#فتاة_داعية
#اصول_الوصول 8
الجرعه الثامنه
#عقبه_العوائق
كنا قلنا المره اللى فاتت ان فيه اربع اعداء واقفين ف طريقك وانتى مقبله ع الله #فاكراهم
1.#دنيا_بجيشها من فلوس وذهب وزينه وأطيان وبيوت و و و
2.#الناس_بجيوش من المضايقات والانتقادات والغيبه والنميمه وحب التفاضل والأنانيه و و و
3.#الشيطان_بجيشه ومقسمهم تقسيمه محترمه
⬅فريق يمنعك تقومى تصلى ⬅وفريق لو صليتى يخليكى مش مركزه ⬅وفريق يتقل عليكى العباده ⬅وفريق يخليكى تتباهى بعبادتك⬅ وفريق للصدقات لو تصدقتى ما يتركك قبل ماتخسرى ثواب الصدقه اللى تصدقتيها لأنه بيشجعك ع المن
4.#والنفس وما ادراك ما النفس دى #حكايتها_حكايه لأن هى نقطه ضعفك وهى مفتاح دخول الشيطان ع قلبك وهى سبب كل اللى احنا فيه
وكنا اتكلمنا عن الدنيا باستفاضه شويه وفهمنا انها عدوه
لما حبها بيستحوذ ع قلوبنا وكنا ف انتظار الطريقه اللى تخلينا نقدر نسيطر ع حبنا للدنيا
🧐🧐🧐
سمعتى عن #الزهد
🤦♀اه بتاع الدراويش
لا بتاع سيدنا محمد عليه الصلاه والسلام #سيد_الزاهدين.
بتاع سيدنا عمر بن الخطاب اللى لم يكن يملك غير عباءه واحده مرقعه بها 24 رقعه ف يوم اتأخر عن صلاه الجمعه عشان مستنيها تنشف
👀ايوه يعنى امشى بهدوم مقطعه
لا..... طب فيه ناس مش لاقيه غير الهدوم المقطعه تلبسها بس قلبها متعلق بالدنيا ونفسها يكون عندها وعندها وعندها🤔
✋#الزهد هو #انقطاع_تعلق_القلب_بالدنيا
سيدنا محمد عليه الصلاه والسلام كان يقدر يسكن ويعيش كما يعيش الملوك لكنه مش حابب مش عايز قلبه مش هنا مش الدنيا دى اللى تفرق معاه
سيدنا عمر كان امير المؤمنين كان متحكم ف بيت المال يعنى وزاره الماليه بس قلبه ماكانش هنا قلبه كان فووووووق
سيدنا مصعب بن عمير ملك زمانه ودلوعه عائلته لما حب يهاجر اخدوا منه لبسه المستورد وحزاءه الثمين وحصانه الاصيل وحرموه من الخير اللى عايش فيه ...مافرق معاه كل دا قلبه مش الشكليات دى #قلبه_ف_عالم_تانى
#الزهد مش انك مايبقي معاك
لا... #الزهد هو ان قلبك مايتعلقش باللى معاك
يعنى يستوى عندك الذهب والتراب
🙄🙄ايه بتقولى ايه دى مثاليه اوفر
فعلا دى مثاليه ولما توصلى لربنا هتلاقى نفسك عايشه المثاليه دى
🤕بردو مش فاهمه ازاى
اول ماتشغلى قلبك برضا ربنا بتلاقى تفكيرك ف الدنيا بيقل
ممكن تبقى غنيه اوى اوى بس قلبك زاهد
لان الزهد مش التخلص من مظاهر الدنيا لا
الزهد هو التخلص من حب الدنيا
يعنى الزاهد مش لازم يكون فقير لأنه زى ماقلنا لو نفسه يكون غنى يبقي مش زاهد
ولو غنى وقلبه مش متعلق بالدنيا يبقي زاهد
اعتقد كده فهمتى يعنى زهد
يبقي بمجرد انشغالك برضا ربك هتقدرى ع اول عدو بيواجهك
لأن حب الله وحب الدنيا لايجتمعان ف قلب واحد
تعرفى ان سيدنا عمر بن الخطاب كان بعت رساله لوالى بصره بيقول له فيها
تحوط من النعمه تحوطك من المعصيه فلهى اخوفها عندى عليك ان تستدرجك وتخدعك فتسقط سقطه سقطه تصير بها الى جهنم اعيذك بالله وأعيذ نفسى من ذلك
يعنى ايه الكلام دا 😞 يعنى بيقوله خد بالك من النعمه زى مابتاخد بالك من المعصيه لانها ممكن تستدرجك وتنسيك رضا ربنا وذكره وعبادته ما إنت ف نعمه بقي
مش احنا دايما مابنذكرش ربنا غير ف الضراء
طب بالله بتذكرى ربنا كده ف السراء
يبقي ناخد بالنا من النعمه والا لأ
🤦♀🤦♀🤦♀طب انا كده بدأت افهم بس ممكن تقربيلى معنى #الزهد اكتر👀
هقولك👇
الرغبه ف الدنيا طبع
#والزهد_ف_الدنيا_بصيره
🤔#بصيره.؟؟؟؟؟
ايوه بصيره ازاى
لو حد عملك اكل شكله حلو اوى اوى وريقك بيجرى من ريحته مش قادره تقاومى احساس انك تاكلى لكن فيه #سم
#هتعملى_ايه؟
بصيرتك هتقاوم رغبتك هتساعدك ....وصلت!!؟🧐
اه فهمت بس انا قلبى مش متعلق بالدنيا اصلا يعنى عادى انا راضيه بأقل حاجه وبقول الحمد لله
✋الحمد لله ولكن
لو لم تشغل الدنيا قلبك. لما شغلت وقتك
🤦♀🤦♀🤦♀🤦♀🤦♀🤦♀
كل الحكايه انك تعلقى قلبك بالله واشغلى وقتك بمعرفه الله ورطبى لسانك بذكر الله
والزهد هتحققيه لما #تمتنعى_عن_الحرام
👈الامتناع عن الحرام .زهد.
والدرجه الاعلى ف الزهد هى الامتناع عن الزائد عن الحاجه
👈#الامتناع_عن_الزائد زهد
✋الزاهدة ف الدنيا هي الراغبة ف الاخره
المره الجايه هكلمكم اكتر عن الزهد من كتاب #الصدق لأبى سعيد الحراز لأنه مش بس بيعرف الزهد لا دا كمان بيتكلم عن #الصدق_ف_الزهد
................
