#اليونان
عبد الرحمن :طبعا يابتي في حاجة لمن هسي انت ماعندك بيها معرفة او احتمال عرفتي بي شلاقتك وشمارك😂طبعا حتنزلي عند عمتك علا وحتقعدي معاهم اساسا بتحبك وماحتقصر منك بي حاجة بس زي ماعارفة علاقتي متوترة مع عمك عثمان لانو شركاتي الفي السودان مسكتها صحبي ومامسكتها ليهو لانو زول مامسؤول وعارف حيضيع تعبي فقطع علاقتو معاي و زعل وكون شركة خاصة بيه من ميراث جدك الله يرحمو وحاليا شركاتو الفي السودان بقت منافسة لي شركاتنا رغم أننا إخوان بس يقولو شنو💔وانت عارفة انو هو عارف انك توب في اختراق الأنظمة (اهاا نجي للمعلومة المهمة دي ساندرا رغم أنها صغيرة بالعمر هي من أكبر محترقي الشبكات في ولايتها حتى معارفها واصدقائها مسمنها Breakthrough systemsفي البداية كانت هواية عادية من عمر14بس خلال الأربعة سنوات قدرت تطورها لدرجة خيالية وبقت ملمة بكل التكنلوجيا والنظم ومعظم الاختراقات الأمنية بتقدر ليها...ملاحظتها القوية خلتها تلمح أبسط الأشياء الماف زول بلاحظ ليها وفي مرات كتيرة أبوها كان بيعرض ليها مشاكل الشركات وهي بتعرف الدخلاء وبتأمن الشركات بذكاء عالي عشان كدا ظلت شركات أبوها توب في البلاد❤"
عبد الرحمن:ساندرا اياااك توري زول انك بتعرفي للحاجات دي ايااك وهسي عمك العرف بالصدفة دا زااتو خايف منو يقرب عليك عشان كدا خليك حذرة شديد وحاولي ماتحتكي بيه كتير ولا بأولادو عشان يأذيك هو بيعتبرنا أعداء ليهو ولي شركاتوو وكل همو يدمرنا ويخرب السستم بتاعنا ويسرق تصميماتنا في مرات كتيرة كان بينجح لانو النظام في السودان ضعف شوية صحبي كبر في السن و وجودك في السودان فائدة ليهم اي مشكلة أمنية او اختراقات حتقدري تعالجيه هناك+ انو صحبي ماحيقصر معاك لا هو لا ولدو على العموم خلي بالك من نفسك وارجعي لينا سالمة❤
ساندرا :ماتخاف بابا انا في أمان وشركاتك كمان واي دخيل اعتبر امرو انتهي😉👏
عبد الرحمن:الله يحفظك ويغطيك يلا قومي طلعي شنطك عشان نطلع بدري
ساندرا:حاضر دخلت غرفتها لقت ليم ماسكة مخدتها وبتبكي
ساندرا :ليم ليموو ليميي
ليم:اي
ساندرا:انت بتبكي ؟!
ليم:لالا😢
ساندرا :والفي عيونك دا كحل شفاف😒
ليم:بطلي سخافة ياخ والله حشتاق ليك😭😭😭
ساندرا :اهاا عشان كدا البكا😂تعالي ياخ وحضنتها اخيرا اعترفتي اني حافرق معاك وانا كمان يقلبي😢❤
ليم:ماتقعدي هنا ياخ مابقدر اقعد من دونك😭❤
ساندرا:كلها تلاتة سنة وتجي لاحقاني في السودان😂
ليم:وتلاتة سنة قليلة😭💔
ساندرا:ماتنكديني عليك الله وقومي ساعديني أختار لبسة 🌚
ليم:مشاعر منتهية يالطيف😒ارح طيب..
