قعدو شربو الشاب وفضلو يتونسو
علا:يلا يا ساندرا جامعتك الأحد الخميس والجمعة والسبت ارتاحي واتفسحي في البلد😊❤
ساندرا :اوك😍
ليندا:الحلو أننا في نفس الجامعة بس المجالات مختلفة☹
علا:انت عايزةit صاح
ساندرا :ايوة بحب مجال الأنظمة دا😍❤
ليندا:business woman وكدا😎
ساندرا :ان شاء الله😂❤.بعد شوية جرس الباب ضرب فتحو لقوهم ناس عمها عثمان (عثمان ولدو الكبير شادي 28سنة شغال معاهو في شركاتو شخصيتو توب في الذكاء والمكر وهو الممشي شركات أبوه بي مهارتو في اختراق الأنظمة وكان المنافس الأكبر ليهو ولد مدير شركة عبد الرحمن في السودان الاتنين منافستهم قوية والتحدي دايما مولع وكل الشركات التانية بتخاف منهم بس الفرق انو شادي بيخترق الأنظمة عشان يسرق ويفلس الشركة أما شركة عبد الرحمن فموقفو الحماية بس ومابتدخل في شؤؤن شركة تانية الا في حالة هجوم فبرد الهجمة طوالي شادي ولد عثمان الوحيد وعندو بت أصغر منو اسمها شهلاء زولة مغرورة ومفترية شايفة روحها وحاااااانكوووشة😒💔💔ومدلعة أما مرتو اسمها نبيلة من نوع النسوان اليادنيا مافيك إلا انا وبتكره عبد الرحمن واسرتو ديل كره وبتغيير من مرتو وبناتو ومابتطيقهم)
دخلو وسلمو عليهم عثمان مسكها وحضنها ونظام متأثر وحمد لله على السلامة ونورتينا ووو و ساندرا بتجامل فيه وبتقول في نفسها"هه مسكين قايلني من البنات البتغشو بي كدا😂😂✋دا انت ماشفت حاجة يااااا عمو😉)أما شهلاء ونبيلة فسلمو عليها بااااااخرنفس وهي كمان ماقصرت وردت ليهم بمسااخة😂(العين بالعين)قعدو وبقو يتونسو وعثمان يشيل ويشكر في ساندرا ويوصي فيها وينضضضم عشان يجذب انتباهها وهي تعجبكم منفعلة معاه وعاملة فرحانة وكأنها انغشت وخلااص وثقت فيه وتشييل وتتظارف ومن جواها كاتمة الضحكة بالعافية😂أما شهلاء ونبيلة بعاينو ليها من فوق لي تحت حبا كدا وجا شادي داخل ومن قعد ساندرا ادتو نظرة تفحصية عرفت انو من النوع المكار والمسيطر والدهاءو زي الثعلب ابتسمت بي فرح اخيرا لقت زول زيها وحتواجهو في حرب باردة أما شادي فنظرتو كانت مختلفة تجاهها جذبتو شديد وبقا مركز مع عيونها وشعرها الأشقر في اللحظات دي اصلللو مااتذكر انها خصمهم او حتشكل خطر عليهم فضل سرحان فيها بس نبيلة لاحظت ليهو وخافت يوقع في شباكها طوالي نبهتو
نبيلة:أحم شادي كيف الشغل معاك ( ومعاها حميرة جانبية😂)
شادي:ياداب إنتبه لي نفسو ونظرات امو طوالي فهمهم وقال ليها تمام يا امي الحمد لله
شهلاء:ليندا كيف😏
ليندا :تمام😒
نبيلة:ماشاء الله عدساتك حلوة يا ساندرا قريبات من حقت شهلاء بس حقتها رمادية😏(قالت كدا عشان تنبه شادي أنها مجرد عدسات بس رد ساندرا خلعها
ساندرا:عفوا خالتي ما عدسات دي عيوني الحقيقية زي عيون تيتا الله يرحمها😊❤
ليندا :قل هو الله أحد اسحروها😢
شهلاء :ليندا قلت حاجة
ليندا :لا سلامتك😒
نبيلة:اها حلوة والله😅
ساندرا:لكن عدسات شهلاء حلوة (بوووم قصفتهم😂)
شهلاء :شكرا (وعاينت لي أمها نظام ليي تقولي ليها عدسات 😂
علا:أقوم اسوي الفطور
عثمان:لالا نحن نستأذن بس جينا زيارة خفيفة لي ساندرا نحمد ليها السلامة
ساندرا :شكرا كتير
عثمان :مابيناتنا ياخ بعدين ماتنسينا حتجي تقعدي معانا كل أسبوع اسبوعين في الشهر ماتنقطعي
ساندرا :سوري عمو بس مابحب التنقل الكتير احسن لي حتة وحدة وهنا عمتو مامقصرة بجيكم زيارات
عثمان:اها خلاص تمام😒💔يلا باي وطلع شهلاء مدت يدها وقالت بااي ساندرا عايزة تمد يدها شهلاء سحبتها وابتسمت ومشت ساندرا اتغاااظت وقالت هم بدواand i am ready 😏ودخلت جوه...بي هنا عثمان وعائلتو وقفو جنب العربات
عثمان:شهلاء نبيلة خشو عربية شادي عايزو ثانية
شهلاء :طيب عثمان ساق شادي بعيد واتكلم معاه
عثمان:البت دي ماهينة وخطتنا نجيبها في البيت فشلت
شادي :قول خطتك انا اصللو ما قلت حاجة زي دي يعني يااابوي بالعقل كدا الكلام دا مابخش الراس😏😏
عثمان:ماهي ماحتعرف انو نحن حنخترق شركات أبوها
شادي:تفتكر زول بسموهو Breakthrough systems (مخترقة انظمة)ماحتكون خاتة احتمال زي دا البت دي أذكى مما تتوقع ياابوي خليها علي بتصرف معاها وبجيب ليك التصميمات دي😏
عثمان:طيب طيب امشي وصل أمك واختك انا طالع للشركة
شادي: طيب عثمان ركب عربيتو ومشا شادي عاين لي مدخل بيت ساندرا وأبتسم بعداك ركب العربية
نبيلة:شادي😒
شادي :نعم
نبيلة:إياك تقع مع البت دي
شادي:what ?
نبيلة:انت فاهم وانا فاهمة
شهلاء :وانا كمان فاهمة كل الناس عارفة انو ديل بمثابة خصومنا صاح ومعناها نضاضيهم مش نعجب بيهم😏
شادي :اسمعو أبوي وأخوه يحلو مشاكلهم براهم انا مالي دخل
نبيلة:لو في زول حيبوظ خطط ابوك حيكون انت😒
شادي :هو أبوي خططتو البعملها دي حصل مرة نجحت ماهو ماشي بي اقتراحاتي انا😂😏
شهلاء :ابقا قدر كلامك بعدين لو وصل لي بابا
شادي:قولي لو وصلتيه انت لي بابا😂يلا انزلو وصلنا نزلو وهم متغايظيين منو هو مااشتغل بيهم كتير دور عربيتو واتحرك و بفكر في ساندرا وعيونها بقا بيحاول يلقا طريقة يفشل شركة عمو من دون يأذيها تلقائيا لقا نفسو منجذب ليها وماعايز يأذيها....نتلاقى💙
