تجارب انتهت بالهاوية

بارت ٢٢

روان: لانها حبيبتي خلصي شتبين منها؟
ريم: عازمتها باجر حق بارتي ببيتي وانتي بعد تعالي
روان: اوك باي
عند ريم
ريم دزت بالقروب : تم والباقي عليكم انتو باجر بالبارتي
نرجع عند روان و اشواق
اشواق قعدت من النوم: ها منو؟
روان: ريم عازمتنا حق باجر بارتي
اشواق نقزت: اللله بارتي
روان: جب جب و من قال بخليج تروحين؟!
اشواق: لاوالله؟!
روان: اي ماتروحين
اشواق تسوي نفسها تبجي: تكفين بروح و انتي معاي بليييز
روان: كلش موجوي بارتي
اشواق: بليييييز:(
روان: خلاص تمام بس ماتلبسين قصير
اشواق استانست: مشكووووره( وباست روان حيل و رجعت نامت)
روان ضحكت: هذي موصاحيه
ثاني يوم بليل بالبارتي
ريم: هذي متى اتيي
ابله رزان فجاه يت وراها: ها وصلت؟
ريم: انتي تستعبطين؟! دشي الغرفه ولا تطلعين منها عشان يمشي اللي خططنا له
ابله رزام: انزين (وراحت)
اشوي ولا يدشون روان وأشواق
كانت اشواق لابسه جذي👇🏻

بس اشواق شعرها بوي لا تنسون فمو نفس الصوره:)
و كانت روان جذي لابسه👇🏻

اول مادخلوا راحت ريم لهم
ريم: هلوو نورتوا تره كلش ماتوقعت بتييون
اشوي ولا
ريم: تعالي روان معاي اشوي اوريج غرفتي اليديده
روان: تمام تعالي اشواق
ريم: لا بس انتي تعالي اسفه اشواق بس نطري اهنيه
روان شوي عصبت بس مشت
اشواق ظلت ناطره
اشوي ولا يدخلون ثلاث بويات كان شكلهم حلو و شكلهم يعني يجذب
راحوا حق اشواق
كان اسمهم ندى و كوثر و شيماء
ندى: هلا بالحلو والله شلونج و شسمج و سنابج
اشواق : نعم؟
شيماء: شفيج سمعتي شقالت ندى؟ سنابج و اسمج
اشواق: ماعرفكم تره فنعم؟ اسمي اشواق بس نعم شنو سنابج ؟
ندى: خلصي مانبي رسميات الاخت مرتبطه؟
اشواق: اي وحبيبتي اهنيه تره
كوثر ضحكت: يعني بتخوفينا؟
اشوي ولا اتيي ريم
ريم: هلا بالربع هلا شلونكم
ندى: هذي اللي اتفقنا؟
ريم توترت و طقت كتف ندى: اي اي جب سكتي
اشواق مستغربه: مافهمت شنو اللي اتفقتوا؟
ريم: لا ولا شي الا صج تعالي معاي روان ناطرتج فوق
اشواق: تمام
ريم: سبقيني عند الدري الحين انا يايه
راحت اشواق
ريم: يلا الحين يبدي اللعب ههه
كوثر: الحين نسوي اللي قلتي؟
ريم: اي
شيماء: بس روان؟
ريم: تصرفت معاها
راحوا حق اشواق
ريم: يلا تعالي معاي فوق عند روان
اشواق حاسه انه مومرتاحه
اشواق: تمام
راحت معاها فوق و اول ما بطلت ريم الغرفه ولا!
اشواق مصدومه و الدمعه بعينها: شنووو؟!
روان فزت: هااا اشواق من متى و انتي واقفه؟
تتوقعون شنو صار؟! ادري البارت قصير بس حبيت اكمل شوي
تبون اكمل ؟
تفاعلكم حبايبي❤️