليه ) و بريئة و ضريفة و قلبك بيض ياك ( شافها ساكتة و هو يغوت ) ياااااااااك ( حركات راسها بأه و هي كتبكي ) ششش لا ما تبكيش ما تبكيش ( كيمسح دموعها ) فراسك نقوليك شي حاجة بيناتنا ( كيهضر بشوية ) انا قتلت اول مرة في حياتي قلعي عمري كان شحال ( كتشوف فيه مصدومة ) جاوبي ( غوت حتا فزعات و هي تجاوبو كتمتم ) عندك 25 عام ؟ ( حرك راسو بلا بشوية ) تأتأتأتأ ( قرب للوذنيها حتا كتحس بأنفاسو عليها ) 11 العام ( غار سمعات كلامو صفارت بالخلعة داتها كلها كترعد و هو يبدى مالك كيشوف فيها و كيتأمل كثر في عينها و هو يبدى كيهلوس عاوتاني بكلمات مقدراتش تفهمهم و هما يتقلبو عينيه للبحال نضرات شي واحد مهووس مدمن و هو يقرب للشعر ايسون كيحرك فيه بشوية من بعد شد زغبة من شعرها و هو يقطعها حتى غوتات بألم و هو يقربها للنيفو و شمها مغمض عينيه من بعد شد شعرها بالجهد قربها ليه و هو يقرب نيفو للشفايف ايسون اللي كانت كترجف بالخلعة حتى شافتو بدى كيهضر معاها
مالك بنضرات شي واحد حمق : واش خلعتك؟؟ ( حركات راسها بأه و هو يبدى كيضحك بالجهد بحال شي حمق هنا ايسون طاح منها النصف و هو يهمس ليها ببطء بحال شي فحيح افعى ) باقي غادي نخلعك و غادي نزيد نخلعك عرفتي علاش ؟ حيتاش نتي ديالي ديالي بوحدي ( و هو يتلاح على شفايفها كيمص و يعض اما هي محاولاتش تمنعو كتقول خلينا نفكو السلة بلا عنب هي متأكدة وخا فاقدة الذاكرة عمرها خافت من قبل بحال هاكا .. سالة مالك تشلقيمو و هو يقرب عاود لحس ليها شفايفها : امممم لذيذة ( و هو ينوض يمشي يبرد على العلام 😂)
ايسون مصدومة خلاها كلها كترعد : اويلي هادا حمق حمق و الله حتى حمق ( كتشوف في الباب ) نمشي من هنا حسن ميصدق قاتلني اويلي قاتل و هو في عمرو ١١ العام .. ناضت كتجري باش تخرج من الحبس اللي قريب يبنيه ليها
... سالا مالك الدوش ديالو على خاطرو كيمسح شعرو بالفوطة و مني خرج ضور عينيه ما بانتش ليه ايسون و عرفها هربات و هنا بدى كيضحك بحال شي هبيل
مالك : وينو وينووو هربتي المشيشة ديالي دغيا خفتي مني هادشي باقي ما كملناش العام مع بعضياتنا ماعرفت شنو غادي ديري في حياتنا كلنا ( قلب ملامحو للواحد حمق ) معلووم انا مغاديش نتخلى عليك غادي نسد عليك وسط 4 تلحيوط حتى شي واحد ميشوف فيك و اللي شاف فيك نعمي ليه عينيه لا لا انا ماشي نعمي ليه عينيه انا غادي نخلي الكلاب ياكلوه و قدامك هاهاها ( ضحك بجنون من بعد شاف في الباب مشا ليه حتى قلعو ) و نتا غادي نتفاهم معاك خليتي روحي تهرب مني و عاونتيها و لكن مستحيل نخلي الحاجة اللي رابطاني في الدنيا تمشي من بين ايدي تؤ تؤ تؤ
_______________
جرح وسط المافيا بقلمي خديجة السباعي