#اصول_الوصول 13
الجرعه الثالثه عشر🙆♀
#عقبه_العوائق👀
#الشيطان👹
كنا بنتكلم عن حيل الشيطان ودا أحد اسلحته💣 . بيستخدم السلاح دا امتي🤷♀🤷♀ بيستخدمه اول مابيشم من قلبك رائحه الخير رائحه الاقبال ع الله بأى شكل كان صلاه .صدقه . كلمه طيبه .😳😳
تخيلى مع كل نداء من ربنا للصلاه الشيطان بيستعد بيشمر ويشد الهمه عشان 😨😨😨 طبعا انتى فاهمه
تعالى افكرك بحيله🕳
💣#تثبيط_الهمه💣💣
🙇♀عاوزه ابدأ اصلى
👹 اعملى الخير مش لازم الصلاه يعنى صلحى من لبسك الاول . وبعدين مش بالصلاه يعنى مافلان مابيسبش فرض بس قلبه مريض 🕳
💣#التسويف💣💣
🙇♀لا ماليش دعوه بغيرى دا ربنا امرنى بالصلاه.
👹 طب بعدين خلصى اللى وراكى الاول هى الصلاه هتطير🕳 وبعدين استنى من اول الشهر تبدأى وتلتزمى🕳
💣#العجله💣💣
🙇♀لا وهو انا ضامنه عمرى لأول الشهر ي رب عنى انا نويت اصلى والتزم بالاذكار والنوافل.
👹 يلا خلصى صلى عشان وراكى مليون حاجه عاوزه تخلص (بيقومك للصلاه واخده بالك انتى)🕳 بسرعه خلصى ورد القرءان عشان الاذكار 🕳
💣#الرياء💣💣
🙇♀ لا انا مش هستعجل انا عاوزه اتقن واحس براحه اكتر دا ربنا يحب اذا عمل احدكم عملا ان يتقنه .
👹ياه ع شعورك بالخشوع دا وي سلام ع حضور القلب بين يدى الله دا لو الناس شافوكى كده هيحسوا بتغيير كبير فيكى . ايوه استمرى ع الخشوع والاخلاص دا عشان يبان النور ف وجهك والناس تحس باللى حصلك نتيجه القرب من الله🕳
💣#الكبر💣💣
🙇♀ناس ايه اللى اعمل حسابهم لااااا ي رب اصرف عن قلبى الرياء
👹 شوفتى لما اخلصتى لله ربنا اختارك من وسط اهل بيتك كلهم عشان تقيمى الليل . ياه وبقيتى من اهل الفجر 🕳انتى الافضل 🕳 الناس ف غفله الناس مغيبه 🕳🕳
💣#العجب💣💣بضم العين😘
ودى الحيله اللى عليها الدور انهارده 🌷
دى الحيله السادسه بعد مايتأكد من نجاتك من كل الفخاخ السابقه🕳 ينصبلك فخ مايتشافش 👇
✋سادسا😔 #العجب👇
👹 ي رب انا بصلى وبصوم وبحب الخير للناس وعمرى ما أذيت حد وف الاخر يحصلى كده استغفر الله ليه كده بس ي رب دا انا عمرى ماقصرت ف حقك💣
🧠🧠
ركزى كده انتى نسبتى كل توفيقك ف الطاعه لنفسك واعجابك بعبادتك ماكانش هيظهر غير ف الابتلاء بس انتى بدل ماتتفوقى ف الامتحان فشلتى وبجداره وبقيتى شايفه انك عشان قريبه من ربنا يبقي دعوتك مستجابه تقوليله شيل هيشيل
🤦♀🤦♀#طيب_والحل
🧠#الحل🧠 خليكى متأكده ان ربنا مش هيعطي اصعب المعارك الا لأقوى جنوده 💪💪اثبتى وافرحى بالابتلاء لأنه بيمحى الذنوب ولو محاها كلها بيبدأ ف رفع الدرجات يعنى من الاخر اللى بيفهم بيتمنى الابتلاء🙆♀🙆♀
✋طيب بقيتى مستعده
الهمه عاليه👌 الاتقان تمام👌 مفيش كبر 👌 مفيش رياء👌 مفيش عجب👌
بردو مش هيسيبك😳
👈سابعا 😔 #القدر_المحسوم👇
👹 ليه بتعانى ف الطاعات والعبادات ماهو انتى لو من اهل الجنه هتموتى ع خير حتى لو ما ركعتيهاش ولو من اهل النار هتموتى ع عمل شر حتى لو كنتى عابده
وف قصص كتيييير بتأكد الكلام دا وأحاديث عن الرسول ففكيها كده المكتوب مكتوب🕳
🧠 كلامه موضوعى صح ؟؟🤷♀ قاتل المائه نفس اللى أصبح من اهل الجنه والعابد اللى سجد للشيطان ومات🙆♀
الحل ايه🤷♀🤷♀
الحل ف كلمه 👇وكلمه السر هنعرفها المره الجايه
....
وبمجرد مانعرف كلمه السر هنكون بفضل الله اتعاملنا مع السلاح الاول للشيطان💪 #سلاح_فتاك👀 اعمليله حساب ف اليوم الف مره 🙏🙏وادعى وادعى وادعى عشان تقدرى على مكائده المتعدده دى🙆♀
..🌸🌺🌺🌺🌸
