#فتاة_داعية
#اصول_الوصول 6
🖊🖊رودينا محمد
.🌹🌹🌹🌹🌹🌹🌹🌹
......................................
الجرعه الرابعه
#عقبه_التوبه
فاكرين المره اللى فاتت لما وقفنا عند عمليه #التخليه_للقلب
وإن الضيف الجديد لازم نحسن استقباله .
واحنا دلوقت ف استضافه #موسم_الطاعات .
وكمان مقبلين ع الله ومش عاوزين نرجع .
وقلنا ان الإقبال ع الله بيقابله #عقبات كتير
وعرفنا #عقبه_العلم وفهمنا اننا لازم نتعلم ونعرف ربنا أكتر عشان نعبده صح .وعشان نعبده صح لازم نخلى #القلب_يستعد . واستعداد القلب هيكون بإننا نشيل كل #الستاير_السوده اللى مخلياه محجوب عن نور الله .
ودا كان عن #طريق_التوبه. التوبه لازمه ومهمه عشان نحس بربنا وعشان نكمل مع ربنا.....
✋✋بس ايه هى #التوبه دى ي
🤝#حلو_سؤالك
#التوبه ف العادى معناها الرجوع. اقلاع..يعنى تبطلى تعملى ذنب
بس اسمعى بقي السلف قالو ايه عن معنى التوبه👇
قالوا..التوبه هى #احتراق_الحشا بعد ارتكاب الجفا
يعنى ايه دا🤨
#الحشا معناه بطن بس هنا معناه الداخل .يعنى كل ذره ف كيانك بتتحرق بتتعب بتدمر عشان بعدتى عن ربنا..وخدى بالك عشان #بعدتى بس مش عشان #ارتكبتى_ذنب
😔😔😔😔
اللى وصف التوبه بالكلمات دى بيقول انه كان بيتوب من الخاطر اللى كان بيخطر ع قلبه وفيه غفله عن الله
😥😥يعنى ماكنش بيعمل ذنوب اصلا وكان كل ذنبه انه خطر ع باله حاجه شغلته عن ربنا😯😯😯😯😯😯😯😯
عشان زى ماقلتلك ان #الخشيه_درجات وأنواع
خشيه العوام..وخشيه الخواص..وخشيه العاشقين
#التوبه بردو #انواع_ودرجات
توبه للعوام..وتوبه للخواص..وتوبه للمحبين
العوام بيتوبوا عن الذنوب والكبائر
الخواص بيتوبوا عن اللمم
والمحبين المقربين بيتوبوا عن اللى خطر ف بالهم من غفله
✋✋✋✋✋ عارفاكى هتقولى ايه وقفتك كلمه #لمم صح
😃😃😃 اه فعلا
ايه #لمم دى معلش🤔🤔
ماهى الذنوب انواع
1⃣الكبائر..👈 ودى اللى اللى عليها حد
زى الغيبه.النميمه.السرقه. الزنا
2⃣الصغائر..👈زى عينك ماتيجى ع حاجه حرام
او سماعك للمحرمات
بس خدى بالك اصرارك ع الصغائر بيحولها لكبائر بس طبعا باب الذنوب دا كبييييير ومش وقت استفاضه فيه
3⃣اللمم..👈اللمم دى هى صغائر الذنوب اللى من غير قصد يعنى سمعتى أغنيه من غير قصد شتمتى من غير قصد
واللمم دى بتتغفر بالصلاه وبالصيام وبالصلاه ف جماعه ومن الجمعه للجمعه ومن رمضان الى رمضان ومن العمره للعمره
يعنى بتتغفر بمجرد الطاعات لكن #الكبائر دى محتاجه توبه
👐👐😦انا زعلانه
🤕🤕انا بعمل كبائر
تقصدى #الغيبه طبعا
😣😣اه
وبسمع اغانى 😭😭
ربنا بينادى عليكى فكل مره بترتكبى فيها الذنب وبيقول
عبدى ....لما جعلتنى اهون الناظرين اليك
اسمعى النداء دا بقلبك وفكرى كده لو كانت للذنوب رائحه كنت هترتكبى كام ذنب ف اليوم عشان الريحه ما تظهر
اسمعى النداء دا بقلبك وفكرى ف شؤم الذنب وايه اللى كسبتيه وايه اللى بتخسريه
اسمعى النداء دا من رب رحيم دلوقت بس لو لم يكن رحيم ي تري انتى هتقدرى ع غضبه
فكرى كويس لأن الموضوع مش هزار
الموضوع إما #جنه .يا إما #نار
..........................🌹🌹🌹🌹🌹....
