تجارب انتهت بالهاوية

بارت ١

بالمدرسه .. بطابور الصباح
كانت أشواق واقفه عند صفها و اهيا حيل متضايقه لان اول يوم دوام بعد عطله .. كانت تكلم نفسها و تتحلطم .. اشوي و لا توقف يمها رفيجتها مريم ..
مريم وحده من رفيجات أشواق و اهيا تعتبر الأقرب يعني مع انه كلهم نفس الشي تشوفهم أشواق ..
مريم: شفيج شتقولين انتي ،؟ مينونه تكلمين نفسج و مادري شتخربطين؟
اشواق كانت مطنشتها و تكمل تحلطم
مريم ادزها على جتفها : قاع اكلمج لا تطنشيني انتي و هيييي ليش واقفه بروحج
اشواق عصبت شوي : نعم خير شتبين احد قالج تعالي و قولي لي اني مينونه ليش اني اتحلطم؟! شتبين ها؟ ( طبعاً نسيت اقولكم انه اشواق بسرعه تعصب)
مريم تضحك: اوك هدي شفيج معصبه جذي شوي شوي خفي علينا يا عصبيه ههه
اشواق : اقول جب مالي خلق احد بس
مريم : افا ليش؟
اشواق : بعد ليش بالله؟ اليوم دوام و قاعده مبجر..
اشوي و لا اتيي الابله و تمسك ملابس اشواق من ورا و تقول لها : لا تسولفين لا اوريج شلون يا حماره انتي وياها
اشواق: عن الغلط ابله و نزلي ايدج احسن لج اوك؟
الابله ابتسمت : اي خير انشالله و صج تعالي يلا عند المخالفات
اشواق تستعبط: ليش ابله؟
الابله : ليش؟! انتي شايفه جوتيج احمر و نفنوفج ضيج و قصير لا و بعد صبغ أظافر اسود و الاظافر اطول من جبهتج ها؟! و الاكسسوارات؟! و و..
جان تقاطعها اشواق: اوك اوك خلاص بروح اففف
راحت اشواق عند المخالفات و طبعاً كان في وايد بنات مخالفات مع انه اول يوم ههه
وقفت اشواق يم وحده مبين عليها بويه
لفت اشواق و شافتها كانت شوي اطول منها يعني تعتبر عاديه اما اشواق قزمه
شافت اشواق البويه شعرها أشقر مصبوغ يعني و لابسه قصير شوي و مبين تحت مريولها بنطلون اسود و البويه هذي كانت باختصار حلوه ..
قالت اشواق بداخلها : هذي شنو المخالفة فيه؟ ! ( جان تطالع تحت و لا تشوف انها لابسه دلاغ ملون احمر و اصفر و ازرق ) أضحكت اشواق لما شافت الدلاغ
انتبهت عليها البويه جان تقول لها : خير اكو شي؟!
اشواق شوي خافت لان كان صوت البويه خشن كأنه صبي بس كانت البويه جميله تخقق و مبين اشكرهه انه هالبويه تدخن من صوتها الخشن المهم : لا ولا شي
البويه : امبلا اكو شي . ليش ضحكتي لما طالعتي فيني؟
اشواق : والله ولا شي بس تذكرت شي و ضحكت
البويه : عبالي بعد .( جان تطالع اشواق من فوق لما تحت و اهيا تعض شفايفها لانها خقت على شكل اشواق و شعرها اللي لامته فوق ذيل حصان ) و انتي بقى مخالفه ما خالفتيها؟!
اشواق: كيفي عاد
البويه : ايي مو عن جذي بس جان على الاقل خففتي من شي واحد بس المهم ما علينا معاج روان صف ١٢
اشواق استانست لانها عرفت اسم البويه و صفها و حاولت تمسك الابتسامه و اهيا تقول : تشرفت و معاج المخالفة الحلوه اشواق صف ١١ هههه
المهم بعدها جات الابله و عطت البنات نصائح و سجلت اساميهم عشان اذا عادوا الكره مره ثانيه و راحت كل طالبه على صفها .
بالصف دشت عليهم ابله اجتماعيات قصيره شوي و قاصه شعرها بوي حلو و الابله كانت لابسه جينز و تيشيرت على الجوكر حلو كان وايد .. المهم البنات اللي بالصف نصهم قعدوا يحشون و يقولون امبي الابله بويه و من هالحجي يعني
مريم راحت عند أشواق و قالت لها : امبي الابله حلوه و حلو التيشيرت مالها حيييل حبييت
أشواق : عندي مثله بس لونه اسود و همن صوره الجوكر عليها .
مريم: انزين شفيج جنت تغارين هه
أشواق عصبت : جب شكو حماره انتي بس قاع اقول انه عندي نفسها
مريم: اوك شفيج اليوم
الابله : بنات يلا قيام كلكم
البنات كلهم اوقفوا
الابله: حبيت اعرف على نفسي انا اسمي ابله رزان و الحين دام انه اول يوم اخذوا راحتكم بس بدون ازعاج و خصوصاً الشله اللي ورا ( اشرت على اشواق و مريم و اللي ورآها )
خلصت اول حصتين و بدت الحصة الثالثه و كانت احتياط
كان وقتها اشواق و رفيجاتها يلعبون لعبه تحدي و صراحه و جا وقت مريم تسال اشواق
مريم: تحدي و لا صراحه تبين شواقه؟! هه
اشواق : تحدي طبعاً هه
مريم: أممم خالافكر ،. ويت تبينه صعب و لا سهل يعني قوي ؟
اشواق: اي اكيد ياعومريي هه
مريم : لقيتهااا يا عمر عومريييي هه
اشواق: يلا عيل خلصي
مريم: اتحداج باجر اتيين و انشوفج قاصه شعرج بوي و تعيشين يوم كامل بويه هه
اشواق:...(تتوقعون شنو ردها؟)
تبون اكمل تفاعلكم...