#فتاة_داعية
#اصول_الوصول 7
الجرعه السابعه
#عقبه_العوائق
نحتاج للإستعانه بالله لتخطيها فهى صعبه جدا
فمن الامور التى تعيق الوصول الى الله
👈الدنيا
👈الناس
👈الشيطان
👈النفس
تخيلى انتى لوحدك حواليكى اعداء مش واحد والا اتنين.. لا..دول اربع أعداء وف منهم عدو جواكى🤦♀#نفسك..😱 #نفسك_عدوتك
تعالى نبدأ بأول #عائق_ف_عقبه_العوائق وهى الدنيا
انتى تعرفى ان حياتنا بتمر ب 5 مراحل
1⃣المرحله الاولى لما ربنا أخرج من صلب سيدنا ادم عليه السلام كل ذريته وأشهدنا وقتها ألست بربكم
كنا وقتها عباره عن أرواح شوفنا فيها حياتنا ومصائرنا . وكان ربنا عارف بأسبقيه علمه مين أهل الجنه ومين أهل النار .
2⃣المرحله التانيه
#مرحله_الدنيا👈ودى اقصر وأخطر وأعظم وأكبر مرحله.....ليه🤔 لأن فيها بنحدد مصيرنا ف الثلاث مراحل اللى بعد كده
مدتها 👀60 سنه او 70 80 90 بالكتير وممكن تبقي 20 او 30 او اقل كمان
عشان كده هى #قصيره_جدا بالنسبه للمراحل اللى بعد كده
3⃣المرحله الثالثه👈 #مرحله_اللحد (القبر)
مدته ..1000 سنه طبعا اكتر 2000
ممكن مليون سنه
وممكن ملايين السنين
تخيلى ملايين السنين قعداهم ف قبرك بتتعاملى بناء ع اللى قدمتيهم ف ال40 او ال50 سنه اللى عشتيهم ف الدنيا
4⃣المرحله الرابعه👈 #مرحله_الحشر ويوم القيامه
مدته خمسين الف سنه
ويا اما #مفزوعين ومنهارين من هول اليوم العظيم
يا إما ف #ظل_الله بسبب تمسكك بدينك ف ال خمسين سنه بتوع الدنيا
وبينك وبين جهنم مسافات بسبب ايام الصيام النوافل اللى كنتى بتصوميها ف الدنيا اصل اليوم الواحد بيبعد بينك وبين النار سبعين سنه فشوفى بأ تحبى تبعدى عن النار مسافه كام سنه
5⃣ المرحله الخامسه👈#مرحله_الخلود
يا اما جنه....يا اما نار
#خلووووووود
وبردو مكانك بيتحدد بناء ع الكام سنه اللى عشتيهم ف الدنيا
...................
تبقي #الدنيا_عائق مهم وخطير
الدنيا هى #باب_الوصول الى الله
الدنيا هى #معراج_المعرفه بالله
#الدنيا_عدوة_الله
هى خداعه لا تصفو لأحد من تعطيه مالا أخذت منه صحته ومن أعطته مالا وصحه أخذت منه راحه باله وقربه من الله
ربنا قال ف الحديث القدسى .:ي دنيا من خدمنا فاخدميه ومن خدمكى فاستخدميه
#الدنيا_مزرعه_الاخره فركزى وشوفى بتزرعى ايه
بتزرعى ف طفلك عيب الناس يقولوا ايه..والا حرام ربنا يبصلنا ازاى
بتجمعى ولادك ف حلقه ذكر و قرءان. والا بتتجمعوا حوالين غنوه حلوه ورقص
بتزرعى فيهم قوموا نصلى الفجر عشان نأمن مستقبلنا الاخروى والا قوموا للمدرسه عشان #مستقبلنا_الدنيوى
زى مابتسعى عشان نجاح الأولاد ف الدنيا اسعى عشان نجاحهم ف الاخره لأن دول مشروعك اللى هتقدميه لربنا يوم القيامه.
😥😥😥😥😥😥
طيب ايه هى الدنيا دى اصلا يعنى هى عباره عن 🧐
#افتحى_مصفحك ع سوره ال عمران ايه 14
اقرأى كده
(زين للناس حب الشهوات من النساء والبنين والقناطير المقنطره من الذهب والفضه والخيل المسومه والانعام والحرث ذلك متاع الحياه الدنيا والله عنده حسن المئاب)
عرفتى ايه هى الدنيا هى لبسك وشياكتك .هى فلوسك وذهبك. هى رصيد البنك وحته الارض. هى ولادك وجوزك. هى احساسك انك عاوزه تبقى احسن من الناس .هى احلامك وطموحاتك الدنيويه اللى شغلت بالك عن المعطى الحقيقى لكل اللى انتى فيه
هى اللى خلتك تفكرى ازاى الجنيه يبقي عشره من غير ماتفكرى تشكرى اللى رزقك الجنيه دا.
اعتقد هنا بدأنا نفهم فين العائق
الدنيا بتكون عائقا لما قلبنا بيتعلق بيها
🤦♀🤦♀🤦♀🤦♀🤦♀#طيب_والحل
دا اللى هنعرفه المره الجايه بإذن الله
