تجارب انتهت بالهاوية

بارت٤

دشت اشواق و بمجرد ما قعدت يم شلتها الا
مريم: ها سويتيها
الاء: كفو حبييي
انوار: نار القصه
حور: اي عجيبه شكلج غير
الابله التفتت و طقت على الطاوله: سكتي انتي وياها بشرح الدرس
البنات كلهم سكتوا
اشوي و لا الابله راحت حق اشواق
الابله رزان: انتي ماتفهمين لما قلت لج دشي بس بدون صوت؟
اشواق تستعبط: امبيه سمعتينا؟
الابله رزان: تستعبطين؟
اشواق باستعباط اكثر: لا حرام عليج
البنات اللي بالصف ضحكوا جان الابله تلف عليهم كلهم معصبه و تصرخ: سكتوا انتوا
البنات خافوا و سكتوا جان مريم تقرص اشواق و تقول لها: خلاص عصبت خليها
اشواق: ابله شفيج؟
الابله معصبه حيل: قومي اوقفي ورا اشوف يلا
اشواق تحاول تنرفز الابله اكثر : بس ريلي تعورني
الابله سحبتها من يدها و قربت يم اذونها و قالت لها بصوت محد يسمعه غيرهم اهما الاثنين: لا تحاولين تسوين نفسج قويه و لا تره والله الحين الزقج بالدرج و اشفشفج و اقطع لج شفايفج تمام؟ ( و دزتها )
طبعاً خافت اشواق و بلعت ريقها شوي شوي عشان ماتبي الابله و البنات يلاحظون
الابله: يلا على الطوفه اشوف
اشواق بصمت قامت ووقفت على الطوفه
بعد الحصه
حور: اشواق شفيج؟
اشواق: ماكو شي بس بروح الحمام تبين شي؟
حور : لا ابد
راحت اشواق و كانت متضايقه و لا تدعم روان
روان: عميه؟
اشواق رفعت راسها و لا تشوف انها روان : اسفه ماأنتبهت الا شلونج؟
روان استغربت لان ماعرفت اشواق بالقصه : هلا اختي اعرفج؟
اشواق تغمز لها: افا ماعرفتي المخالفه؟
روان عرفتها : اوححح هذي انتي؟ ما عرفتج غيرتج القصه بس حلوه والله
اشواق ابتسمت: ايي بس تره مو بويه انا
روان: اي ادري خو ما قلت انا شي ههه
اشوي و لا اتيي ريم رفيجه روان
ريم: اهلا منو هالحلوه؟
اشواق: معاج اشواق
روان: هذي اللي امس بالحمام سالتي منو هذي
ريم: بس هذيج كانت غير
روان: اي قصت شعرها بوي
اشواق باستعباط واضح: بس مو بويه 😂
ريم عرفتها: ايي اهلا بالمزهه هلااا والله
اشواق استحت شوي: هلا فيج يا؟
ريم: ريم اسمي ريم يا قلب ريم انتي ههه
روان تضايقت شوي لان تدري ورا هالكلام كله شنو جان تقول: ريم روحي عند الشله و بعدين الحقج
ريم حست فيها: شفيج ماني ماكله البنت انا
روان: مو عن بس روحي ابيها بروحنا اشوي بكلمها
ريم: افف انزين يلا اخليكم
وراحت ريم
اشواق: خير؟
روان: لا بس كنت ابيها تروح و شسمه
اشواق : هلا؟
روان: حاولي تبعدين عن ريم
اشواق باستغراب : ليش؟
روان: لان ريم من النوع اللي تلعب على البنات و تغ*** و من هالسوالف و توه قام تمدحج مو على الله اهيا قام تقول جذي عشان تبيج تحبينها و تستغل الفرصه
اشواق بصدمه: تمام
روان: لا تنصدمين او تستغربين ادري انها رفيجتي و المفروض استر عليها و ما افضحها و أدافع عنها بس هذا عيب فيها و خايفه عليج منها مع انها رفيجتي حيل و لان مابيها تسويلج شي فاذا يت لج تسولف سولفي معاها بس يعني اذا قالت خالنروح الحمام او شي لا حاولي ساعتها تطلعين عذر و بعدي عنها خلج مو حيل معاها حلو؟
اشواق ابتسمت: اوك
اشوي و لا تلم اشواق روان: مشكوره ياقلبي انتي
روان تجمدت و خقت و داخت بنفس الوقت : العفو بس مابينا ياقلبي انتي
اشواق استوعبت جان توخر و تقول : يلا تبين شي؟
روان: لا بس اذا فاضيه بتمشى معاج انسولف و منها نكون صداقه و نعرف بعض اكثر شقلتي؟
اشواق: تمام انا فاضيه بس بروح الكافتيريا اشتري لي ماي و ارجع
روان: عيل انطرج اهنيه انا
راحت اشواق الكافتيريا و لا...
شنو تتوقعون صار،؟ تبون اكمل؟ تفاعلكم💗