#اصول_الوصول 9
الجرعه التاسعه
#عقبه_العوائق
كنا وقفنا المره اللى فاتت عند #الزهد وقلنا اننا هنتكلم عنه باستفاضه أكتر .
بس كنت حابه افكركم بخطتنا احنا كنا نوينا السير ف الطريق الى الله
وقلنا هنحافظ ع الصلوات الخمس وورد القرءان والأذكار كبدايه ..مجرد بدايه!!.
وقلنا عشان نكمل يلزمنا نعرف طبيعه الطريق اللى احنا ماشيين فيه وعرفنا انه صعب سيدنا محمد عليه الصلاه والسلام قال انه اشبه بالصعود ع جبل ....فاكرين🧠
واتفقنا اننا نحاول نكتشف العقبات اللى موجوده ف الطريق عشان نتلاشاها ونقدر عليها .
ولقينا اول عقبه هى #عقبة_العلم..وعرفنا انه مش ممكن تعبدي ربك وانت مش عارفه .ومش ممكن كمان تمشى ف طريق انتى مش عارفه عنه حاجه .وادينا اهو . الحمد لله بنتعلم...👍
ولما بدأنا نتعلم فهمنا ان ف عقبه ثانيه هى #عقبة_الذنوب واتعلمنا انه مش ممكن تكملى الطريق وانتى محمله ذنوب لازم تفضى الأول واتكلمنا عن الطريقة وهى (#التوبه).🤗
تمام.؟؟.............تمام👍
ودخلنا ع ثالث عقبة وهى #العوائق
ولقينا ف اربع اعداء مجهزين #بجيوش_قوية ف انتظارك
دنيا . وشيطان . ونفس . وناس
طيب يلزمنا استعداد للمعركه👇
مين اول عدو ؟..👈.#الدنيا☹
ايه هى الدنيا هى عربيتك وموبايلك ولاب توبك هى الاملاك والأطيان هى أولادك وزوجك هى ذهبك وفلوسك هى #النعم اللى انتى عايشه فيها ومشغوله بها . #فيس_بوك شاغلك عن ذكر الله. #جروب_واتس مضيع عليكى فرض الصلاه. لعبه شاغله كل تفكيرك ويمكن تكونى بتحلمى بيها 🙄
أولادك وبيتك وزوجك اللى واخدين كل وقتك ومش فاضيه تصلى .
عيدى حساباتك وركزى ف اولوياتك . وخلى ربنا رقم واحد ف اهتماماتك . وهتلاقى نفسك رايحه ف سكه تانيه ...ف عالم تانى من الاهتمامات. لو حطيتى رجلك ع اول الطريق ربنا هيمد ايده وياخد بايدك 🙏#هيقربك 🙏 هتتفتح ابواب للطاعات ماكنتيش تتصورى انك تعمليها 👀وتتقفل ابواب للذنوب ماكنتيش تفكرى انك تبطليها 🙏.هتلاقى تغيير جزرى فى قلبك هتحسى كأنه اتبدل
بقي اللى جواكى #قلب_حى .. قلب حاسس بربنا شايف ربنا
فاكره حديث سيدنا محمد عليه الصلاه والسلام لما كان بيقول اعبد الله كأنك تراه..
اه انتى ممكن تشوفى ربنا🤔 .
اقولك ع سر🤫 .
لما بتدعى ربنا .او بتتكلمى مع ربنا بتبصى فين؟.🌃 بتفتحى البلكونه بتبصى للسما بترفعى ايدك .صح!؟.
لما تبدأى تشوفى ربنا مش هتعملى كده هتلاقيه حواليكى هتحسى بيه شايفك وسامعك وحاسس بيكى ومع الوقت هتلاقيه جواكى من غير ماتنطقى بلسانك هتكلميه بقلبك هتشوفيه بقلبك هتسمعيه بقلبك..😍😍😍
عاوزه توصلى..🤲
طلعى من قلبك اى حب غيره
خلى حبه هو يملى قلبك.
ودلوقتى بتحبى مين .زوجك ماهو اللى هيحفظه ويوسع رزقه ويخليكى جميله الجميلات ف عنيه.
أولادك. هو اللى هيربيهم ويخليهم ويرزقك برهم .
مامتك .باباكى . اخواتك
ماهو اللى هيراعيهم
شغلك ماهو اللى رزقك بيه
فلوسك وذهبك و و و..
هو -هو . اللى أعطى
ماتزعليش لما يأخد
انزعى حب الدنيا من قلبك اصل حبها وحب ربنا مايتجمعوش مع بعض
وهو دا #الزهد😳
دا ربنا فضح الدنيا ووصفها بصفات لم يطلقها ع غيرها
فقال تبارك وتعالى
(اعلموا ان الحياه الدنيا لعب ولهو وزينه وتفاخر...)
شاغله قلبك ليه باللعب واللهو والزينه والتفاخر.
#الدنيا هى النفس وما هويت..اللى تهواه نفسك وتطيعيها فيه دا #دنيا .
ولما ندخل ع النفس هنعرف ازاى نتحكم فيها .
طب والفقير اللى مايملكش حاجه من الدنيا دا مش يبقى #زاهد 🤔
🤚لو بيتمنى حاجه من الدنيا دا عند ربنا من الراغبين مش من الزاهدين
لأن الحكايه مش حكايه امتلاك
الحكايه حكايه رغبه ف #الامتلاك🙄
امتي تعرفى انك #زاهده🧐
إذا ترك العبد ماتهواه النفس فقد ترك الدنيا.
لما تسيبى اللى نفسك فيه تبقى سبتى الدنيا
#الزاهد_ف_الدنيا هو #الراغب_ف_الاخره
#الزاهد ف الدنيا لا يمدحها ولا يفرح إذا أقبلت
ولا يحزن إذا ادبرت.
اصحاب سيدنا محمد اللى اتسعوا ف الدنيا من بعده والدنيا اتفتحت ليهم وشافوا عز الفرس وسيطروا ع ملك الروم. بكوا
بكوا وأشفقوا وقالوا
نخاف ان تكون عجلت لنا حسناتنا.
كانوا خايفين من الدنيا
سيدنا محمد عليه الصلاه والسلام قال
ما من غنى ولافقير الا ود يوم القيامه ان الله تعالى كان جعل رزقه ف الدنيا قوتا
😔يعنى بيقولنا هتتندموا ع الرزق اللى ف الدنيا وهتتمنوا لو انه كان لقمه تقويك ف يومك وبس.
كل عبد ع قدر علمه بالله #زهد
كل ما هتقربى من ربنا أكتر كل ما #هتزهدى اكتر كل ما تعلقك بالدنيا بيقل
فمن نفى رغبه الدنيا عن قلبه شيئا فشيئا يرى غايه الزهد
ومن توانى ع نفسه ولم يخالفها فإنه لم يعزف عن الدنيا ولم يشرف ع الاخره
ومخالفه النفس دى قصه تانيه لما نوصل للنفس هنفهما بإذن الله والصوره هتكون أوضح .
...........
المره الجايه هندخل ع العائق الثانى ف عقبه العوائق وهو الناس
وبأمر الله نعرف ازى نتخطى مشكله الناس ف حياتنا بس الحزر كل الحزر نكون احنا الناس اللى بتعوق اخرين ف طريقهم الى الله.
احبكم ف الله
⏪⏪⏪ تابعونا
.........
