جرح وسط المافيا

الحلقة خامسة عشر

Vote + comments = بارت جديدة
___________________-__________-^___________-
ايسون كتهضر مع مالك : مالك فين مشيتي بقيت كنقلب عليك
مالك ناض للعندها و شدها من ايديها هادشي قدام نور اللي ماتت بالفقصة و كتقول شكون هادي : واقعة ليك شي حاجة ؟؟
ايسون شافت في نور كتشوف فيها و باين مفقوصة و هو يطيح ليها الشك شوية هي تحول عينيها للمالك اللي كان كيشوف فيها بقلق و هي تبتاسم ليه :كنت باغا نقول ليك ديني نشوف مدينتك
مالك :اممم ماشي مشكيل غادي نطلع نجيب حوايجي و ها انا معاك ( ضار للعند مدام عائشة باس ايديها و هو يودعها انا نور سلم عليها و هو ممسوقش اما نور كتموت بالغيرة من ايسون و كتبلاني باش تهنى منها ...
________
سايق مالك حداه ايسون و هي كتشوف في مراكش و طرقانها و كتحس بحالة عاشت و عارفة هذ البلاصة ماشي اول مرة ليها ..... وصلوا للجامع الفناء اللي كيكون عامر في الليل ... شد مالك ايدين ايسون و هي كتشوف فيه ببتسامة و كتحس بقلبها كيدق و كرشها كتهرها ... بقاو كيتمشاو و هما ساكتين كيشوفوا في الناس غادين و جايين و اغلبهم كيشوفوا فيهم حيتاش كانو كوبل زوين عاد لي غارد تابعينهم وراهم وخا ملابسينش لباس رسمي و لكن راه ديك المنطقة كيبان ليك فيها غار المكلضمين و التيتيز ... حتا كيبان للايسون شي واحد هاز القرودة و هي طير للعندو و مالك تابعها كيضحك ....
ايسون بالانجليزية :مالك بغيت نتصور معاه
مالك بالدارجة و لكن قدرات ايسون تفهم هضرتو : عطيها تصور مع القرد
حط الحلايقي القرد في عنقها و هي تصور معاه ايسون و كادير بوزات كيخليو مالك كيموت بالضحك بزز حابسها .. لاح مالك ليه 200 درهم حتى كتبان ليه نقزات عاود للفاعي و نفس الشيء تصورات معاهم .. من بعد مشاو للدوك الشويات اللي في الساحة ... حتا شمات ايسون ريحة عجباتها و هي تنقز لذاك المطعم و مالك تابعها كيضحك ...
ايسون بالإنجليزية: اممم شنو كطيب
الطباخ مفهمهاش و لكن مالك ترجم ليه : شنو المأكولات اللي كطيب ؟
الطباخ كيضحك حيتاش كانت ايسون كتشم بحال كلب و هو يجمعها معاها مالك :اي واش منيتك ؟؟
مالك :شوفي نتي بحالة عمرك شفتي الماكلة كتشمي بحالة شي كلب مابقيتيش قطيطة و ليتي حتى مش
ايوى بقاو مني منك و الطباخ كيضحك .:، الله يخليكم للبعضياتكم
مالك جبد ديك الضحكة حتى بانت ليه ضرسة العقل :اميييييين
اما ايسون تزنكات مني سمعات جواب مالك و هي كتحس بروحها كتنقز ... حتى حط ليهم السرباي مختلف مأكولات الشوى بأنواعه ..بدات ايسون كتاكل و كتلذذ كتحس بحالة يالله رجعات ليها روحها ...
مالك :عجباتك الماكلة ؟
ايسون :الاكل المغربي لا يعلا عليه بصراحة
مالك :، عندنا بزاف التقاليد خاصك تعرفي عليهم من بعد و نقولهم ليك (كيصحابوا معارفاش المغرب 😂😂 )
ايسون كتفات بالصمت هي قادرة تفهم الدارحة و لكن كتحس بحلقها مقادش ينطقها .. حتى كيسمعوا شي واحد كيعيط و هو يضوروا بجوج بان ليهم 2 دراري صغار على مزيناتهم كانوا دري و بنت و حالتهم و حوايجهم موسخين و البنت مكمشة في خوها
الدري :عفاك وخا تعطينا ماكلة اسيدي
ماحس بيه مالك حتى غبر من عينيه و هو يبان ليه السرباي كيجر ديك البنت و الدري كيغوت عليه
الدري كيضرب في ايدين السرباي : طلق طلق من ختي اكرام واش كيقصحك ؟ ( اكرام سميت ختو )
اكرام كتبكي على حر جهدها حيتاش داك السرباي وعتها :طلقني عمر عاوني 😭😭😭
مالك حمار و هو يغوت على السرباي حتى طلق منها بلا هواه : طلق منها ياااا ولد ال ( يالله كان بغا يزبلها عاد عرف راسو فين هو و يطمر اما داك السرباي مشا فحالو و هو يجر مالك عمر اللي خاف منو اما ايسون جرات اكرام للعندها
ايسون : الزوينات بحالك مكيبكيوش ياك ؟
مالك : قوليا فين هما عائلتك ؟؟
عمر : خلاونا انا و ختي بوحدنا
هنا مالك تفكر ختو اللي عيا يقلب عليها و ملقاهاش و كلما كيتفكرها قلبو كيتقطع بالندم و لكن ما باليدي حيلة
مالك : صافي متبكيش و كون راجل ( غمز مالك لاحد رجالو و جا خاد عمر و اكرام قرر انه يتكلف بيهم .. اما ايسون لاحضات توتر مالك و هي تقرر تسولوا )
ايسون :شنو وقع ليك ؟؟
مالك : والو لا ساليتي يالله نمشيو
خلص مالك و هو يشد ايدين ايسون اللي ساكتة كتشوفوا كيفاش تقلب دغيا حتا زيرات ايديها اللي شاد مالك و هي توقفوا
ايسون : عاود ليا مالك ؟؟
مالك كيحك في جبهتو :والو ما واقع والو
ابسون ضربات رجليها مع الارض :و الله منتحركوا حتى تعاود ليا فهمتي بزز منك و ايديك فوق راسك
مالك ضور عينيهعينيه فين كاينين :اه وخا و لكن ماشي هنا
ايسون بفرح :مزيان ( شافت محل تاع الغلاس كيكون في البرانس ) تسنى بغيت غلاس
مالك كيضحك : واش من مشة بيتي تولي دبة
ايسون : اياه بزاف عليك
مشات ايسون طلبات جوج غلاس بجوجهم تاع الشكلاط حتى كتشوف شي واحد جا حداها و كيعيط ليها بسمية #غيتى
_________________
ما بقا والو و نسالي القصة يعني قولوا انا في النصف دابا .. و الاهم ما بقا والو و يعتارف مالك بحبو للغيتى عاد تماك غادي نجرجرو مزيان 😂😂😂 و لكن تفاعلكم 0 كنت ناوية نطولها ولكن بدلت رأيي عاد قريب نشر قصة ليا ما كنتش باغا نزيد قصة خرى و لكن قررت نكتب على قصة واقعية كذكرى تخليد واحد الانسانة اللي بكيت انا و بكات بزاف القلوب عارفاها مسؤلية باش نحاول نقل ليكم احاسيسها ليكم و لكن نشأ الله يعاوني