*******
#السودان :
هزيم أتوجه لمكان شغلو وأول ما دخل البشر ديل كللهم سكتو كان عطست نملة بيتسمع😂(صيغة مبالغة ماتركزو🌚💔)خايفين يفتحو خشمهم وينفعل فيهم لكن لمن شافوه مبتسم عرفو انو الحالة لسة ماقامت😂وبقو يصبحو عليهو وهو بيرد بي ابتسامتو زاتها بعدها طلع السلم وفات على مكتبو والموظفين بدو يتهامسو😂
-وووب علييي من هزيم ورواقة هزييم وسماحة هزييم🤤🤤❤
-ونفسياتو كمان🙂💔زول منفسن ياخ
-احييي كان ما نفسياتو دي كان بقا perfect
- لالا ياخ نفسياتو دي هي المبقياه فخامة وكدا❤🤤
-هسسي يعدي نص ساعة جوه يجينا نافخ ريشو ويهرشنا😂
-وبعد شوية نلقاه بيتونس مع بتاع الكفتريا😂😂💔
-وبعداك يرجع لبرودو القاتل ويسفه اي زول يفتح خشمو معاه دا لو مااداه كف🐸👍
-حفظناها نفسيتو
-احيي منو ومن تقلباتو🤤❤
-استنو انتو قايلين شنو هو لسا ما حبا والله يحب بت تأدبووتطير ليه النفسنة دي😂
- دا لو ما نفسنها معاه😂😂😂💔
-وب عليي تبقا مشكلة دي نسختين من هزيم
-هي اسكتو خلاص وواصلو شغل لو طلع ولقانا بنتونس بيطردنا🌚💔
-بسسسس عليه يطلع زي القدر☹💔👊
-اححلى قدر دا🤤
-هس هس يامنبرشات😂😂
......هزيم دخل مكتبو وسأل سكرتيرتو اذا المدير جا ولا لسة (اي ماهو المدير)قالت ليهو جا وقال لو جيت امشي ليهو
هزيم :طيب طلع ومشا ليهو قال ليهو صباح الخير مستر
محمد:صباح النور هزيم نفسنة مفيش داعي لي مستر دي مع ابوك😂(وأي أبوه المدير🌚)
هزيم:هزيم نفسنة!!
محمد:مستغرب مالك الشركة كلها مسمياك كدا من نفسياتك💔😂😂
هزيم فكاليهو ضحكة تلخم🤤بعداك قلب وشو وعقد حواجبو وقال غياظين😒(موش قلنا هزيم نفسيات😂)اها يا حاج احكي
محمد:مرة مستر ومرة حاج ماينفع تقول بابا زي بيلسان ولا أبوي زي همام
هزيم:بابا حقت حناكيش وبعدين انت قايل همام بقول ليك أبوي من وراك مسميك حاج حمود😂😂(وااافضيحتك يهمام😂)
محمد:يصبر لي همام دا (همام ولا مطبخ كهكهه🌚❤)
هزيم:احكي يا ابوي
محمد: هزيم انت عارف انو انا كبرت في السن ومرض السكري تعبني شديد والضغط زادو لي وعايز ارتاح باقي حياتي وأقعد مع العائلة واطلع من جو الشغل دا
هزيم:بعد عمر طويل
محمد:عشان كدا ياولدي عايزك تمسك إدارة الشركة بدلا عني تخليني ارتاح واستقيل وانا عارفك قدر المسؤولية واكتر اها رأيك شنو
هزيم:أبشر يااابوي انت أمر بس بمسكها ليك لكن أكيد ما
حتنقطع من الشغل كليا حتطل تطمئن عليه كل فترة
محمد:رغم انو حاكون مطمن علي شغلي الفي يدك بس مامشكلة بديك طلات
هزيم:خلاص تماام يا حاج
محمد:اسبوعين كدا نظبط امورنا مع الشركة واستقيل وتبقا المدير العام لمجموعة" الفهد "
هزيم:أن شاء الله
محمد:خلاص عديلة ياولدي مااشغلك امشي واصل شغل🙂❤
هزيم:طيب بعد إذنك وطلع....
*******
#اليونان:
ساندرا لبست بنطلون جنز وقميص ابيض مورد باللون الوردي ولمت شعرها ضنب حصان واكتفت بي روجها الروزي وقضت نص ساعة بكا مع اهلها وودعتهم💔بعداك اتحركت هي وابوها وانس للمطار وطول فترة الانتظار بيوصو فيها بعد ربع ساعة ندهو على طيارتها ابوها باس رأسها وأنس ضماها وودعها وركبت الطيارة واتحركت نحو السودان ❤...
نتلاقى💙
